FOOTBALL TRANSFER NEWS – PSG ត្រៀមខ្លួនចុះកុងត្រាយកDE GEA ពី UNITED…..
-Paris Saint-Germain កំពុងកាន់កន្រ្តកដើរចូលផ្សារដោះដូរកីឡាករក្នុងរដូវក្ដៅនេះហើយពេលនេះពួកគេសម្លឹងឃើញអ្នកចាំទី Manchester United កីឡាករ David de Gea។
Paris Saint-Germain អាចនឹងបង្ហាញឆន្ទៈដាក់សំណើយក David de Gea ពី Manchester United។ អ្នកចាំទីវ័យ៣០ឆ្នាំនៅសល់កុងត្រាជាមួយបិសាចក្រហមដល់ទៅ២ឆ្នាំទៀតជាមួយនិងប្រាក់ឈ្នួល ៣៧៥០០០ផោនក្នុងមួយសប្ដាហ៍។
ប្រាក់ឈ្នួលខ្ពស់បែបនេះមិនមានក្លិបបាល់ទាត់ច្រើនទេដែលអាចផ្ដល់ឱ្យហើយ PSG គឺជាក្លិបក្នុងចំណោមភាគតិចប៉ុណ្ណោះដែលអាចរ៉ាប់រងប្រាក់ឈ្នួលខ្ពស់បែបនេះ។
តាមប្រភព The Sun លោក Mauricio Pochettino កំពុងស្វែងរកអ្នកចាំទីល្អណាម្នាក់មកជំនួស Keylor Navas ។
ដោយសារតែ United ត្រូវរកដំណោះស្រាយសម្រាប់អនាគតរបស់ Dean Henderson ឱកាសលក់ De Gea ដោយយកថ្លៃផ្ទេរមួយចំនួន ក៏ដូចជាការបញ្ឈប់ចំណាយប្រាក់ឈ្នួលខ្ពស់របស់គាត់ចេញពីសៀវភៅចំណូលចំណាយរបស់ពួកគេនេះគឺជាដំណោះស្រាយមួយ។
នៅអាយុ ២៣ ឆ្នាំ Henderson ត្រូវការពេលមួយឬពីររដូវកាល ដើម្បីបង្ហាញពីគុណតម្លៃរបស់គាត់ជាមួយនឹងការចូលលេងទៀងទាត់នៅ Old Trafford ហើយអ្នកចាំទីម្នាក់ទៀតនឹងត្រូវការជាចាំបាច់ជាមួយនឹងការចាកចេញរបស់ Sergio Romero និង Lee Grant ។
-Danny Ings បាននិយាយថាគាត់ចង់ត្រលប់ទៅ Liverpool វិញ ដើម្បីមានឱកាសបង្ហាញខ្លួនក្នុង Champions League ម្តងទៀត។ ខ្សែប្រយុទ្ធវ័យ ២៨ ឆ្នាំរូបនេះបានចាកចេញពីហង្សក្រហម Liverpool ទៅកាន់ទឹកដី Southampton ក្នុងឆ្នាំ ២០១៩ និងមានកិច្ចសន្យាដែលនឹងផុតកំណត់នៅចុងរដូវកាលក្រោយ។
The Mirror បានផ្សារភ្ជាប់គាត់ជាមួយនឹងការវិលត្រឡប់មកកាន់ទឹកដី Anfield វិញហើយខ្សែប្រយុទ្ធរូបនេះបាននិយាយថា៖“ បរិយាកាសនៅទីនោះគឺពិតមិនធម្មតានោះទេ។ ខ្ញុំមិនដែលជួបប្រទះបរិយាកាសនៅ Anfield ក្នុងរាត្រីនៃការប្រកួតក្របខ័ណ្ឌ Champions League នោះទេ"។
សំណើបន្តកុងត្រារបស់ Sergio Ramos ជិតអស់ពេលហើយ
កាសែតអេស្ប៉ាញ Marca បានរាយការណ៍ថាកីឡាករ Sergio Ramos មិនមានគំនិតក្នុងការចុះកុងត្រាថ្មីជាមួយក្លិប Real Madrid នោះទេ។ ខ្សែការពារកណ្តាលសញ្ជាតិអេស្ប៉ាញវ័យ ៣៤ ឆ្នាំរូបនេះត្រូវបានគេផ្តល់ជូនកុងត្រារយៈពេល ១ ឆ្នាំបន្ថែមទៀត ប៉ុន្តែមិនទាន់បានប្តេជ្ញាចិត្តចំពោះអនាគតរបស់គេចំពោះក្លិបនៅឡើយ។ ការផ្តល់ជូនមានកំណត់ពេលវេលា ហើយប្រសិនបើគាត់មិនយល់ព្រមលើកិច្ចព្រមព្រៀងនៅចុងខែមីនាទេនោះវានឹងត្រូវលុបចោលវិញ៕
ព័ត៌មានថ្មីៗ
