កំណត់ត្រាធំ ៥ រាប់ថា Ronaldo ខ្លាំងហើយ បើអាចបំបែកបាននៅរដូវកាលនេះ
រដូវកាល ២០២១/២២ នៅក្របខ័ណ្ឌកំពូលប្រចាំប្រទេសនីមួយៗ បានឆ្លងកាត់ប៉ុន្មានជុំដំបូងហើយ ដោយឡែកនៅក្របខ័ណ្ឌពានរង្វាន់អឺរ៉ុប UEFA Champions League គឺត្រៀមបើកការប្រកួតនៅពាក់កណ្តាលសប្តាហ៍ក្រោយតទៅ។
៥) ក្លាយជាកីឡាករទី ១ ក្នុងលោកដែលអាចរកបាន ១០០ គ្រាប់នៅក្របខ័ណ្ឌ Premier League និង La Liga
កាលនៅ La Liga លោកធ្វើបានហើយ តែនៅ Premier League ទើបស្ថិតនៅគ្រាប់បាល់ទី ៨៤ ដូច្នេះត្រូវការ ១៦ គ្រាប់ទៀត អ៊ីចឹងត្រឹមមួយរដូវកាលគឺអាចថាមិនជារឿងពិបាកឡើយសម្រាប់ CR7។
៤) ជាកីឡាករវ័យចំណាស់ជាងគេឈ្នះពានស្បែកជើងមាសនៅ PL
បច្ចុប្បន្ន Jamie Vardy ជាអ្នកគ្រងកំណត់ត្រានេះ ដោយគេអាចឈ្នះពានស្បែកជើងមាសនៅអាយុ ៣៣ ឆ្នាំ នារដូវកាល ២០១៩/២០។ អ៊ីចឹងបើ CR7 អាចធ្វើបាននៅរដូវកាល ២០២១/២២ នោះក៏ជាកំណត់ត្រាថ្មីដែរ ព្រោះលោករំកិលចូលអាយុ ៣៧ ឆ្នាំហើយ។
៣) ជាកីឡាករ Man Utd រកបានគ្រាប់បាល់ច្រើនបំផុតនៅរដូវកាលទោល UCL
កំណត់ត្រានេះ Ruud van Nistelrooy ជាអ្នកធ្វើបាន ដោយមាន ១០ និង ១២ គ្រាប់នារដូវកាល ២០០១/០២ និង ២០០២/០៣។ ដូច្នេះបើ Ronaldo អាចធ្វើបានលើសពី ១២ គ្រាប់នៅរដូវកាល ២០២១/២២ ក្របខ័ណ្ឌ UCL ក៏រាប់បានជាកំណត់ត្រាថ្មីមួយទៀតដែរ។
២) កីឡាករ Man Utd ដំបូងដែលឈ្នះពាន PL ក្រោមអ្នកចាត់ការ ២ ផ្សេងគ្នា
មិនមាននរណាធ្លាប់ធ្វើបានពីមុនមកទេ ដូច្នេះ CR7 អាចមានឱកាសបំបែកបាននៅរដូវកាលនេះ ប្រសិនអាចឈ្នះក្រោមការដឹកនាំរបស់លោក Ole Gunnar Solskjaer ខណៈពានលើកទី ១ គឺស្ថិតក្រោមការដឹកនាំរបស់លោក Sir Alex Ferguson។
១) កីឡាករអាជីពដែលអាចរកបាន ៨០០ គ្រាប់
សព្វថ្ងៃ CR7 មាន ៧៨៥ គ្រាប់ ច្រើនជាង Pele, Romario, Ferenc Puskas, Josef Bican និង Lionel Messi។ ប៉ុន្តែលោកក៏នឹងអាចក្លាយជាកីឡាកររកបានគ្រាប់បាល់ទី ៨០០ ដំបូងគេក្នុងលោក ប្រសិនអាចបន្ថែមតួលេខ ១៥ គ្រាប់ទៀតនៅរដូវកាល ២០២១/២២ ជាមួយ Man Utd៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
