សកម្មភាពទាំង ៦ ដែលបុរសភាគច្រើនគិតខុស ហើយយល់ច្រឡំថាស្រីៗបើកភ្លើងខៀវ
តើបែបណា ទើបអ្នកដឹងថា មានមនុស្សស្រីម្នាក់គេស្រលាញ់អ្នក ឬបើកភ្លើងខៀវឲ្យអ្នក? មនុស្សប្រុសភាគច្រើនបានយល់ឃើញខុស ហើយច្រឡំនិងគិតតែម្នាក់ឯងថា ម្នាក់ស្រីនោះស្រលាញ់ខ្លួន ដោយពួកគេមើលទៅតាមសកម្មភាពជិតស្និទ្ធមួយចំនួន។
ខាងក្រោមជាសកម្មភាពទាំង ៦ ដែលមនុស្សស្រីធ្វើមកលើអ្នក តែមិនប្រាកដថាគេស្រលាញ់អ្នកនោះទេ ហើយឈប់យល់ច្រឡំតទៅទៀត៖
៦) កាន់ដៃអ្នក
មិនប្រាកដថាគេកាន់ដៃអ្នក មានន័យថា គេស្រលាញ់អ្នកនោះទេ ផ្ទុយទៅវិញមកពីពេលខ្លះគេជាមនុស្សលេងច្រើន ហើយយល់ថាអ្នកប្រៀបដូចជាមិត្តជិតស្និទ្ធនឹងគេ ទើបគេមិនអៀននឹងកាន់ដៃអ្នក។ មនុស្សស្រីខ្លះ បើស្រលាញ់បុរសណាម្នាក់ គឺមិនហ៊ានកាន់ដៃគេទៅវិញទេ។
៥) កៀកកើយស្មា
ដូចបញ្ជាក់ពីខាងលើអ៊ីចឹង ដើរជាមួយគ្នាស្និទ្ធពេក យូរទៅប្រើអារម្មណ៍ដូចជាបងប្អូន រហូតដល់ពេលខ្លះមានទាំងកៀកស្មា ឬគេងលើស្មាអ្នកទៀតក៏មាន។ ប៉ុន្តែសួរឲ្យស៊ីជម្រៅទៅ គេទុកអ្នកដូចមិត្តជិតស្និទ្ធ ឬស្រលាញ់ប្រៀបដូចបងប្អូនតែប៉ុណ្ណោះ។
៤) ហ៊ានទៅណាមកណាតែពីរនាក់
មនុស្សស្រីខ្លះមិនចេះសុញសាញច្រើននោះទេ ហើយក៏មិនខ្លាចភ្នែកអ្នកដទៃមើលមកគិតបែបណាដែរ។ នាងហ៊ានទៅណាមកណាតែពីរនាក់ជាមួយអ្នកប្រៀបដូចជាសង្សារ សម្រាប់ការមើលមករបស់អ្នកដទៃ តែធាតុពិតកុំឲ្យអារម្មណ៍របស់អ្នកទាញទៅតាមការយល់ឃើញរបស់គេឲ្យសោះ សំខាន់គឺម្នាក់ស្រីហ្នឹងនៅតែមិនមានអារម្មណ៍ជាស្នេហាអ្វីឡើយ។
៣) ពឹងឲ្យជួយ
មនុស្សស្រីខ្លះមិនចេះតែឲ្យនរណាម្នាក់ ក្លាយជាស្មាបង្អែកនាងនោះទេ ប៉ុន្តែបើស្គាល់ចិត្តហើយ គឺមិនខ្លាចទេនឹងពឹងឲ្យអ្នកជួយនាង។ ប៉ុន្តែក្នុងការគិតរបស់អ្នក ពេលខ្លះតែងតែច្រឡំថាប្រហែលគេស្រលាញ់យើងដែរ ទើបគេហ៊ានពឹងយើង។
២) និយាយផ្អែម
នាងមិនគំរោះគំរើយរាល់ថ្ងៃទេ មានថ្ងៃខ្លះក៏ចេះប្រើពាក្យផ្អែម តែសួរឲ្យដល់ទៅ នាងលេងសើចហ្នឹងយើងសោះ ព្រោះនាងប្រើអារម្មណ៍មិត្តភ័ក្ដិ នាងចង់លេងពេលណាក៏បាន ហើយបើយើងប្រកាន់គឺស្មើនឹងយើងប្រកាន់ច្រើន ហើយបើយើងខូចចិត្តគឺស្មើនឹងយើងប្រើអារម្មណ៍ខុសឆ្គងទៅលើទំនាក់ទំនងមួយនេះតែម្នាក់ឯង។
១) តុបតែងខ្លួនស្អាតពេលនៅមុខអ្នក
គេតែងខ្លួនស្អាត មិនមានន័យថា គេបំពេញភ្នែកយើងនោះទេ តែមនុស្សស្រីគឺជាចំណង់ពីធម្មតា ក្នុងការចង់មានសម្រស់ស្រស់ស្អាត និងភ្នែកអ្នកដទៃមើលមកឃើញថានាងលេចធ្លោ។ តិចច្រឡំទៅចុះ គិតថាគេតែងខ្លួនចង់ឲ្យអ្នកមើល អារម្មណ៍មួយហ្នឹងមានតែគិតតែឯងទៀតហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
