តើគូរបស់អ្នក នឹងចេញមកពីប្រភពណា?
ដោយគ្រាន់តែជ្រើសរើសដើមឈើមួយ ទៅតាមរដូវកាលដែលអ្នកចូលចិត្តជាងគេ នោះនឹងអាចនឹងបានថា គូរបស់អ្នកនឹងចេញពីប្រភពណា?
1. មិត្តរួមការងារ
អ្នកជាមនុស្សឧស្សាហ៍ព្យាយាម និងអនុវត្តអ្វីគ្រប់យ៉ាងដោយយកចិត្តទុកដាក់ និងហ្មត់ចត់បំផុត ដែលធ្វើឱ្យមនុស្សគ្រប់គ្នាមានអារម្មណ៍ធូរស្រាលពីការលំបាក ឱ្យតែមានអ្នករួមការងារជាមួយ។ ទោះបីជាអ្នកមិនមែនជាមនុស្សដែលងាយធ្វើឱ្យអ្នកដទៃធ្លាក់ក្នុងអន្លង់ស្នេហ៍នៅពេលមើលឃើញដំបូងក៏ដោយ ប៉ុន្តែការមានទំនាក់ទំនងរយៈពេលវែង តែងតែជះឥទ្ធិពលដល់ភាពទាក់ទាញដែលមិនអាចទ្រាំបាន។
ដោយសារតែស្ថិតនៅក្នុងដំណើរការនៃការធ្វើការជាមួយអ្នក មិត្តរួមការងារ ថៅកែ ឬដៃគូរបស់អ្នកនឹងស្វែងយល់ពីសមត្ថភាពការទាក់ទាញរបស់អ្នកបន្តិចម្តងៗ ហើយត្រូវបានសញ្ជ័យដោយអ្នកដោយមិនដឹងខ្លួន។ អាចនិយាយបានថា រយៈពេលដែលរួមការងារជាមួយគ្នា ក៏ជារយៈពេលដែលគេ កំពុងតែមើលចិត្តអ្នកផងដែរ។
2. មិត្តភក្តិសង្គម
អ្នកជាមនុស្សវិជ្ជមាន និងសុទិដ្ឋិនិយម មនុស្សដែលនៅជុំវិញអ្នកតែងតែមានអារម្មណ៍ស្រស់ស្រាយ និងស្វាហាប់ពេលនៅក្បែរអ្នក។ មិនថាអ្នកជួបបញ្ហាអ្វីទេ អ្នកជឿថានឹងមានដំណោះស្រាយជានិច្ច។
ហេតុនេះហើយ អ្នកធ្វើឱ្យមនុស្សក្បែរខ្លួន ចាប់ផ្ដើមចាប់អារម្មណ៍ចំពោះអ្នក ជាពិសេសគឺ ពេលឃើញអ្នកញញឹម។ យ៉ាងណាមិញ ដៃគូរបស់អ្នក អាចជាមិត្តដែលកំពុងតែទាក់ទងគ្នាជាមួយអ្នកនេះឯង មិនមែនអ្នកឆ្ងាយមកពីណានោះឡើយ។ ដូច្នេះហើយ ឧស្សាហ៍មើលៗអ្នកក្បែរខ្លួនផង ជាពិសេសគឺ មិត្តស្និទ្ធស្នាល។
3. មិត្តរួមថ្នាក់ / មិត្តចាស់
នៅពេលអ្នកនៅជាសិស្ស អ្នកប្រហែលជាបុគ្គលឆ្នើម និងគួរឱ្យទាក់ទាញម្នាក់ ប៉ុន្តែអ្នកមិនមែនជាសិស្សពូកែជាងគេនៅក្នុងថ្នាក់នោះទេ តែអ្នកជាមនុស្សដែលពេញនិយមនៅក្នុងថ្នាក់។
ហេតុដូច្នេះហើយ នឹងមានមនុស្សដែលបានចាប់អារម្មណ៍លើអ្នក ដោយអ្នកមិនបានដឹងខ្លួនសោះ ប៉ុន្តែដោយសារតែភាពជាយុវវ័យ ឬអាចនិយាយបានថា ពេលនៅរៀនអ្នកទាំងពីរនៅក្មេងដូចគ្នា ដូច្នេះ គេនោះក៏មិនហ៊ាននឹងបង្ហាញក្ដីស្រឡាញ់ចំពោះអ្នកឡើយ ដោយគេគ្រាន់តែចងចាំអ្នកទុក និងរង់ចាំឱកាសល្អ ដើម្បីសារភាពតែប៉ុណ្ណោះ។
4. មនុស្សដែលតែងតែទុកចិត្តលើអ្នក
អ្នកជាមនុស្សម្នាក់ដែលមានកេរ្តិ៍ឈ្មោះ ហើយមានមិត្តភក្តិជាច្រើននៅជុំវិញអ្នក។ ដោយសារតែអ្នកដឹងពីរបៀបឆ្លើយតបទៅនឹងតម្រូវការរបស់មិត្តភក្តិរបស់អ្នក ហើយព្យាយាមរក្សាទំនាក់ទំនងនៅជុំវិញអ្នកជានិច្ច។ នៅក្នុងក្រសែភ្នែករបស់មិត្តអ្នក គឺជាមនុស្សដែលពិសេស និងចេះជួយសង្គម។ អ្នកតែងតែត្រៀមខ្លួនស្តាប់ និងយល់ពីអារម្មណ៍របស់អ្នកដទៃ។
មានមនុស្សជាច្រើនដែលពិតជាចង់និយាយរកស៊ីជាមួយអ្នក សុំយោបល់ពីអ្នក។ ហេតុដូច្នេះហើយវត្ថុភាគច្រើនងាយនឹង“ ធ្លាក់ក្នុងអន្លង់ស្នេហ៍” ជាមួយអ្នកគឺជាអ្នកដែលធ្លាប់ជាមិត្តរួមព្រលឹងតែងតែជជែក និងចែករំលែកអាថ៌កំបាំង និងអារម្មណ៍ជាមួយអ្នក តែអ្នកប្រហែលជាមិនចាប់អារម្មណ៍នឹងចំណុចនេះឡើយ៕
ប្រភព ៖ iOne / ប្រែសម្រួល ៖ Knongsrok
ព័ត៌មានថ្មីៗ
