លេខចុងក្រោយនៃឆ្នាំដែលអ្នកកើត នឹងបង្ហាញអំពីបុគ្គលិកលក្ខណៈ និងជីវិតរបស់អ្នក
តើអ្នកកើតក្នុងឆ្នាំប៉ុន្មាន? កន្ទុយលេខចុងក្រោយនៃឆ្នាំដែលអ្នកកំណើត នឹងបង្ហាញពីចរិតលក្ខណៈ អត្តចរិត និងខ្សែជីវិតរបស់អ្នកបានយ៉ាងច្បាស់ៗ។
១. លេខ ០ និងលេខ ១ ៖ លោហៈ
លោហៈ មានលក្ខណៈរឹង មនុស្សដែលមានឆ្នាំកំណើតមានលេខចុងក្រោយមានលេខ ០ និងលេខ ១ មានចរិតលក្ខណៈដូចគ្នា។ មនុស្សស្ថិតក្នុងក្រុមនេះ ច្រើនតែជាមនុស្សដែលរឹងមាំ និងធន់។ ដូចគ្នានឹងលោហៈ ដែលអាចមាននៅក្នុងរាងផ្សេងៗគ្នា មនុស្សទាំងនេះស្រឡាញ់សេរីភាព និងសម្របខ្លួនបានយ៉ាងងាយស្រួលទៅនឹងជម្រកជាច្រើន។
ចំពោះកិច្ចការងារ មនុស្សទាំងនេះមិនដែលបោះបង់ចោលនៅកណ្តាលទីឡើយ ហើយតែងតែចង់ក្លាយជាមនុស្សល្អបំផុតថែមទៀតផង។
២. លេខ ២ និងលេខ ៣ ៖ ទឹក
អ្នកដែលមានឆ្នាំកំណើតលេខចុងក្រោយ មានលេខ ២ និងលេខ ៣ ច្រើនតែមានការច្នៃប្រតិដ្ឋ និងទេពកោសល្យផ្នែកសិល្បៈ។ លក្ខណៈពិសេសនៃទឹកគឺចលនា។ បញ្ជាក់ថា អ្នកមានធាតុទឹកក៏មានភាពបត់បែន និងសម្របខ្លួនបានដូចគ្នា។
លើសពីនេះទៀត ពួកគេមានធនធានខ្លាំងណាស់ ដែលដឹងពីរបៀបប្រើទេពកោសល្យរបស់ពួកគេដើម្បីជួយអ្នកដទៃ។ នេះជាមនុស្សស្មោះត្រង់ ចេះអាណិតអាសូរ ងាយយល់ចិត្តអ្នកដទៃ។ ពួកគេចូលចិត្តស្វែងរកអ្វីថ្មីៗនៅក្នុងជីវិត។
៣. លេខ ៤ និងលេខ ៥ ៖ ឈើ
មនុស្សដែលមានធាតុឈើ ជាមនុស្សដែលមានចំណេះដឹងទូលំទូលាយ ហើយតែងតែធន់នឹងការលំបាក និងឧបសគ្គក្នុងជីវិត។ ដោយមានចំណេះដឹង និងបទពិសោធន៍ផ្ទាល់ខ្លួន ពួកគេក៏មានសមត្ថភាពជម្រុញអ្នកដទៃឱ្យរស់នៅ និងធ្វើការបានល្អផងដែរ។ អ្នកដែលមានឆ្នាំកំណើតលេខ ៤ និងលេខ ៥ មានជីវភាពសម្របក្នុងសង្គមយ៉ាងសកម្ម។
ទោះយ៉ាងណាក៏ដោយ ពួកគេមានទ្រព្យច្រើន ហើយចូលចិត្តគ្រប់គ្រង។ យ៉ាងណាមិញ ចំពោះរឿងខ្លះ មនុស្សប្រភេទនេះច្រើនតែប្រកាន់គំនិត បើខ្លួនមិនបាន អ្នកដទៃក៏មិនបានដូចគ្នា។
៤. លេខ ៦ និងលេខ ៧ ៖ ភ្លើង
នេះគឺជាមនុស្សដែលរស់នៅដោយចំណង់ចំណូលចិត្ត និងភាពរីករាយ។ ដូចជាភ្លើង ពួកគេចូលចិត្តការផ្សងព្រេង និងការរុករកក្នុងជីវិត។ លើសពីនេះ មនុស្សក្នុងក្រុមនេះ ក៏មានភាពទាក់ទាញខ្លាំង នៅក្នុងក្រសែភ្នែកមនុស្សជុំវិញផងដែរ។ តែយ៉ាងណា អ្នកផ្សេងទៀតនឹងមានអារម្មណ៍ថា ពួកគេមានអាកប្បកិរិយាមិនចេះអត់ធ្មត់ និងធន់ឡើយ។
ទោះយ៉ាងណាក៏ដោយ ពេលខ្លះមនុស្សប្រភេទនេះ មានការខ្វល់ខ្វាយច្រើនពេកជាមួយរឿងតូចតាច និងធ្វើឱ្យជីវិតផ្ទាល់ខ្លួនរបស់គាត់តានតឹង និងបាត់បង់សេចក្ដីស្ងប់សុខ។
៥. លេខ ៨ និងលេខ ៩ ៖ ដី
មនុស្សទាំងនេះមានស្ថិរភាព គួរឱ្យទុកចិត្ត ពូកែយកចិត្តទុកដាក់ អត់ធ្មត់ និងស្មោះត្រង់។ ពួកគេសុខចិត្តលះបង់ខ្លួនឯង និងជួយអ្នកដទៃ។ ក្នុងជីវិតមនុស្សទាំងនេះ មានការគិតបែបឡូជីខល និងប្រាកដនិយម។
ទាំងនេះ គឺជាគុណសម្បត្តិដែលជួយមនុស្សដែលមានលេខចុងក្រោយ មានលេខ៨ និងលេខ ៩ ឱ្យទទួលបានជោគជ័យនៅកន្លែងធ្វើការ។ ទោះជាយ៉ាងណាក៏ដោយ គុណវិបត្តិរបស់ពួកគេ គឺងាយជឿទុកចិត្តអ្នកដទៃ រឹងរូស និងចូលចិត្តតាំងខ្លួនគ្រប់គ្រងអ្នកដទៃ៕
ប្រភព ៖ Phunutoday / ប្រែសម្រួល ៖ Knongsrok
ព័ត៌មានថ្មីៗ
