ពណ៌ដែលអ្នកចូលចិត្ត នឹងបង្ហាញពីអាកប្បកិរិយា និងចំណាប់អារម្មណ៍របស់អ្នក

• 2021-04-25

តើអ្នកចូលចិត្តពណ៌អ្វីជាងគេ? ពណ៌ដែលជាចំណលចិត្តអ្នក នឹងបង្ហាញពីចរិត បុគ្គលិកលក្ខណៈ និងឥរិយាបថពិតរបស់អ្នក។

១. ពណ៌ក្រហម

ពណ៌ក្រហមត្រូវបានផ្សារភ្ជាប់ជាមួយនឹងឥរិយាបថក្លាហាន និងលេចធ្លោ។ អ្នកស្រាវជ្រាវបានរកឃើញថា អត្តពលិកដែលពាក់ពណ៌នេះទំនងជាឈ្នះ ៥ ភាគរយ។ វាធ្វើឱ្យចង្វាក់បេះដូងសកម្ម និងបង្កើនអ័រម៉ូនតេស្តូស្តេរ៉ូន។

របកគំហើញគួរឱ្យចាប់អារម្មណ៍មួយទៀត គឺសម្រាប់អ្នករត់តុនារី បើស្លៀកឯកសណ្ឋានក្រហម នឹងទទួលបានចំណាប់អារម្មណ៍ទ្វេដង។ ការសិក្សាបានបញ្ជាក់ថា ពណ៌ក្រហមទាក់ទាញបុរសជាខ្លាំង។ វាមានទំនាក់ទំនងជាមួយស្នេហា និងចំណង់ចំណូលចិត្ត។ ដូច្នេះប្រសិនបើអ្នកចង់បានការយកចិត្តទុកដាក់ ចូរព្យាយាមស្លៀកពណ៌ក្រហមឱ្យបានច្រើន។

២. ពណ៌ស្វាយ

ពណ៌ស្វាយត្រូវបានផ្សារភ្ជាប់ជាមួយនឹងរាជវង្ស និងពិធីសាសនារបស់ព្រះរាជា។ ក្រៅពីនេះ វាក៏ផ្តល់នូវអារម្មណ៍មន្តអាគមផងដែរ។ ពណ៌ស្វាយរំញោចការច្នៃប្រឌិត និងនាំមកនូវសន្តិភាព ប៉ុន្តែក៏មានទំនាក់ទំនងជាមួយអារម្មណ៍ និងមនោសញ្ចេតនាផងដែរ។

៣. ពណ៌ទឹកក្រូច

ប្រសិនបើអ្នកចូលចិត្តពណ៌ទឹកក្រូច ហើយពាក់វាញឹកញាប់ អ្នកអាចក្លាយជាមនុស្សសកម្មម្នាក់។ វាមានឥទ្ធិពល ហើយអាចភ្ជាប់ទៅនឹងបរិយាកាសសង្គមរស់រវើក។ លើសពីនេះ ពណ៌ទឹកក្រូចក៏នាំមកនូវភាពរំភើប និងថាមពលផងដែរ។ នោះប្រហែលជាមូលហេតុដែលក្រុមកីឡាជាច្រើនជ្រើសរើសពណ៌ទឹកក្រូច ជាឯកសណ្ឋានរបស់ពួកគេ។

៤. ពណ៌ស

មនុស្សម្នាក់ដែលចូលចិត្តពណ៌សមានន័យថា គាត់ចង់បានអារម្មណ៍ពេញចិត្ត។ អ្នកគឺជាប្រភេទមនុស្សដែលមាននិន្នាការត្រូវបានរៀបចំឡូជីខល និងលម្អិតនៅកន្លែងធ្វើការ។ ពណ៌នេះទាក់ទងនឹងឯករាជ្យភាព ក្នុងការបង្កើតរបស់របរ។ លើសពីនេះទៀត វាអាចធ្វើឱ្យអារម្មណ៍នៃភាពបរិសុទ្ធ និងភាពសាមញ្ញផងដែរ។

