ប្រធានក្លិប Valencia ចេញមកបញ្ជាក់ច្បាស់ៗថា ម្ចាស់គេមិនលក់ក្លិបមួយនេះទេ
ប្រធានប្រតិបត្តិក្លិប Valencia លោក Anil Murthy បានសង្កត់ធ្ងន់ថាម្ចាស់ក្លឹបលោក Peter Lim មិនមានគម្រោងលក់ក្រុមនោះទេ ទោះបីមានការចាប់អារម្មណ៍ពីឧត្តមសេនីយ៍ Tunku Ismail Ibni Sultan Ibrahim, ម្ចាស់ក្លិប JDT របស់ម៉ាឡេស៊ីក៏ដោយក៏ដោយ។
Anil បាននិយាយថាគាត់បានពិភាក្សាជាមួយលោក Peter បន្ទាប់ពី TMJ បានបញ្ចូលសេចក្តីថ្លែងការណ៍មួយនៅលើ Instagram Story របស់គាត់ ហើយមហាសេដ្ឋីមកពីសឹង្ហបុរីមិនមានគំរោងលក់ក្លឹបនេះទេ
“ មិត្តរួមការងាររបស់ខ្ញុំ បានប្រាប់ខ្ញុំអំពីសេចក្តីថ្លែងការណ៍របស់ TMJ នៅលើ Instagram ។ ខ្ញុំបានពិភាក្សាជាមួយ Peter ហើយគាត់មិនមានគម្រោងលក់ក្លឹបនេះទេ"។
Peter និង Anil ក៏ជាគោលដៅនៃការរិះគន់ពីសំណាក់អ្នកគាំទ្ររបស់ Valencia ផងដែរ ដែលពួកគេចង់ឲ្យបុគ្គលទាំងពីរនាក់នេះចាកចេញពីក្រុម ហើយលក់ទៅឱ្យអ្នកផ្សេងទៀតដែលយល់ច្បាស់អំពីបាល់ទាត់។ ចាប់តាំងពីក្លាយជាម្ចាស់ក្លឹបក្នុងឆ្នាំ ២០១៤ លោក Peter បានធ្វើការសំរេចចិត្ត ដែលត្រូវបានចាត់ទុកថាជាការបង្កគ្រោះថ្នាក់ដល់អ្នកគាំទ្ រដូចជាការផ្លាស់ប្តូរអ្នកគ្រប់គ្រងដោយគ្មានហេតុផលល្អ និងលក់កីឡាករឆ្នើមៗរបស់ក្រុម។
បច្ចុប្បន្ន Valencia ឈរនៅចំណាត់ថ្នាក់លេខ ១៤ ក្នុងតារាង La Liga ដោយប្រមូលបាន ២៧ ពិន្ទុពី ២៥ ប្រកួតមកដល់ពេលនេះ ហើយមាន ៥ ពិន្ទុដាច់ពីតំបន់កាត់ចោល៕
ព័ត៌មានថ្មីៗ
