មនុស្សស្រី ៣ ប្រភេទនេះហើយដែលស្ថិតក្នុងចិត្ត និងការចង់បានរបស់បុរសល្អៗ
មនុស្សប្រុសដែលល្អពិតប្រាកដ ច្បាស់ណាស់ថា គាត់នឹងស្រឡាញ់ ពេញចិត្តមនុស្សស្រី៣ប្រភេទខាងក្រោមនេះយ៉ាងខ្លាំង។
១. មនុស្សស្រីចេះស្រឡាញ់ និងមើលថែខ្លួនឯង
ចំណុចទាក់ទាញបំផុតមុនដំបូងគេ គឺរូបសម្រស់ តែបន្ទាប់ពីនោះមក គឺមនុស្សស្រីដែលចេះស្រឡាញ់ និងមើលថែខ្លួនឯងបានយ៉ាងល្អ។ មនុស្សប្រុសតែងតែគិតថា មនុស្សស្រីប្រភេទនេះ មិនចិត្តងាយផ្ដេសផ្ដាសឡើយ ហើយអ្វីដែលសំខាន់ គឺនាងតែងតែរក្សាខ្លួនឯង និងឱ្យតម្លៃដល់ខ្លួនឯងជាខ្លាំង ដូច្នេះ គ្មានមនុស្សប្រុសណា ដែលហ៊ានបំពាន ឬប៉ះពាល់លើនាងនោះឡើយ។
២. មនុស្សស្រីសុទិដ្ឋិនិយម
មនុស្សស្រីដែលមានគំនិតសុទិដ្ឋិនិយម គឺជានារីដែលរឹងមាំជានិច្ច លើសពីនេះ ភាពសុទិដ្ឋិនិយមរបស់នាង នឹងជួយតម្រង់ផ្លូវ ត្រួសត្រាយផ្លូវឱ្យនាងដើរបានយ៉ាងល្អ។ ដូច្នេះហើយ មនុស្សស្រីប្រភេទនេះ មិនថាជីវិតនាងជួបបញ្ហាអ្វី ឬស្ថិតក្នុងកាលៈទេសៈណាក៏ដោយ ក៏មិនអាចឱ្យនាងស្រយុតបានដែរ នាងតែងតែអាចជម្នះ និងយកឈ្នះលើបញ្ហា ការលំបាកនោះទៅបានយ៉ាងរលូន។
ម្យ៉ាងវិញទៀត បុរសតែងតែចង់បានមនុស្សស្រីប្រភេទនេះជាដៃគូជីវិត ព្រោះនាងនឹងជួយឱ្យស្វាមីជោគជ័យលើកិច្ចការងារធំតូច ស្រាលធ្ងន់ ព្រោះនាងជាទីប្រឹក្សាដ៏ពូកែរបស់ស្វាមី។
៣. មនុស្សស្រីមានទំនុកចិត្តខ្ពស់លើខ្លួនឯង
ជាការពិតណាស់ បុរសអាចនឹងចូលចិត្តមនុស្សស្រីដែលចេះទន់ភ្លន់ យកចិត្ត សម្ដីផ្អែម តែជាក់ស្ដែង បុរសភាគច្រើន តែងតែចាញ់សម្រស់របស់មនុស្សស្រីដែលមានជំនឿចិត្តខ្ពស់លើខ្លួនឯង ព្រោះមនុស្សប្រុសតែងតែគិតថា មនុស្សស្រីបែបនេះ មិនធ្វើជាបន្ទុកដល់ខ្លួនជាស្វាមីនោះឡើយ ព្រោះនាងមានជំនឿចិត្ត និងអាចពឹងផ្អែកលើខ្លួននាងបាន។
ម្យ៉ាងវិញទៀត មនុស្សស្រីប្រភេទនេះ នាងនឹងមិនរំពឹងចាយលុយប្ដីនោះឡើយ ឱ្យតែនាងមានពេល មាន៌កាស នាងច្បាស់ជាចេញរកលុយដោយខ្លួនឯង នាងក៏ជាចំណែកជួយរកលុយដើម្បីផ្គត់ផ្គង់ក្នុងគ្រួសារផងដែរ៕
អត្ថបទ ៖ Knongsrok / ក្នុងស្រុករក្សាសិទ្ធិ
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖
Tel:
ព័ត៌មានថ្មីៗ