៥. ពណ៌ខ្មៅ

នេះគឺជាពណ៌ដែលតំណាងឱ្យថាមពល។ វាមានអានុភាព និងអាចធ្វើឱ្យអារម្មណ៍នៃភាពប្រណិត ឬអាថ៌កំបាំង។ ពណ៌ខ្មៅឆ្លុះបញ្ចាំងពីភាពជាក់ស្តែង ដែលជាមូលហេតុត្រូវបានគេជ្រើសរើសជាឯកសណ្ឋាននៅក្រុមហ៊ុន ការិយាល័យជាច្រើន។ មនុស្សដែលមានស្បែកខ្មៅ ទំនងជាមនុស្សដែលចូលចិត្តការគ្រប់គ្រង និងឯករាជ្យផងដែរ។

៦. ពណ៌ខៀវ

មនុស្សដែលចូលចិត្តពណ៌ខៀវ អាចមានឧត្តមគតិគួរឱ្យទុកចិត្តមានស្វ័យភាព និងមានគំនិតក្នុងការងារច្នៃប្រឌិតរបស់ពួកគេ។ ពួកគេមានទំនោរយកចិត្តទុកដាក់លើព័ត៌មានលម្អិតធ្វើឱ្យមានភាពល្អឥតខ្ចោះ ហើយចង់បានអ្វីគ្រប់យ៉ាងល្អឥតខ្ចោះ។ អ្នកជំនាញនិយាយថាអ្នកជ្រើសរើសអាចរកមើលបេក្ខជនស្លៀកពាក់ខៀវ សម្រាប់មុខតំណែងដែលមានភាពតានតឹងខ្ពស់។

៧. ពណ៌លឿង

អ្នកស្រឡាញ់ពណ៌លឿង ច្រើនតែស្រេកឃ្លានអារម្មណ៍នៃដំណើរផ្សងព្រេង។ ប្រសិនបើពណ៌សឯករាជ្យនោះពណ៌លឿងគឺជានិមិត្តរូបនៃសេរីភាព។ ពណ៌លឿងគឺជាការលាយបញ្ចូលគ្នានៃភាពកំប្លុកកំប្លែង ភាពសុទិដ្ឋិនិយម និងចំណង់ចំណូលចិត្ត។ អ្នកដែលចូលចិត្តពណ៌នេះ ច្រើនតែមានភាពច្នៃប្រឌិត ប៉ុន្តែមិនចេះវាងវៃ។

៨. ពណ៌បៃតង

អ្នកស្រាវជ្រាវនិយាយថាអ្នកស្រលាញ់ពណ៌បៃតង ច្រើនតែចូលចិត្តនៅខាងក្រៅតែគួរតែមានសុវត្ថិភាព។ ពណ៌នេះត្រូវបានគេជឿថា ត្រូវបានផ្សារភ្ជាប់ជាមួយនឹងភាពជោគជ័យ។ ក្នុងនាមជាឥទ្ធិពលរាងកាយ វាធ្វើឱ្យមានការសម្រាកលំហែ និងស្ងប់ស្ងាត់។ បៃតងក៏ជាពណ៌ស្រស់ថ្លាដែលជាប់ទាក់ទងនឹងការលូតលាស់ ការសិក្សា និងសុខភាព។

៩. ពណ៌ផ្កាឈូក

ពណ៌ផ្កាឈូកអាចកាត់បន្ថយការឈ្លានពាន។ វាក៏មានប្រសិទ្ធិភាពគ្រប់គ្រងអារម្មណ៍ល្អ និងធ្វើឱ្យអ្នកពាក់មានសភាពទន់ និងមានផាសុកភាព។ ពណ៌ផ្កាឈូក គឺជាការរំឭកពីក្តីស្រឡាញ់ ភាពរសើប សប្បុរស និងទឹកចិត្តល្អ។ លើសពីនេះទៀតពណ៌នេះអាចដាស់បំណងប្រាថ្នារបស់បុរសដើម្បីការពារស្ត្រី៕

ប្រភព ៖ iOne / ប្រែសម្រួល ៖ Knongsrok