ប្រធានក្លិប Barcelona រិះគន់ក្លិប PSG ថាទិញកីឡាករម្ដងណាក៏រំលោភលើ financial fair play ដែរ!
ប្រធានក្លឹប Barcelona លោក Joan Laporta បានចូលរួមរិះគន់ក្លិបអ្នកមានបារាំង PSG ចំពោះការចំណាយលុយផ្ទាល់ខ្លួននៅក្នុងទីផ្សារដោះដូរកីឡាករ។
ថ្លែងទៅកាន់ទូរទស្សន៍ Onze TV3 កាលពីយប់ថ្ងៃចន្ទ Laporta បាននិយាយថា៖“ PSG បានរំលោភច្បាប់ទាំងអស់ ពិសេសការចំណាយហិរញ្ញវត្ថុដោយយុត្តិធម៌លើការទិញកីឡាករ” ។
Laporta ក៏បានបញ្ជាក់ផងដែរថា PSG បានព្យាយាមចុះហត្ថលេខាជាមួយ Neymar នៅក្នុងខែមីនានេះបន្ថែមទៀត។
"បាទយើងបានព្យាយាមចុះហត្ថលេខាជាមួយ Neymar ជាថ្មីម្តងទៀត! គាត់បានទាក់ទងមកយើងហើយចង់មកទីនេះ" ។
"ប៉ុន្តែពួកគេបានបដិសេធ ហើយព្យាយាមរាំងខ្ទប់មិនឱ្យ Neymar មកវិញហើយគ្រោងបន្តកុងត្រាបន្ថែមទៀត"។
មិនយូរប៉ុន្មានប្រធានក្លឹប Bayern Munich លោក Herbert Hainer ក៏បានរិះគន់ PSG ចំពោះវិការចំណាយលុយដ៏ច្រើនលើការផ្ទេរកីឡាករបស់ក្លិបមហាសេដ្ឋីប្រេងនៅបារាំងមួយនេះផងដែរ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
