ពណ៌សក់ដែលអ្នកចូលចិត្ត នឹងបង្ហាញពីចរិត បុគ្គលិកលក្ខណៈរបស់អ្នក
តើសក់ពណ៌អ្វី ដែលអ្នកចូលចិត្តជាងគេ នោះនឹងបង្ហាញពីចរិត បុគ្គលិកលក្ខណៈរបស់អ្នកបានយ៉ាងច្បាស់ៗ។
១. សក់ពណ៌ត្នោត
បើអ្នកចូលចិត្តពណ៌ត្នោត នោះអ្នកគឺជាបុគ្គលល្បីល្បាញដោយសារការខិតខំ និងការប្តេជ្ញាចិត្តរបស់អ្នក។ អ្នកតែងតែធ្វើឱ្យខ្លួនអ្នករវល់ ព្រោះអ្នកជាមនុស្សដែលឆាប់ធុញទ្រាន់ ប្រសិនបើអ្នកទំនេរមិនធ្វើអ្វីសោះ។ អ្នកក៏ជាមនុស្សដែលមានជំនាញក្នុងការធ្វើផែនការដ៏អស្ចារ្យ ដើម្បីជួយអ្នកដោះស្រាយបញ្ហាដល់មនុស្សក្បែរខ្លួនផងដែរ។ ភាពជាអ្នកដឹកនាំក៏ជាចំណុចខ្លាំងរបស់ក្មេងស្រីដែលចូលចិត្តជ្រលក់សក់ពណ៌ត្នោតផងដែរ។ លើសពីនេះទៀត អ្នកជាមនុស្សកក់ក្តៅ មានផាសុកភាព និងគួរឱ្យទុកចិត្តដែលឱ្យតម្លៃលើទំនាក់ទំនងយូរអង្វែង។
២. ពណ៌ខ្មៅ
អ្នកដែលចូលចិត្តពណ៌ខ្មៅ ច្រើនតែជាមនុស្សដែលស្ងប់ស្ងាត់ ហើយតែងតែចូលចិត្តនៅតែម្នាក់ឯង ដកខ្លួនចេញពីហ្វូងមនុស្ស។ អ្នកក៏ជាមនុស្សអាថ៌កំបាំង និងចូលចិត្តផ្នែកតែងតនិពន្ធផងដែរ។ អ្នកជាមនុស្សប្រកាន់ច្បាប់ក្រិតក្រមខ្លាំង មានរឿងសម្ងាត់ និងតែងតែគិតច្រើនតែម្នាក់ឯង។ ទន្ទឹមនឹងនេះដែរ អ្នកតែងតែជាអ្នកស្តាប់ដ៏ល្អ ធ្វើឱ្យអ្នកក្លាយជាអ្នកណែនាំ និងចិត្តវិទូដ៏ពូកែម្នាក់។
៣. ពណ៌ក្រហម
អ្នកដែលចូលចិត្តលាបសក់ពណ៌ក្រហម កម្រមានភាពស្មុគស្មាញណាស់។ អ្នកដឹងពីរបៀបចាប់យកឱកាស និងដេញតាមក្តីសុបិនរបស់អ្នក។ ទោះបីជាងាយនឹងឈឺចាប់ក៏ដោយ ស្ថានភាពគ្រោះថ្នាក់មិនធ្វើឱ្យអ្នកភ័យខ្លាចឡើយ។ អ្នកចូលចិត្តការផ្សងព្រេង គឺសកម្ម និងមានភាពរ៉ូមែនទិកខ្លាំង។ ទំនាក់ទំនងខ្លះក៏ធ្វើឱ្យជីវិតរបស់អ្នកមានភាពរស់រវើកផងដែរ។ អ្នកជាមនុស្សដែលតែងតែស្វាហាប់ និងស្រូបយករបស់ថ្មីៗជានិច្ច គឺជាលក្ខណៈពិសេសគួរឱ្យកត់សម្គាល់របស់អ្នកដែលចូលចិត្តសក់ពណ៌ក្រហម។
៤. ពណ៌ទង់ដែង
មនុស្សដែលមានសក់ពណ៌ស្រាល ជាធម្មតាជាមនុស្សបែបស្ងប់ស្ងាត់ ជាមនុស្សគួរឱ្យស្រលាញ់ និងមិនចេះបារម្ភអ្វីដែលកំពុងកើតឡើងនៅជុំវិញពួកគេ។ អ្នកឆ្លាតហើយរហ័ស។ មនុស្សស្រីដែលមានសក់ពណ៌ទង់ដែងតែងតែត្រូវបានគេយកចិត្តទុកដាក់បំផុត ដូច្នេះគ្មានអ្វីគួរឱ្យភ្ញាក់ផ្អើលទេ ដែលបុរសចាត់ទុកពួកគេថាមានភាពងាយស្រួលក្នុងការចុះសម្រុងគ្នា។ ទោះជាយ៉ាងណាក៏ដោយ ការពិតវាពិបាកក្នុងការរក្សាស្ថិរភាពត្រឹមត្រូវនៅក្នុងទំនាក់ទំនងរបស់អ្នក។
