Pjanic៖“ Koeman មិនគោរពខ្ញុំទេ! សូម្បីនិយាយជាមួយខ្ញុំក៏មិនដែលផង!
Miralem Pjanic បានប្រាប់ Marca នៅក្នុងបទសម្ភាសន៍ដ៏ធំផ្ដាច់មុខមួយថាគ្រូបង្វឹក FC Barcelona លោក Koeman មិនដែលបង្ហាញការគោរពនិងបង្ហាញភាពស្និទស្នាលជាគ្រូបង្វឹកនិងកីឡាករនោះទេ។
"ខ្ញុំមិនអាចស៊ាំនឹងស្ថានភាពដែលខ្ញុំជួបកាលពីឆ្នាំមុន។ ខ្ញុំដឹងថាខ្ញុំមិនចង់បានវាទេ! ខ្ញុំជាកីឡាករ។ ខ្ញុំចូលចិត្តលេងបាល់ទាត់នេះគឺជាអ្វីដែលធ្វើឱ្យខ្ញុំសប្បាយចិត្ត"។
"ខ្ញុំតែងតែចូលចិត្តរបៀបលេងរបស់ Barca ។ វាច្បាស់ណាស់ថា ទស្សនៈរបស់ពួកគេសមស្របនឹងខ្ញុំ។ នៅពេលខ្ញុំនៅ Barca ខ្ញុំបានមើលពួកគេលេង ហើយខ្ញុំដឹងថានេះគឺជាអ្វីដែលខ្ញុំសុបិនចង់បាន"។
"ខ្ញុំតែងតែចង់លេងឱ្យ Barca ប៉ុន្តែខ្ញុំមិនរំពឹងថាស្ថានភាពនឹងស្មុគស្មាញដូច្នេះ! ពេលវេលាប្រកួតតិចតួច, Covid, ប្រាក់កម្ចី ... ។ Koeman មិនដែលនិយាយជាមួយខ្ញុំទេ ខ្ញុំជាកីឡាករម្នាក់ដែលអាចទទួលយកអ្វីគ្រប់យ៉ាង ប៉ុន្តែខ្ញុំតែងតែចង់ទទួលការពន្យល់ខ្ញុំ។ខ្ញុំមិនមែនជាក្មេងអាយុ១៥ឆ្នាំទេ នេះគឺជាបាល់ទាត់"។
Pjanic ត្រូវបានខ្ចីជើងទៅឱ្យ Besiktas ប៉ុន្តែគាត់ត្រូវបានគេរំពឹងថានឹងត្រលប់មក Barcelona វិញនៅរដូវក្តៅក្រោយ។ ខ្សែបម្រើដែលមានបទពិសោធន៍រូបនេះបានបង្ហាញខ្លួនប្រហែល ១៣០០ នាទីប៉ុណ្ណោះសម្រាប់ក្រុមអ្នកមានបុណ្យកាលពីរដូវកាលមុន៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
