តើមានអ្វីប្លែក នឹងចូលមកក្នុងជីវិតអ្នក ក្នុងពេលឆាប់ៗខាងមុខនេះ?
ជ្រើសរើសសម្ភារវេទមន្តណាមួយ ដែលអ្នកចាប់អារម្មណ៍ជាងគេ ដើម្បីដឹងពីរឿងប្លែកៗនឹងចូលមកក្នុងជីវិតរបស់អ្នក ក្នុងពេលឆាប់ៗខាងមុខនេះ។
១. មួកវេទមន្ត
ជីវិតរបស់អ្នកសម្រាប់ពេលឆាប់ៗខាងមុខនេះ គឺមានសន្តិភាពណាស់ ហើយអ្វីៗហាក់ដូចជាល្អមិនមានបញ្ហាអ្វីធំដុំទេ។ ទោះយ៉ាងណាក៏ដោយ អ្នកនឹងប្រឈមមុខនឹងជម្រើសមួយចំនួននៅក្នុងជីវិតរស់នៅប្រចាំថ្ងៃ ដូចនេះគឺមានភាពច្របូកច្របល់បន្តិច ហើយបង្ខំឱ្យអ្នកបោះបង់ទម្លាប់ ឬអ្វីមួយនៅក្នុងជីវិតនេះផងដែរ។
តែយ៉ាងណា ចូរអ្នកស្តាប់តាមបេះដូងរបស់អ្នក ហើយធ្វើតាមអ្វីដែលវាប្រាប់អ្នក។ វាពិបាកក្នុងការផ្លាស់ប្តូរ និងចាកចេញ ប៉ុន្តែប្រសិនបើអ្នកបន្ត តើអ្នកប្រាកដថាជីវិតដែលមានស្ថិរភាពនេះពិតជាអ្វីដែលអ្នកត្រូវការពិមែនទេ?
២. ចង្កឹះវេទមន្ត
ក្នុងអំឡុងពេលឆាប់ៗខាងមុខនេះ អ្នកត្រូវព្យាយាមឱ្យអស់ពីសមត្ថភាព ផ្តោតលើគោលដៅដែលអ្នកបានកំណត់។ ជ័យជម្នះគឺនៅជិតបំផុត ដរាបណាអ្នកធ្វើការជាមួយវិន័យ ហើយព្យាយាមកាន់តែខ្លាំងអ្វីៗនឹងត្រូវបានបញ្ចប់ដោយជោគជ័យ។
ទោះយ៉ាងណា ត្រូវចេះក្ដោបក្ដាប់ កុំឱ្យការប្រឹងប្រែងរយៈពេលវែងរបស់អ្នកត្រូវធ្លាក់ចុះក្នុងរយៈពេលតែពីរបីវិនាទីនៃការធ្វេសប្រហែសដោយចៃដន្យ។ អ្នកត្រូវតែដឹងច្បាស់អំពីអ្វីដែលអ្នកត្រូវធ្វើ ហើយធ្វើវាម្តងមួយៗ។ កុំតប់ប្រមល់ពេក ព្រោះជម្រើសមួយនេះបង្ហាញពីក្ដីអំណរបន្ទាប់ពីជីវិតអ្នកឆ្លងកាត់បញ្ហា និងការលំបាកមួយចំនួន។
៣. សៀវភៅវេទមន្ត
មួយរយៈពេលខាងមុខនេះ នឹងមាននរណាម្នាក់នឹងចូលមកក្នុងជីវិតរបស់អ្នក។ មនុស្សនេះអាចជាសាច់ញាតិរបស់អ្នក ឬជាមិត្តរួមការងារ។ យ៉ាងណាមិញ អ្នកនឹងមានអារម្មណ៍មិនស្រួលជាមួយអ្នកផ្សេង ព្រោះគេនឹងបង្ខំអ្នកឱ្យធ្វើរឿងខ្លះ។
ជាការពិតណាស់ ពួកគេគ្រាន់តែចង់បានអ្វីដែលល្អបំផុតសម្រាប់អ្នក ប៉ុន្តែអ្នកនឹងមានអារម្មណ៍ថាពិបាកហើយអ្នកចង់ចេញពីមនុស្សម្នាក់នោះ។ គិតអ្វីៗឱ្យកាន់តែទូលំទូលាយ ហើយព្យាយាមស្រូបយក និងរៀនអ្វីដែលមនុស្សម្នាក់ទៀតណែនាំ អ្នកនឹងទទួលបានលទ្ធផលល្អ៕
ប្រភព ៖ Emdep/Knongsrok
ព័ត៌មានថ្មីៗ