៥. ពណ៌ស្វាយ
មនុស្សស្រីដែលមានចូលចិត្តសក់ពណ៌ស្វាយ ជាមនុស្សដែលមានគំនិត និងអារម្មណ៍សុខដុមរមនា។ អ្នកជាមនុស្សច្នៃប្រតិដ្ឋមានរសជាតិឆ្ងាញ់ និងមានតុល្យភាពល្អ។ ក្នុងពេលជាមួយគ្នានេះដែរ ត្រូវមានគំនិតបើកចំហ និងមិនភ័យខ្លាចក្នុងការបង្ហាញពីខ្លួនអ្នក។ អ្នកព្យាយាមក្លាយជាបុគ្គលឯករាជ្យ។ អំណាច និងច្បាប់មិនមានឥទ្ធិពលច្រើនពេកលើអ្នកទេ។ មនុស្សជាច្រើនកត់សម្គាល់ និងពេញចិត្តចំពោះការច្នៃប្រតិដ្ឋរបស់អ្នក។
៦. ពណ៌បៃតង
ប្រសិនបើអ្នកមានសក់ពណ៌បៃតង អ្នកអាចជាមនុស្សដែលស្ងប់ស្ងាត់ អាចទុកចិត្តបាន និងស្រឡាញ់សន្តិភាព។ មនុស្សស្រីដែលមានពណ៌សក់នេះ ច្រើនតែជាអ្នកចេះគិតពិចារណាតែងតែពិចារណាមុននឹងធ្វើអ្វីចេញមក។ មនុស្សជុំវិញតែងតែគោរពអ្នកចំពោះដួងចិត្តមាសភាពស្មោះត្រង់ និងមិត្តភាព។
៧. ពណ៌ផ្កាឈូក
ប្រសិនបើពណ៌សក់ដែលអ្នកចូលចិត្ត គឺពណ៌ផ្កាឈូក នោះអ្នកពូកែបង្ហាញអារម្មណ៍។ អ្នកជាមនុស្សកក់ក្តៅ និងចេះគិតដល់មនុស្សជុំវិញខ្លួន។ អ្នកមិនខ្លាចក្នុងការសាកល្បងអ្វីដែលថ្មី ហើយច្នៃប្រតិដ្ឋគឺជាចំណុចខ្លាំងរបស់អ្នក។ នោះហើយជាមូលហេតុដែលមនុស្សស្រីដែលមានសក់ពណ៌ផ្កាឈូកច្រើនតែជាអ្នកនិយមនិន្នាការ។
៨. ពណ៌ស
អ្នកដែលចូលចិត្តលាបសក់ពណ៌ស ត្រូវបានគេនិយាយថា ជាមនុស្សដែឡត្រជាក់គ្មានអារម្មណ៍ ប៉ុន្តែការពិតវាគ្រាន់តែជារបាំងប៉ុណ្ណោះ។ សក់ពណ៌នេះបង្ហាញថាអ្នកមានទំនុកចិត្តខ្ពស់ និងអស្ចារ្យ។ ទោះបីជាអ្នកមានការលំបាកក្នុងការស្វែងរកមិត្តរួមព្រលឹង អ្នកនៅតែទន់ភ្លន់ និងសម្ដែអការគួរសមនៅពេលជួបនរណាម្នាក់ដែលអ្នកចូលចិត្ត។
៩. ពណ៌ប្រផេះ
អ្នកត្រូវបានគេណែនាំ ពេលខ្លះមានអារម្មណ៍ថាអ្នកមិនសម ឬជាកម្មសិទ្ធិនៅកន្លែងណាឡើយ។ ធម្មជាតិស្ងប់ស្ងាត់ និងជាក់ស្តែងធ្វើឱ្យអ្នកស្វែងរកជីវិតមានតុល្យភាព និងសន្តិភាព។ មនុស្សស្រីដែលមានសក់ស្កូវមានប្រាជ្ញាវាងវៃ និងពូកែគ្រប់គ្រងអារម្មណ៍។
១០. ពណ៌ទឹកក្រូច
អ្នកមានភាពស្វាហាប់ មានចំណង់ខ្លាំង។ អ្នកជម្រុញអ្នកដែលនៅជុំវិញអ្នកគាំទ្រសេចក្តីស្រឡាញ់ និងថាមពលវិជ្ជមាន។ ភាពមិនចេះអត់ធ្មត់របស់អ្នក ពេលខ្លះអាចជាបញ្ហាមួយផ្នែក ប៉ុន្តែភាពឆ្លាតវៃ និងភាពវិជ្ជមានតែងតែជួយអ្នកតស៊ូតាមរយៈការតស៊ូពុះពារ៕
ប្រភព : iOne / ប្រែសម្រួល ៖ Knongsrok
ព័ត៌មានថ្មីៗ
