តើអ្នកជាមនុស្សបែបណា នៅក្នុងរឿងស្នេហា?
ដើម្បីដឹងថា តើអ្នកជាមនុស្សបែបណាចំពោះរឿងស្នេហា តោះ! សាកល្បងជ្រើសរើសស្បែកជើងមួយគូដែលអ្នកពេញចិត្តជាងគេ ដើម្បីដឹងលម្អិតពីខ្លួនរបស់អ្នក។
ក. ស្បែកជើង ក
ប្រសិនបើអ្នកចាប់អារម្មណ៍នឹងស្បែកជើង ក នេះបង្ហាញថា អ្នកពិតជាមានការសម្រេចចិត្តមុតមាំ និងរឹងមាំក្នុងទំនាក់ទំនង។ ទោះបីជាអ្នកជាមនុស្សម្នាក់ដែលហាក់ដូចជារឹងរូស និងសោះកក្រោះក៏ដោយ នៅពេលដែលអ្នកធ្លាក់ក្នុងអន្លង់ស្នេហ៍ អ្នកនឹងកាន់តែស្មោះត្រង់។ ដូច្នេះនៅពេលអ្នកបែកគ្នា អ្នកគិតដោយយកចិត្តទុកដាក់ ហើយមានអារម្មណ៍ថាអ្នកមិនអាចចាប់ផ្ដើមម្ដងទៀតទេ។
នៅពេលដែលអ្នកឱ្យដៃគូអ្នកទៅ អ្នកនឹងមិនរំខាន ឬគិតពីគេទាល់តែសោះ។ ដោយសារតែអ្នកគិតថា ប្រសិនបើអ្នកលែងមានអារម្មណ៍ចំពោះគ្នាទៅវិញទៅមក វាជាការប្រសើរណាស់ ដែលអនុញ្ញាតឱ្យមនុស្សគ្រប់គ្នាទៅឆ្ងាយចៀសវាងពីការនៅជាមួយគ្នា តែមានតែការធ្វើបាបគ្នាទៅវិញទៅមក។
ការបន្តទំនាក់ទំនងជាមួយនរណាម្នាក់ ដែលអ្នកបានលង់ស្រលាញ់ នឹងធ្វើឱ្យអ្វីៗកាន់តែអាក្រក់ ធ្វើឱ្យខ្លួនអ្នកមិនស្រួល ហើយភាគីទាំងសងខាង មានភាពឆ្គាំឆ្គង។ អ្នកក៏តែងតែយល់ដែរថា វិធីតែមួយគត់ដើម្បីស្វែងរកនរណាម្នាក់ដែលអ្នកស្រឡាញ់ គឺការឈានទៅមុខ។
ខ. ស្បែកជើង ខ
ការជ្រើសរើសស្បែកជើង ខ បង្ហាញថា អ្នកជាមនុស្សម្នាក់ដែលរស់នៅអាថ៌កំបាំងបន្តិច ហើយពិតជាមានការស្រឡាញ់ខ្លួនឯងខ្លាំង។ បើនិយាយចំពោះស្នេហាវិញ អ្នកជាមនុស្សខ្មាសអៀនច្រើន ពូកែគិតច្រើនតែម្នាក់ឯង ដូច្នេះ នៅពេលដែលស្នេហាអ្នកមានបញ្ហា អ្នកក៏មិនដែលនិយាយអ្វីប្រាប់ដៃគូអ្នកដែរ អ្នកតែងតែទុកឱ្យគេគិតតែម្នាក់ឯង ស្មានចិត្តអ្នកតែម្នាក់ឯង។
អ្នកយល់ពីអ្វីដែលអ្នកអាចធ្វើបាន ដើម្បីធ្វើឱ្យដៃគូអ្នករីករាយ។ សម្រាប់អ្នកការមិនបញ្ចេញគំនិត និងអារម្មណ៍របស់អ្នកច្រើនពេក គឺជាវិធីល្អបំផុតដើម្បីការពារខ្លួនអ្នកពីការឈឺចាប់របស់អ្នក។ ទិដ្ឋភាពនៃជីវិតនេះ នាំមកនូវភាពទាក់ទាញ និងមានសន្តិភាពសម្រាប់ផ្លូវចិត្តអ្នកខ្លួនឯងផ្ទាល់។
គ. ស្បែកជើង គ
ប្រសិនបើអ្នកជ្រើសរើសស្បែកជើង គ ជម្រើសនេះបង្ហាញថា អ្នកពិតជាប្រយ័ត្នប្រយែងបំផុត ហើយចេះគ្រប់គ្រងអារម្មណ៍របស់អ្នកចំពោះរឿងស្នេហា។ អ្នកមានភាពរសើបក្នុងស្នេហា ប៉ុន្តែមានពេលខ្លះដែលសមហេតុផល។ អ្នកមានក្តីសង្ឃឹមច្រើនចំពោះក្តីស្រឡាញ់ដ៏ស្រស់ស្អាត និងស្មោះត្រង់ ប៉ុន្តែអ្នកមិនតែងតែសុំឱ្យដៃគូផ្សេងឆ្លើយតបនឹងអ្នកឡើយ។
ឃ. ស្បែកជើង ឃ
