នៅក្នុងក្រសែភ្នែកមិត្តរួមការងារ តើអ្នកជាមនុស្សប្រភេទណា?
ជ្រើសរើសនំមួយទៅតាមចំណូលចិត្តរបស់អ្នក ដើម្បីធ្វើតេស្តលើក្រសែភ្នែកអ្នកក្បែរខ្លួន ជាពិសេសមិត្តរួមការងារ តើគេមើលមកអ្នកជាមនុស្សបែបណា ប្រភេទណា?
A. នំអក្សរ A
អ្នកជាប្រភេទមនុស្សដែលពោរពេញដោយភាពកក់ក្តៅនៅខាងក្នុងរបស់អ្នក ហើយទន្ទឹងរង់ចាំអ្វីដែលវិជ្ជមាននៃជីវិត។ អ្នកតែងតែព្យាយាមរាប់អានមិត្តភក្តិជាមួយមនុស្សជុំវិញខ្លួន ហើយធ្វើឱ្យពួកគេមានអារម្មណ៍ថាអ្នកត្រូវបានគេរាប់បញ្ចូលជាមនុស្សជិតស្និទ្ធបំផុត។ អ្នកតែងតែត្រៀមខ្លួនដើម្បីសាកល្បងរបស់ថ្មីៗជានិច្ច។
B. នំអក្សរ B
អ្នកគឺជាប្រភេទមនុស្សអាថ៌កំបាំង និងមានរឿងលាក់ក្នុងចិត្តជាច្រើន។ តែយ៉ាងណា អ្នកក៏ជាមនុស្សដែលចូលចិត្តការរាំច្រៀង សប្បាយរីករាយខ្លាំងដែរ។ ប៉ុន្តែអ្នកលាក់រាល់មហិច្ឆតា និងគោលដៅដែលអ្នកចង់បាន រួមផ្សំទាំងរឿងផ្ទាល់ខ្លួនផ្សេងៗ អ្នកមិនងាយនឹងបង្ហាញឱ្យអ្នកណាបានដឹងឡើយ។
C. នំអក្សរ C
អ្នកជាមនុស្សងប់ងល់ និងហ៊ានស៊ីហ៊ានសង។ អ្នកដឹងពីអ្វីដែលអ្នកចង់បាននៅក្នុងជីវិតនេះ និងរបៀបដែលអ្នកនឹងសម្រេចឱ្យបាន នូវអ្វីដែលអ្នកត្រូវការ។ អ្នកមិនអនុញ្ញាតឱ្យរឿងតូចធ្វើឱ្យអ្នកធ្លាក់ចុះបានឡើយ ជាពិសេសគឺ ពាក្យសម្ដីបំបាក់ទឹកចិត្តពីអ្នកដទៃ។
D. នំអក្សរ D
អ្នកជាមនុស្សឆ្លាតវៃ និងចាប់យកអារម្មណ៍របស់អ្នកដទៃបានយ៉ាងងាយ។ អ្នកមិនខ្លាចប្រាប់មនុស្សពីអារម្មណ៍របស់អ្នកនោះឡើយ។ អ្នកមានបេះដូងធំទូលាយ និងព្រលឹងសប្បុរស ចិត្តល្អ តែងតែជួយដល់មនុស្សដែលនៅជុំវិញខ្លួនដោយមិនមានភាពរារែកអ្វីឡើយ៕
ប្រភព ៖ iOne / ប្រែសម្រួល ៖ Knongsrok
ព័ត៌មានថ្មីៗ
