(វីដេអូ) Jesse Lingard លាយស្ទាយអបអរ J-Lingz និង SUI របស់ Ronaldo មើលទៅអែមហួស
នៅការប្រកួតឲ្យជម្រើសជាតិអង់គ្លេស ទល់អង់ដូរ៉ាសម្រាប់វគ្គជម្រុះបឋមជុំទី ៥ កាលពីយប់មិញ ក្រុមតោកំណាចអង់គ្លេសបានយកឈ្នះ នៅលទ្ធផល ៤-០ ហើយក្នុងនោះមានចំណែកគ្រាប់បាល់របស់កីឡាករ Jesse Lingard ដល់ទៅ ២ គ្រាប់ ខណៈ ២ គ្រាប់ផ្សេងទៀតជារបស់ Harry Kane និង Bakayo Saka។
អ្វីដែលគួរឲ្យចាប់អារម្មណ៍ គឺទាក់ទិននឹងស្ទាយអបអរក្រោយរកបានគ្រាប់បាល់របស់ខ្សែបម្រើអង់គ្លេស Lingard ដែលគេបានច្របល់ស្ទាយអបអររបស់ខ្លួនដែលឲ្យឈ្មោះថា J-Lingz បញ្ចូលគ្នាជាមួយនឹងស្ទាយហក់ទម្លុះធរណីហៅថា SUI របស់ Ronaldo មើលទៅវាស៊ីគ្នា ពិតជាឡូយខ្លាំងណាស់។
ក្រោយចប់ការប្រកួត Lingard ក៏និយាយដែរថា ការដែលខ្លួនធ្វើបែបនោះ ព្រោះដើម្បីជាការស្វាគមន៍ដល់ Ronaldo អំពីការត្រលប់មក Old Trafford ជាលើកទី ២ សារនេះ។
ទស្សនាវីដេអូខាងក្រោម៖
https://www.youtube.com/watch?v=0hNGqZdicTA
គួរបញ្ជាក់ថា អនាគតរបស់ Lingard កាលពីពេលកន្លងទៅ ក៏មានមន្ទិលសង្ស័យថាអាចផ្ទេរទៅ West Ham ដែរ តែទំនងជាឥទ្ធិពលរបស់ Ronaldo គួបផ្សំនឹងកត្តាមួយចំនួនទៀតផង ក៏សម្រេចឲ្យគេបន្តនៅ Man Utd ដ្បិតមិនច្បាស់ថាខ្លួនឯងអាចជាប់ជម្រើសដំបូងឬអត់ក្រោមការដឹកនាំរបស់លោក Ole៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
