តើគូស្នេហ៍របស់អ្នក មានចំណុចអ្វីខ្លះ ដែលល្អជាងអ្នក?
ជ្រើសរើសផ្កាមួយដើម្បីដឹងពីចំណុចខ្លាំង និងគុណសម្បត្តិរបស់គូស្នេហ៍អ្នក ដែលល្អជាងអ្នក។
A/ ទំនាក់ទំនងរហ័សល្អជាងអ្នក
ចរិតលក្ខណៈធម្មជាតិរបស់អ្នក គឺល្អណាស់ ហើយនោះក៏ជាកត្តាធំបំផុតដែលដៃគូរបស់អ្នក តែងតែកោតសរសើរចំពោះអ្នកដែរ។ ការខ្វះខាតតែមួយគត់គឺថា អ្នកស្ងាត់ពេក មិនចូលចិត្តនិយាយអ្វីច្រើននោះឡើយ នៅពេលដែលអ្នកដទៃចាប់ផ្តើមគំនិតផ្តួចផ្តើមការសន្ទនា តែអ្នកបែរជានិយាយតែពីរបីឃ្លាតែប៉ុណ្ណើ។
ប៉ុន្តែផ្ទុយទៅវិញ ដៃគូស្នេហារបស់អ្នក មានភាពរហ័សរហួនក្នុងរឿងនេះ គាត់ / នាងអាចនិយាយបានស្រួលជាមួយមនុស្សគ្រប់វ័យ ចុះសម្រុង ព្រោះពួកគាត់មានជំនាញផ្នែកទំនាក់ទំនង ពូកែវោហាស្ដីជាងអ្នក។
B/ ពូកែឈ្វេងយល់ពីមនុស្សជុំវិញខ្លួន
មានគុណសម្បត្តិមិនល្អមួយចំនួននៅក្នុងខ្លួនអ្នក ដែលអ្នកប្រហែលជាដឹងខ្លួនដោយខ្លួនឯង នោះគឺអ្នកចូលចិត្តខឹងដោយគ្មានហេតុផល ហើយធ្វើអ្វីៗតាមតែអារម្មណ៍ខ្លួនឯងប៉ុណ្ណោះ។ អ្នកគិតថានៅពេលដែលភាគីម្ខាងទៀតព្យាយាមផ្តល់ឱ្យអ្នក វាគឺដើម្បីបញ្ជាក់ពីក្ដីស្រឡាញ់ នោះហើយជាអ្វីដែលធ្វើឱ្យអ្នកកាន់តែបានចិត្ត។
ផ្ទុយទៅវិញគូស្នេហារបស់អ្នកគឺជាមនុស្សដែលចេះអធ្យាស្រ័យ និងយល់ចិត្តគ្នាយ៉ាងខ្លាំង។ ប្រសិនបើអ្នកនៅតែបន្តលេងល្បែងដែលខឹងសម្បារនោះ មិនយូរមិនឆាប់គូស្នេហ៍របស់អ្នក ប្រាកដជាបានទៅអ្នកផ្សេងមិនខានឡើយ។
C/ ដឹងពីរបៀបថែរក្សាខ្លួនអ្នក
អ្នក និងដៃគូរបស់អ្នកស្រលាញ់គ្នាខ្លាំងណាស់ ដែលអ្នកមិនចាំបាច់លាក់បាំងអ្វីពីគ្នាទៀតទេ ដូច្នេះរវាងអ្នកទាំងពីរ ពិតជាគ្មានអាថ៌កំបាំងអ្វីជាមួយគ្នាឡើយ។ អ្នកភ្លេចបន្តិចម្តងៗ អំពីការថែរក្សារូបរាងរបស់អ្នក មិនខ្វល់ពីការស្រឡាញ់ និងមើលថែខ្លួនឯងនោះឡើយ សូម្បីតែការញុំា ការគេង ក៏អ្នកមិនជាយកចិត្តទុកដាក់ដែរ។
បើទោះបីជាយ៉ាងនេះក្ដី គូស្នេហ៍របស់អ្នក នឹងក្លាយជាចំណែកចាំក្រើនរំឭក និងដាស់តឿនដល់អ្នកក្នុងរឿងនេះជាប្រចាំ។ នេះបញ្ជាក់ឱ្យដឹងថា គាត់ពិតជាមានការយកចិត្តទុកដាក់ចំពោះអ្នកយ៉ាងខ្លាំង។
D/ មានជំនឿចិត្តយ៉ាងខ្លាំង
អ្នកគឺជាមនុស្សដែលមានភាពវង្វេងស្មារតី ស្ងាត់ស្ងៀម ហើយច្រើនតែមានការគោរពខ្លួនឯងទាប ដូច្នេះអ្នកមានអារម្មណ៍ថាអ្នកមិនសមនឹងមនុស្សផ្សេងទៀតទេ ប្រសិនបើអ្នកអាចមានទំនុកចិត្តកាន់តែខ្លាំង អ្នកប្រាកដជាបង្កើនភាពទាក់ទាញបំផុតពីដៃគូរបស់អ្នក។
ជាក់ស្ដែងណាស់ ដោយសារតែដៃគូរបស់អ្នក គាត់ជាមនុស្សដែលមានទំនុកចិត្ត និងជំនឿចិត្តខ្ពស់ ដូច្នេះហើយ គាត់ច្បាស់ជាចង់បានដៃគូដែលមានគំនិតបែបនេះដូចគ្នា។ ចំណែកអ្នក ប្រសិនបើអ្នកអាចធ្វើបែបនេះបាន វាជាគុណសម្បត្តិមួយយ៉ាងច្បាស់ដែលអាចទាញបានពិន្ទុបន្ថែមទៀតពីគូស្នេហ៍របស់អ្នក៕
ប្រភព ៖ iOne/Knongsrok
ព័ត៌មានថ្មីៗ
