ទោះស្មើស្វីស តែជម្រើសជាតិអ៊ីតាលី បំបែកកំណត់ត្រាប្រវត្តិសាស្រ្តមួយរបស់ប្រេស៊ីល/អេស្ប៉ាញ
សម្រាប់ការប្រកួតវគ្គជម្រុះបឋមជុំទី ៥ កាលពីយប់មិញ ក្រុមជម្រើសជាតិអ៊ីតាលី បានទទួលលទ្ធផលត្រឹមស្មើ ០-០ ទល់ក្រុមជម្រើសជាតិស្វីស។ នេះដ្បិតបើរបូតមិនអាចយកបាន ៣ ពិន្ទុ ប៉ុន្តែសម្រាប់ក្រុមដឹកនាំដោយលោក Roberto Mancini គឺអាចបង្កើតកំណត់ត្រាប្រវត្តិសាស្រ្តដ៏គួរឲ្យចាប់អារម្មណ៍មួយ។
នោះគឺជាការប្រកួតលើកទី ៣៦ ហើយរបស់ជម្រើសជាតិអ៊ីតាលី ដែលមិនទាន់ស្គាល់ពាក្យថា ចាញ់ ពោលទទួលបានតែលទ្ធផលឈ្នះ និងស្មើ។ អ៊ីតាលីចាប់ផ្តើមការបង្កើតកំណត់ត្រាខ្នាតយក្សនេះនៅចុងឆ្នាំ ២០១៨ មកទល់បច្ចុប្បន្ន ហើយកន្លងមកមានតែក្រុមជម្រើសជាតិប្រេស៊ីល ដែលធ្វើបាន ៣៥ ប្រកួត (ឆ្នាំ ១៩៩៣-១៩៩៦) ហើយក្រុមជម្រើសជាតិអេស្ប៉ាញ ដែលធ្វើបាន ៣៥ ប្រកួត (ឆ្នាំ ២០០៧-២០០៩)។
ដរាបណាពួកគេមិនទាន់ស្គាល់ពាក្យថា ចាញ់ គឺអ៊ីតាលីនៅតែមានឱកាសជានិច្ចក្នុងការបន្តកំណត់ត្រាមួយនេះ ប៉ុន្តែតាមការសង្កេតមើលក្រោយពីចប់ Euro 2020 ដែលពួកគេលើកពានរួច គឺទម្រង់លេងហាក់មានការធ្លាក់ចុះ ពោលមិនសូវធ្វើបានល្អខ្លាំងឡើយ។ ប្រកួតបន្ទាប់អ៊ីតាលីត្រូវប៉ះលីទុយអានី មុនទៅជួបអេស្ប៉ាញដែលជាក្រុមខ្លាំងនៅថ្ងៃទី ៧ តុលា។
រំឭកថាកំណត់ត្រានេះ គួរតែអរគុណដល់លោក Roberto Mancini ជាពិសេស ព្រោះលោកដឹកនាំ ៤១ ប្រកួត ក្រុមអ៊ីតាលីស្គាល់ពាក្យថា ចាញ់ តែ ២ លើកគត់ ដោយសល់ប៉ុន្មានគឺឈ្នះ ៣០ និងស្មើ ៩ លើក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
