អ្នកមានសិទ្ធស្អប់ខ្ញុំ មិនចូលចិត្តខ្ញុំ តែអ្នកគ្មានសិទ្ធបញ្ជាខ្ញុំ ឬប្រាប់ខ្ញុំឱ្យធ្វើនេះធ្វើនោះតាមអ្នកឡើយ
ការពិតជីវិតយើងរាល់ថ្ងៃថាងាយក៏បាន ថាលំបាកក៏បាន តែអ្វីដែលធ្វើឱ្យមនុស្សស្មុគស្មាញខ្លាំងបំផុត គឺមកពីសម្តីរបស់មនុស្សជុំវិញ ដែលតែងតែរិះគន់អ្នក វាយតម្លៃអ្នក និងនិយាយឱ្យអ្នកកែនេះកែនោះ រហូតអ្នកមានអារម្មណ៍ថាខ្លួនឯងមិនមែនជាខ្លួនឯង ព្រោះប្រឹងតាមកែប្រែផ្គាប់ផ្គន់ពាក្យសម្តីខ្លាចការវាយតម្លៃមិនល្អ។
តែជីវិតរបស់យើង យើងគឺជាម្ចាស់ជីវិតខ្លួនឯង សំខាន់យើងដឹងថាយើងធ្វើអ្វីដែលយើងចង់ធ្វើ ធ្វើរឿងដែលយើងចូលចិត្ត និងធ្វើអ្វីដែលជាចំណូលខ្លួនឯង។ បើចាំតែទទួលការរិះគន់គេ ស្តាប់ពាក្យគេច្រើនទៀតអ្នកនឹងបាត់បង់ខ្លួនឯង បាត់បង់ភាពរីករាយ និងម្ចាស់ការ ឯជីវិតរស់នៅលែងមានក្តីសុខហើយ។
ហើយខាងក្រោមនេះជា" សម្តីតារាសម្តែងស្រី៖ Yang Mi " ដែលលោកអ្នកអាចយកមកគិត និងពិចារណាបាន ៖
អ្នកអាចមិនចូលចិត្តខ្ញុំ មិនចូលចិត្តរូបរាងខ្ញុំ មិនចូលចិត្តចរិតខ្ញុំ មិនចូលចិត្តអ្វីដែលខ្ញុំធ្វេី មិនចូលចិត្តអ្វីដែលខ្ញុំនិយាយ និងមិនចូលចិត្តគ្រប់យ៉ាងដែលជាខ្ញុំ....
អ្នកមានសិទ្ធ គឺមានសិទ្ធថាមិនចូលចិត្តខ្ញុំ និយាយអាក្រក់ពីខ្ញុំ តែអ្នកគ្មានសិទ្ធបន្ទោសខ្ញុំ បញ្ជាខ្ញុំ ប្រាប់ខ្ញុំឱ្យធ្វេីនេះធ្វេីនោះ កែនេះកែនោះ ឬមិនគួររស់នៅ ធ្វេីអ្វីបែបនោះតាមចិត្តអ្នកឡេីយ...បេីអ្នកមិនចូលចិត្តខ្ញុំ អ្នកអាចដេីរចេញ នៅឱ្យឆ្ងាយៗពីខ្ញុំ កុំរវល់នឹងខ្ញុំ ព្រោះខ្ញុំកេីតមក មិនបានមកដេីម្បីតម្រូវចិត្តអ្នកណាទេ!
កុំយកគំនិតរបស់អ្នកតែម្ខាងៗ ទៅបន្ទោសបង្អាប់ និងសេីចចម្អកពីជីវិតរបស់ខ្ញុំ ព្រោះអ្នកគឺជាអ្នក ខ្ញុំគឺជាខ្ញុំ ខ្ញុំកេីតមកដេីម្បីខ្លួនឯង និងរស់នៅជាខ្លួនឯង មិនមែនដេីម្បីតែអង្គុយចាំផ្គាប់ផ្គន់មនុស្សគ្រប់គ្នាឡេីយ!
ប្រភព៖ B u t t e r f l i v i o © P I u v i o 🦋
ប្រែសម្រួល #កវីលាក់ស្នេហ៍ប្រលោមលោក
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
