ហេតុផលចាក់ដោតទាំង ៦ ដែលបុរសភាគច្រើនសម្លឹងឃើញតែនារីដែលធ្លាប់លែងលះគ្នា
មានមតិមួយចំនួនពីបុរសៗ បានយល់ឃើញថាការស្រលាញ់និងយកនារីដែលធ្លាប់លែងលះគ្នាមកធ្វើជាគូអនាគត គឺជារឿងល្អប្រសើរ ហើយបើគិតឲ្យស៊ីជម្រៅតាមហេតុផលទាំង ៦ ខាងក្រោម ស្តាប់ទៅគឺម្យ៉ាងដែរ៖
៦) នាងដឹងច្បាស់ពីរបៀបថែរក្សាទំនាក់ទំនង
ដោយសារធ្លាប់ឆ្លងកាត់ការលែងលះម្តងហើយ បែបនេះនាងឲ្យតម្លៃទៅលើសុភមង្គលគ្រួសារខ្លាំងណាស់ ហើយមិនចង់ឲ្យមានការឈឺចាប់ជាលើកទី ២ នោះឡើយ។ ជាទូទៅក្រោយបែកបាក់នាងគឺទទួលបន្ទុកធ្ងន់ជាងមុន ទាំងការមើលថែកូន និងការដើរតួជាបង្គោលគ្រួសារ បែបនេះនាងយល់ច្បាស់ពីតម្លៃនៃការបង្កើតវា និងការរៀបចំវា ហើយមិនងាយនឹងឲ្យប្រេះស្រាំទៀតឡើយ។
៥) នាងអាចគ្រប់គ្រងតម្រូវការ
នៅពេលដែលធ្លាប់បែកបាក់ ទើបនាងយល់ថា ជីវិតដ៏មានក្តីសុខបំផុតគឺការរស់នៅដោយសាមញ្ញបំផុត។ បែបនេះហើយការចង់បាននានា គឺនាងលែងមានចិត្តទាមទារខ្ពស់ទៀតនោះហើយ ពោលគឺសុំត្រឹមនៅកម្រិតសមរម្យមួយ ហើយអ្វីដែលសំខាន់គឺត្រូវពេញចិត្តនៅជីវិតគ្រួសារបច្ចុប្បន្ន។
៤) នាងដឹងថាអ្វីដែលចូលមករំខានជីវិតអាពាហ៍ពិពាហ៍
ក្នុងនាមជាមនុស្សស្រីម្នាក់ដែលធ្លាប់ឆ្លងកាត់ជីវិតអាពាហ៍ពិពាហ៍ ហើយមានការបែកបាក់ដូច្នោះ គឺនាងបានយល់ច្បាស់ណាស់អំពីមូលហេតុដែលនាំឲ្យរាំងស្ទះដល់ក្តីសុខ។ បែបហ្នឹងហើយពេលមានសញ្ញាណាមួយមិនល្អក្នុងទំនាក់ទំនងថ្មីនោះ នាងនឹងព្យាយាមផ្លាស់ប្តូរសម្របសម្រួលឲ្យប្រែមកល្អប្រសើរវិញភ្លាមៗ។
៣) នាងចូលចិត្តនិយាយត្រង់ហើយចាស់ទុំ
បុរសមិនសូវចូលចិត្តនារីដែលលេងសើចច្រើននោះទេ ហើយក្នុងទំនាក់ទំនងជីវិតអាពាហ៍ពិពាហ៍គឺចង់បានភាពច្បាស់លាស់។ ជាការពិតសម្រាប់ស្រ្តីដែលធ្លាប់បែកបាក់គ្នា គឺរមែងមានភាពចាស់ចិត្តចាស់គំនិតជាងក្មេងស្រីដទៃទៀត ហើយការគិតរបស់ពួកគេគឺមានភាពវិជ្ជមានច្រើន មិនសង្ស័យច្រើន ពោលគឺមិនធ្វើឲ្យខាងបុរសហត់ចិត្តច្រើនឡើយ។
២) នាងប្រុងប្រយ័ត្នមិនងាយឲ្យកើតមានបញ្ហា
ដោយសារតែនាងធ្លាប់ឆ្លងកាត់បទពិសោធន៍ឈឺចាប់ បែបនេះនាងមានភាពវាងវៃនិងក្លាហានក្នុងការដឹងលឺពីបញ្ហានានា។ ការរស់នៅជាមួយនាងគឺមានទាស់ពាក្យទាស់សម្តីតិចតួចបំផុត ហើយការយល់ពីគ្នាគឺច្រើនជាង។
១) ទទួលបានភាពស្និទ្ធស្នាលខ្លាំង
នាងធ្លាប់ឆ្លងកាត់រឿងលើគ្រែរួចទៅហើយ បែបនេះនាងមិនចេះអៀនខ្មាសច្រើននោះទេ ក្នុងការបង្ហាញចំណង់មួយនោះទៅកាន់អ្នក និងចែករំលែកបទពិសោធន៍ដែលនាងចង់អនុវត្តជាមួយគ្នា ហើយវាក៏ជឿថាជាអ្វីដែលបុរសមួយចំនួនត្រូវការផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
