ឱនដាក់គ្រាប់! Lukaku និយាយបែបបន្ទាបខ្លួន រឿងគេប្រៀបធៀបខ្លួនជាមួយ Ronaldo
Romelu Lukaku ជាចំណូលថ្មីរបស់ក្លឹបតោខៀវ Chelsea ក៏មានអ្នកគាំទ្រប្រដូចគេទៅនឹងតារាឆ្នើម Cristiano Ronaldo របស់ Man Utd ថាចំណូលថ្មីទាំងពីររូប នឹងមានការប្រកួតប្រជែងគ្នាខ្លាំងរដូវកាលនេះ ហើយក៏ជាដើមចមនាំឲ្យក្លឹបលើកពាន Premier League មានការប្រែប្រួលផងដែរ។
យ៉ាងណាបើតាមការលើកឡើងពីសាមីខ្លួន Lukaku ផ្ទាល់ ក៏បាននិយាយនៅពាក្យគួរឲ្យគោរព ដោយបែបបន្ទាបខ្លួនយ៉ាងដូច្នោះថា៖ "កុំឲ្យសោះ កុំប្រៀបធៀបខ្ញុំទៅ Cristiano Ronaldo គឺសម្រាប់ខ្ញុំ Cristiano Ronaldo គាត់ស្ថិតក្នុងចំណោមកីឡាករល្អបំផុតទាំង ៣ ក្នុងប្រវត្តិសាស្រ្តបាល់ទាត់"។
លោកបន្ថែម៖ "ខ្ញុំមិនរាប់គាត់ថាស្ថិតនៅលេខរៀងទីប៉ុន្មានទេ ពី ១ ដល់ ៣ តែគាត់ស្ថិតក្នុងចំណោមនោះ ហើយអ្វីដែលគាត់សម្រេចបានកន្លងមក សម្រាប់កីឡាករជំនាន់ក្រោយពេលនេះគឺមើលទៅពិតជាអស្ចារ្យណាស់"។
"ខ្ញុំពិតជាសំណាងដែលអាចលេងតទល់គាត់នៅអ៊ីតាលី ហើយពេលនេះគាត់ត្រលប់មក Premier Leauge វិញ ដែលវាពិតជាល្អសម្រាប់បាល់ទាត់អង់គ្លេស និយាយជារួមការប្រៀបធៀបស្ថិតិរបស់ខ្ញុំឬរឿងអ្វីជាមួយគាត់ គឺអត់ប្រយោជន៍ទេ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
