ក្លឹប PSG ជឿថាវត្តមាន Messi នៅតែមានប្រៀបជាង Ronaldo លើរឿងនេះ
ក្លឹបបារាំង Paris Saint-Germain បានចុះហត្ថលេខាយក Lionel Messi នៅរដូវក្តៅតែមួយ ដែល Man Utd យកបានសារជាថ្មីនៅវត្តមានតារាឆ្នើម Cristiano Ronaldo។ ការផ្ទេររបស់អ្នកទាំងពីរ ធ្វើឲ្យពិភពបាល់ទាត់មានការក្រឡាប់ចាក់ជាខ្លាំង ព្រោះមិនមាននរណានឹកគិតថាវាអាចកើតឡើងភ្លាមៗបែបនេះទេ។
ដំបូងនៅថ្ងៃទី ១០ កក្កដា Messi បានប្រកាសចាកចេញពី Barcelona ហើយផ្ទេរមកកាន់ក្លឹប PSG ហើយមកដល់ថ្ងៃទី ២៧ សីហា Ronaldo ក៏បានព្រមព្រៀងការផ្ទេរមក United ដ្បិតបើកន្លងមកមានដំណឹងថាចង់ផ្ទេរទៅ Man City។
យ៉ាងណាបើតាមការចុះផ្សាយពី The Athletic បានឲ្យដឹងថា ខាងក្លឹប PSG នៅតែជឿជាក់ថា ការផ្ទេរ Messi មកសារនេះ ជារឿងដែលគេលើកមកជជែកខ្លាំងបំផុតក្នុងប្រវត្តិសាស្រ្ត លើបណ្តាញសង្គម Twitter។ ប្រភពបានឲ្យដឹងថា PSG ក៏បានស្ទាបស្ទង់នៅសន្ទុះអ្នកគាំទ្រជារួម ដោយបាននិយាយអំពីការផ្ទេរ Messi តាំងពីការប្រើជាភាសាចិន ជប៉ុន កូរ៉េ រុស្ស៊ី អារ៉ាប់ និងភាសាជាច្រើនទៀតដែលប្រើប្រាស់អក្សរឡាតាំង ហើយក្នុងរយៈពេល ៧ ថ្ងៃដំបូងនៃការមកដល់របស់ Messi គឺមានគេលើកមកនិយាយច្រើនជាងការមកដល់របស់ Ronaldo។
បញ្ជាក់ថា នេះយើងមិនដឹងថាបែបណាទេ គ្រាន់តែជាអំណះអំណាងចេញពីប្រភពមួយតែប៉ុណ្ណោះ ពោលយើងពុំមានទិន្នន័យច្បាស់លាស់លើកមកបង្ហាញឡើយ។ ស្របពេលដែល United ឯណោះ មានតែរបាយការណ៍លក់អាវ ដែលតួលេខលក់គឺបំបែកកំណត់ត្រាទាំងនៅក្លឹបនិងក្របខ័ណ្ឌ Premier League ហើយអាចបង្កើតចំណូលរាប់លានត្រឹមរយៈពេលតែ ១២ ម៉ោងដំបូង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
