Edinson Cavani សម្រេចចាកចេញពី Manchester United ហើយ
តាមសេចក្តីរាយការណ៍ពីអាមេរិកខាងត្បូងបានឱ្យដឹងថា Edinson Cavani បានសំរេចចិត្តមិនបន្តលេងនៅ Manchester United នៅរដូវកាលក្រោយទេហើយគាត់ចង់ផ្លាស់ទៅលេងនៅ Boca Juniorsក្នុងប្រទេសអាហ្សង់ទីនវិញ។
កីឡាករជម្រើសជាតិអ៊ុយរូហ្គាយបានបង្ហាញការចាប់អារម្មណ៍ក្នុងអំឡុងពេលដ៏ខ្លីរបស់គាត់នៅ Old Trafford។ ការបង្ហាញថ្វីជើងបានល្អធ្វើឲ្យគេរំពឹងថាគាត់នឹងបន្តលេងជាមួយបិសាចក្រហមមួយរដូវកាលទៀត។
ទោះយ៉ាងណាក្ដី! របាយការណ៍នៅក្នុងប្រទេសអាហ្សង់ទីនបានអះអាងថាគាត់នឹងបដិសេធការសំណើបន្តពេលវេលារបស់គាត់នៅក្នុងក្របខ័ណ្ឌ Premier League ហើយវិលត្រឡប់ទៅកាន់អាមេរិកខាងត្បូងជាថ្មី។ យោងទៅតាមកាសែតមានប្រភពពីអាហ្សង់ទីន Ole Cavani បានសម្រេចបញ្ចប់អាជីពនៅក្នុងបាល់ទាត់អ៊ឺរ៉ុប ហើយបានសំរេចចិត្តផ្លាស់ទៅ Bocaវិញ ។
ខ្សែប្រយុទ្ធដែលរកបាន ៦ គ្រាប់ក្នុង ៩ ប្រកួត Premier League នឹងត្រូវកាត់ប្រាក់ខែពាក់កណ្ដាល ដើម្បីចូលរួមជាមួយក្លិបយក្សអាហ្សង់ទីនហើយគ្រោងចុះកុងត្រា ៣ ឆ្នាំទៀត។ Cavani ធ្លាប់កោតសរសើរក្រុមមានមូឡដ្ឋាននៅរដ្ឋធានី Buenos Aires ជាយូរមកហើយ និងបាននិយាយជាមួយប្រធានក្លិប Boca លោក Juan Roman Riquelme នាពេលកន្លងមកថាបើគាត់នឹងផ្លាស់ទៅអាហ្សង់ទីនគាត់នឹងទៅលេងនៅ Boca Juniors។
កីឡាករវ័យ ៣៤ ឆ្នាំរូបនេះលេងនៅទ្វីបអឺរ៉ុបចាប់តាំងពីចាកចេញពីក្លិបអ៊ុយរូហ្គាយ Danubio ផ្ទេរមកលេងនៅក្រុម Palermo របស់អ៊ីតាលីក្នុងឆ្នាំ ២០០៧។ ក្រោយគាត់បានមកលេងនៅក្លិប Napoli ក្នុងលក្ខខ័ណ្ឌខ្ចីជើងមួយរដូវកាលស៊ុតបាន៣៣គ្រាប់ក្នុង៤៧ប្រកួតគ្រប់ពានរង្វាន់ហើយកី៏បន្តកុងត្រាអចិន្រ្តៃយ៍២រដូវកាលទៀត ខណៈក្លិបមួយនេះហើយធ្វើឲ្យគាត់ក្លាយជាកំពូលខ្សែប្រយុទ្ធម្នាក់នៅអឺរ៉ុប។
ឆ្នាំ២០១៣គាត់ផ្ទេរមកលេងនៅ PSG ឡើងកាន់ឆ្នាំដោយស៊ុតបញ្ចូលទីបាន២០០គ្រាប់ ក្នុង៣០១ប្រកួតហើយក៏ផ្ទេរមកលេងនៅ Man Utd ក្នុងកុងត្រាគ្មានតម្លៃខ្លួនមួយរដូវកាល។
Cavani 'has decided' to join Boca Juniors in the summer #mufc https://t.co/gQev3psPjd pic.twitter.com/x4pSOqD30Z
— Man United News (@ManUtdMEN) March 8, 2021
ភាគច្រើនគេរំពឹងថា Cavani នឹងបន្តការស្នាក់នៅជាមួយបិសាចក្រហមមួយរដូវកាលទៀត ប៉ុន្តែប្រសិនបើរបាយការណ៍ទាំងនេះត្រឹមត្រូវ Manchester United នឹងនៅសល់កន្លែងមួយសម្រាប់តំបន់ប្រយុទ្ធកណ្ដាលដោយរកអ្នកជំនួសបន្តទៀត៕
ប្រភព៖ sportwitness,
ព័ត៌មានថ្មីៗ
