តើអ្នកនឹងរៀបការប៉ុន្មាន នៅក្នុងជីវិតនេះ?
តោះ! សាកល្បងធ្វើតេស្ត តាមរយៈការជ្រើសរើសរបស់អ្នក តើកូនក្រមុំតុក្កតាមួយណាដែលអ្នកស្រឡាញ់ជាងគេ ដើម្បីដឹងថា តើក្នុងជីវិតនេះ អ្នកនឹងរៀបការប៉ុន្មានដង?
1. កូនក្រមុំតុក្កតាទី 1
ការជ្រើសរើសរូបនេះបង្ហាញថា អ្នកនឹងជួបប្រទះនឹងអាពាហ៍ពិពាហ៍ ២ ទៅ ៣ ដង។ នេះដោយសារតែបុគ្គលិកលក្ខណៈរបស់អ្នក អ្នកជាមនុស្សអភិរក្ស និងមិនទុកចិត្តអ្នកដទៃ តែងតែមានការសង្ស័យច្រើនពេក។
នៅក្នុងជីវិតនេះ អ្នកហាក់ដូចជាយល់ថាដៃគូរបស់អ្នកមិនអាចជឿទុកចិត្តបាន មានភាពខុសគ្នារវាងអ្នកទាំងពីរ ដូច្នេះវាពិបាកក្នុងការទំនាក់ទំនងជាមួយគ្នា។ នេះក៏ជាមូលហេតុដែលធ្វើឱ្យអាពាហ៍ពិពាហ៍របស់អ្នកងាយនឹងបាក់បែក ម្ដងហើយម្ដងទៀតផងដែរ។
2. កូនក្រមុំតុក្កតាទី 2
អ្នកនឹងមានអាពាហ៍ពិពាហ៍តែម្ដងប៉ុណ្ណោះពេញមួយជីវិតរបស់អ្នក។ អ្នកគឺជាមនុស្សស្មោះត្រង់ចំពោះដៃគូ និងចេះរក្សាចំណងអាពាហ៍ពិពាហ៍បានយ៉ាងល្អ។ នៅពេលអ្នកស្រឡាញ់នរណាម្នាក់ អ្នកពិតជាដាក់ចិត្តជ្រាលជ្រៅចំពោះមនុស្សម្នាក់នោះ អ្នកសម្រេចចិត្តរៀបការជាមួយមនុស្សនោះដោយមិនស្ដាយក្រោយអ្វីឡើយ។
3. កូនក្រមុំតុក្កតាទី 3
អ្នកនឹងឆ្លងកាត់អាពាហ៍ពិពាហ៍ពីរដង។ អ្នកជាមនុស្សម្នាក់ដែលមានភាពម៉ឺងម៉ាត់ក្នុងកិច្ចការស្នេហា ហើយសុខចិត្តលះបង់ដើម្បីស្នេហា។ ប៉ុន្តែនៅក្នុងអាពាហ៍ពិពាហ៍ដំបូងរបស់អ្នក អ្នកជួបដៃគូអាក្រក់ និងមិនចេះទទួលខុសត្រូវឡើយ។
រហូតមកដល់រៀបការលើកទី ២ របស់អ្នក ដែលអ្នកបានជួបមនុស្សម្នាក់ដែលពិតជាស្រឡាញ់អ្នក នោះហើយជាគូពិតប្រាកដ។ អ្នកទាំងពីរយល់ និងដឹងគុណគ្នាកាន់តែខ្លាំង ព្រោះអ្នកទាំងពីរបានជួបប្រទះនូវអាពាហ៍ពិពាហ៍ដែលបរាជ័យដូចគ្នា។
4. កូនក្រមុំតុក្កតាទី 4
ចំពោះជម្រើសនេះ វាពិបាកនឹងកំណត់ណាស់ថា អ្នកនឹងត្រូវរៀបការប៉ុន្មានដង តែអាចនឹងថាអ្នកប្រហែលជាមិនរៀបការនោះឡើយ។ ព្រោះតែស្នេហាកន្លងមកនេះ វាបានធ្វើឱ្យអ្នកឆ្លងកាត់ការឈឺចាប់យ៉ាងខ្លាំង ទើបអ្នកខ្លាចអាពាហ៍ពិពាហ៍ និងភ័យខ្លាចនៅពេលដែលមនុស្សផ្សេងទៀតផ្គូរផ្គងនរណាម្នាក់សម្រាប់អ្នក អ្នកខ្លាចជួប និងប៉ះមនុស្សដែលមិនចេះស្រឡាញ់ និងថ្នាក់ថ្នមអ្នក៕
ប្រភព ៖ Emdep/Knongsrok
ព័ត៌មានថ្មីៗ
