ប្រយ័ត្នមិននាំលាភ បែរជានាំស៊យ បើហ៊ានតែដាក់អាសនៈខុសទីតាំងទាំង ៥ នេះ
តាមក្បួនហុងស៊ុយ ការជ្រើសរើសទីតាំងតម្កល់អាសនៈព្រះឬរបស់សក្ដិសិទ្ធិណាមួយ ក៏ជារឿងសំខាន់ផងដែរ ហើយប្រសិនអ្នកជ្រើសរើសខុស ក៏នឹងនាំរឿងមិនល្អ រឿងស៊យចូលផ្ទះៗជារឿយ ហើយពុំបាននាំសំណាងល្អនោះទេ។
៥) ហាមរៀបនៅមុខទ្វារចេញចូលផ្ទះ
យោងទៅតាមក្បួន ទ្វារគឺជាតំបន់ដែលស្រូបយកខ្យល់អាកាសបរិសុទ្ធ បែបនេះបើដាក់នៅទីតាំងចាំពីមុខទ្វារគឺអាចនឹងប្រឆាំង ហើយនាំឲ្យម្ចាស់ផ្ទះជួបរឿងមិនល្អទៅវិញ។
៤) ហាមដាក់នៅក្បែរបង្គន់ឬបន្ទប់ទឹក
វាជាកន្លែងស្មោកគ្រោក និងបណ្ដុំខ្យល់អាកាសមិនល្អ ហើយការដាក់អាសនៈនៅក្បែរនោះ គឺស្មើនឹងនាំរឿងមិនល្អចូលគ្រួសារ។ នៅករណីដែលបន្ទប់ទឹកឬបង្គន់ មិនប្រើប្រាស់ អ៊ីចឹងត្រូវបិទទ្វារឲ្យជិត នៅករណីដែលមិនអាចផ្លាស់ប្ដូរអាសនៈបាន។
៣) ហាមដាក់អាសនៈនៅក្បែរផ្ទះបាយ
យោងទៅតាមក្បួនហុងស៊ុយ អាសនៈដែលដាក់នៅក្បែរផ្ទះបាយ គឺជារឿងប៉ះពាល់ធ្ងន់ណាស់ ហើយអាចនាំឲ្យមានសំណាងអាក្រក់ដល់ក្រុមគ្រួសារ និងស្ថានភាពក្នុងគ្រួសារមិនស្ថិតស្ថេរ។ ករណីដែលមិនអាចផ្លាស់ប្ដូរបាន ត្រូវប្រាកដថាតម្កល់អាសនៈនោះឲ្យឆ្ងាយពីផ្នែកចង្ក្រានបាយ។
២) ផ្នែកខាងមុខនៃអាសនៈរាងទ្រេតធ្លាក់មកដី
ជាទូទៅម្ចាស់ផ្ទះរមែងចាប់អាសនៈជាប់នឹងធ្នឹមពិដាន ឬផ្នែកជញ្ជាំងណាមួយ។ ដល់យូរទៅផ្នែកផ្ទៃអាសនៈរាងទ្រេតឬធ្លាក់ចុះមកក្រោម អ្នកក៏ត្រូវប្រញាប់ជួសជុលកែតម្រូវថ្មីផងដែរ។ សញ្ញានេះបង្ហាញថា អ្នកអាចនឹងជួបរឿងមិនល្អ ហើយបើអាចគួរតែទិញអាសនៈថ្មីដាក់តែម្តង។
១) សុខៗអាសនៈធ្លាក់
នេះជាប្រផ្នូលអាក្រក់ខ្លាំងណាស់ ដែលសុខៗអាសនៈស្រាប់តែធ្លាក់មកលើដី។ ជាទូទៅយើងគិតថា ដោយសារយើងចាប់វីសជាប់ជញ្ជាំងមិនបានល្អ ឬអាចមកពីអាសនៈមានរបស់ធ្ងន់លើនោះច្រើន យ៉ាងណាតាមក្បួនហុងស៊ុយ វាជាប្រផ្នូលមិនល្អ ហើយម្ចាស់ផ្ទះត្រូវតែរក្សាភាពស្ងប់ស្ងៀម និងរកអាសនៈថ្មីមកប្តូរ ហើយរៀបចំឲ្យបានស្អាត ដើម្បីបញ្ចៀសឧបទ្រពចង្រៃ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
