Gareth Bale ថាមានប្រៀបរឿងនេះមុនបាត់ទៅហើយ សម្រាប់ការផ្ទេរទៅ Man Utd
កីឡាករសញ្ជាតិវែល Gareth Bale តាមថាត្រូវបានប្រជែងអតីតមិត្តរួមក្រុម Cristiano Ronaldo នៅ Premier League តែដោយសារ Spurs មិនព្រមទិញយកគេផ្តាច់កុងត្រា ក៏អស់ឱកាសបន្តការឈរជើងនៅលីគកំពូលអង់គ្លេស ហើយត្រលប់ទៅលីគអេស្ប៉ាញវិញ។
យ៉ាងណាសម្រាប់ការវិលត្រលប់របស់ CR7 មកកាន់ក្លឹប Man Utd សារនេះ Bale ក៏បានបង្ហាញមតិយល់ឃើញថា តារាឆ្នើមព័រទុយហ្គាល់គេមានប្រៀបមុនបាត់ទៅហើយ បើធៀបនឹងចំណូលថ្មីមកពីក្រៅតំបន់ឯទៀត នោះគឺត្រង់ថា Ronaldo គេយល់ច្បាស់ពីបាល់ទាត់នៅអង់គ្លេសតាំងពីដំបូងមក។
ខ្សែប្រយុទ្ធស្លាបរបស់ក្រុមវែល បានប្រាប់អ្នកសារព័ត៌មានបែបនេះថា៖ "ខ្ញុំច្បាស់ថាគាត់ [Ronaldo] នឹងធ្វើបានល្អ ព្រោះគាត់ធ្លាប់បានបង្ហាញពីមុនមកនៅ Premier League ម្តងហើយ ដូច្នេះគាត់យល់ច្បាស់ពីលីគមួយនោះខ្លាំងណាស់"។
លោកបន្ត៖ "Ronaldo គាត់បានសម្រេចគ្រប់យ៉ាងក្នុងពិភពបាល់ទាត់នៅទីនោះ គាត់មានសមត្ថភាព ក្នុងការបញ្ចប់ទី ដូច្នេះមកសារនេះ គាត់នឹងមកលេងបានយ៉ាងល្អ ហើយបង្កើតការរកគ្រាប់បាល់ជាច្រើន ខ្ញុំពិតជារំភើបដែលបានឃើញ ដូចមនុស្សឯទៀតអ៊ីចឹងដែរ"។
គួរបញ្ជាក់ថា ជាការពិត CR7 ធ្លាប់ចាយពេលនៅ Old Trafford ចន្លោះឆ្នាំ ២០០៣ ដល់ ២០០៩ មុនផ្ទេរទៅ Real Madrid។ កំឡុងពេល ៦ ឆ្នាំ គេបង្ហាញខ្លួនសរុប ២៩២ ប្រកួត រកបាន ១១៨ គ្រាប់និង Assist ៦៩ លើក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
