David Beckham បង្ហាញរឿងក្ដុកក្ដួលមួយពេលចាកចេញពី Man Utd ទៅ Real Madrid
អតីតខ្សែបម្រើរូបនេះបានទទូចថាគាត់មិនដែលគិតថាចង់ចាកចេញពីកន្លែងដែលគាត់ប្រកបអាជីពដំបូងនោះទេ ដែលនេះជាមូលហេតុដែលវាពិបាកក្នុងការទទួលយក។
ការផ្ទេរ David Beckham ទៅកាន់ Real Madrid គឺពិតជាស្ថិតក្នុងចំនោមការចាកចេញដ៏អាក្រក់បំផុតនៅក្នុងប្រវត្តិសាស្ត្ររបស់ Man United ហើយការចាកចេញរបៀបនេះនៅតែបន្តកើតឡើងក្នុងសម័យក្រោយៗមកទៀតដូចជា Ruud van Nistelrooy, Chrisriano Ronaldo ...ជាដើម។
នៅពេលត្រូវបានគេសួរអំពីការផ្ទេរនោះ Beckham បានចង្អុលបង្ហាញថាវាមិនមែនជាចេតនារបស់គាត់ក្នុងការចាកចេញពីក្លឹបដែលគាត់រីកធំធាត់ឡើងនោះទេ។ គាត់បានប្រាប់ទូរទស្សន៍ BT Sport ថា
៖“ នៅពេលដែលខ្ញុំចូលរួមជាមួយ Manchester United ខ្ញុំមិនដែលចង់ចាកចេញពីពួកគេទេ។ នៅពេលពួកគេប្រាប់ខ្ញុំថាពួកគេនឹងលក់ខ្ញុំគឺជាលើកទីមួយហើយដែលខ្ញុំបាននិយាយទៅកាន់ Real Madrid” ។
"ខ្ញុំដឹងថាក្តីសុបិន្តរបស់ខ្ញុំចប់ហើយ ខ្ញុំត្រូវតែនិយាយជាមួយក្រុមផ្សេង។ រយៈពេល២ឆ្នាំដំបូងដែលខ្ញុំចាកចេញគឺខ្ញុំមិនហ៊ានមើលMan Utd នោះទេ ។វាពិតជាពិបាកធ្វើចិត្តមែន ហើយពិបាកក្នុងការចាកចេញខ្លាំងណាស់"។
ទោះបីជាមានការបញ្ចប់អាជីពនៅ Man Utd ដ៏ជូរចត់បែបនេះក៏ដោយក៏ David Beckham នឹងមិនដែលរិះគន់លោក Sir Alex Ferguson ជាសាធារណៈឡើយ។ គាត់បានបន្ថែមទៀតថា៖
"ខ្ញុំនឹងមិនអង្គុយនៅទីនេះ ហើយខ្ញុំនិយាយអវិជ្ជមានអំពីបុរសម្នាក់ដែលផ្តល់ឱកាសឱ្យខ្ញុំលេងឱ្យក្រុមតាំងកុមារភាពនោះទេ។ ខ្ញុំតែងតែសុបិនចង់លេង។ សម្រាប់ខ្ញុំដូចខ្ញុំបាននិយាយអីចឹង! គាត់ផ្តល់ឱកាសឱ្យខ្ញុំធ្វើដូច្នេះ។ គាត់ជឿខ្ញុំ ខ្ញុំជឿលើក្មេងដទៃទៀតដែលឆ្លងកាត់ជាមួយយើង។
"ខ្ញុំនឹងមិនគិតអវិជ្ជមានចំពោះលោក Sir Alex Ferguson ទេព្រោះគាត់ជាបុរសដែលផ្តល់ឱកាសឱ្យខ្ញុំរស់នៅក្នុងក្តីសុបិន្តរបស់ខ្ញុំ" ។
ព័ត៌មានថ្មីៗ