ការជ្រើសរើសស្បែកជើង ឃ នេះបង្ហាញថា អ្នកជាមនុស្សម្នាក់ដែលស្រឡាញ់ដៃគូរបស់អ្នកដោយគ្មានលក្ខខណ្ឌ។ ក្រៅពីនេះ ក្នុងនាមជាមនុស្សដែលឱ្យតម្លៃលើស្នេហា អ្នកពិតជាសកម្មខ្លាំងណាស់ក្នុងស្នេហា ហើយអាច "លង់ស្នេហ៍" ជាមួយនរណាម្នាក់យ៉ាងលឿន សូម្បីតែនៅពេលដែលជួបគ្នាជាលើកដំបូង។ នៅពេលដែលអ្នកលង់ស្នេហ៍ជាមួយនរណាម្នាក់ អ្នកនឹងស្រឡាញ់យ៉ាងខ្លាំង ស្រឡាញ់បំផុត ហើយត្រៀមខ្លួនធ្វើអ្វីមួយសម្រាប់ដៃគូរបស់អ្នកដោយអស់ពីចិត្ត។
មនោសញ្ចេតនាស្នេហា និងអស់កល្បជាអ្វីដែលអ្នកតែងតែស្វែងរក។ អ្នកសុខចិត្តលះបង់អ្វីៗគ្រប់យ៉ាងដោយមិនរំពឹងថាអ្នកដទៃឆ្លើយតបនឹងអ្នកឡើយ។ ទោះជាយ៉ាងណាក៏ដោយ នេះក៏ជាមូលហេតុដែលអ្នកអាចមានអារម្មណ៍សោកសៅយ៉ាងងាយ ឬអាចធ្លាក់ចូលក្នុងវិបត្តិ ប្រសិនបើទំនាក់ទំនងរវាងមនុស្សពីរនាក់ខុស។ ដូច្នេះអ្នកត្រូវការស្វ័យភាពបន្ថែមទៀត និងហេតុផលតិចតួចដើម្បីអាចធ្វើជាម្ចាស់លើបញ្ហាទាំងអស់របស់អ្នក។
ង. ស្បែកជើង ង
ប្រសិនបើអ្នកចាប់អារម្មណ៍នឹងស្បែកជើង ង ជម្រើសនេះបង្ហាញថា ក្នុងក្តីស្រលាញ់អ្នកគឺជាមនុស្សស្មោះត្រង់ និងមានការលះបង់ច្រើនបំផុត។ សម្រាប់អ្នកការស្រឡាញ់នរណាម្នាក់ គឺត្រូវស្រឡាញ់រឿងល្អ ទម្លាប់ល្អ ក៏ដូចជាទម្លាប់អាក្រក់ ការដាក់កម្រិតលើរាងកាយផងដែរ។ អ្នកក៏មានឆន្ទៈអត់ធ្មត់ចំពោះអតីតកាលដែលមិនមានភាពស្រស់ស្អាត អ្នកក៏ជាមនុស្សដែលមានទំនួលខុសត្រូវខ្ពស់ និងប្រកបដោយសេចក្តីស្រឡាញ់ជាមួយដៃគូផងដែរ។
នៅពេលដែលអ្នកលង់ស្នេហ៍ជាមួយនរណាម្នាក់ អ្នកនឹងត្រៀមខ្លួនរួចផុតពីកំហុសរបស់ពួកគេ ដើម្បីភ្ជាប់ទំណាក់ទំនងជាមួយម្នាក់នោះ។ សេចក្តីស្រឡាញ់ គឺដឹងថាតើមានកម្រិតណាដែលមនុស្សម្នាក់ទៀតមាន ការព្រមទទួលយក វាគឺដូចជាការទទួលយកដែនកំណត់របស់អ្នក ដើម្បីធ្វើឱ្យខ្លួនអ្នកមានភាពល្អឥតខ្ចោះជាមួយគ្នាកាន់ដៃគ្នាដើម្បីសុភមង្គលផងដែរ។ ហើយគ្មានអ្វីសំខាន់ជាងការជឿទុកចិត្ត និងភាពស្មោះត្រង់នៅក្នុងទំនាក់ទំនងឡើយ។
ច. ស្បែកជើង ច
ការជ្រើសរើសស្បែកជើងចុងក្រោយនេះបង្ហាញថា នៅក្នុងរឿងស្នេហា អ្នកតែងតែដឹងពីរបៀបធ្វើឱ្យមានតុល្យភាពអារម្មណ៍ និងហេតុផល។ សម្រាប់អ្នកប្រសិនបើអារម្មណ៍នាំមកនូវស្នេហា បន្ទាប់មកហេតុផលនាំមកនូវភាពចាស់ទុំ និងអារម្មណ៍សុវត្ថិភាព។
ខណៈពេលដែលអារម្មណ៍តែងតែធ្វើឱ្យមនុស្សទន់ខ្សោយ វាអាស្រ័យលើអ្នកសម្រេចចិត្ត ថាតើអ្នកអនុញ្ញាតឱ្យពួកគេមានឥទ្ធិពលលើអ្នកដែរឬទេ? ប្រសិនបើអារម្មណ៍ងប់ងល់ជារឿយៗនាំមកនូវបទពិសោធន៍គួរឱ្យចាប់អារម្មណ៍ និងមិនអាចបំភ្លេចបានការគិតក្នុងការពិតនឹងជួយអ្នកឱ្យធ្វើជាម្ចាស់លើខ្លួនឯង។ អ្នកដឹងពីកន្លែងដែលត្រូវបញ្ឈប់ ហើយអាចរឹងមាំ បើទោះបីជាទំនាក់ទំនងរបស់អ្នកមិនល្អក៏ដោយ៕
ប្រភព ៖ Bestie / ប្រែសម្រួល ៖ Knongsrok
ព័ត៌មានថ្មីៗ
