ព័ត៌មានដោះដូរកីឡាករល្បីៗប្រចាំថ្ងៃនេះ…Varane ទៅ Man Utd អាចបញ្ឈប់Mbappe ទៅ Liverpool
Goal.com -យោងតាមកាសែត Manchester Evening News បានឱ្យដឹងថាក្រុមបិសាចក្រហម Manchester United អាចនឹងបើកឱកាសឲ្យ Real Madrid មានជម្រើសមួយចំនួនប្រសិនបើក្រុមអង់គ្លេសមួយនេះចុះហត្ថលេខាយក Raphael Varane ។
នេះបើយោងតាម MEN ជម្រើសទីមួយគឺថា ការចុះកុងត្រាយកខ្សែការពារជាតិបារាំងរូបនេះ អាចរារាំង Liverpool មិនឱ្យទទួលបាន Kylian Mbappe ។ របាយការណ៍កាលពីម្សិលមិញបាននិយាយថា Real Madrid បានបើកចំហរក្នុងការលក់ខ្សែការពារសញ្ជាតិបារាំងវ័យ ២៨ ឆ្នាំរូបនេះឱ្យទៅ United ដើម្បីជួយដោះបំណុល ហើយលុយបានពីការលក់នេះដែលនៅសល់នឹងចូលរួមក្នុងការចុះហត្ថលេខាលើតារាឆ្នើម PSG Mbappe ។
កន្លងមក Mbappe បានបង្ហាញពីចំណាប់អារម្មណ៍ក្នុងការផ្លាស់ទៅ Santiago Bernabeu ហើយប្រសិនបើ Real អាចមានលទ្ធភាពទិញគាត់មែននោះ វាអាចនឹងដកសេចក្តីសង្ឃឹមរបស់ Liverpool ក្នុងការចុះហត្ថលេខាលើម្ចាស់ពាន World Cup រូបនេះ។ យ៉ាងណាក្ដី! ទាល់តែ Real Madrid លក់ Raphael Varane មកឲ្យ Man Utd។
Dortmund សម្លឹងឃើញ ខ្សែប្រយុទ្ធ Sevilla ម្នាក់មកជំនួស Erling Haaland
AS English -កីឡាករ Youssef En-Nesyri របស់ក្រុម Sevilla គឺជាខ្សែប្រយុទ្ធចុងក្រោយ ដែលត្រូវបានផ្សារភ្ជាប់ជាមួយនឹងក្រុម Borussia Dortmund ហើយតាមរយៈការសរសេររបស់កាសែត EuroSport បាននិយាយថាខ្សែប្រយុទ្ធរូបនេះបានក្លាយជាគោលដៅរបស់ក្លឹបអាល្លឺម៉ង់ក្នុងយកកជំនួស Erling Haaland ។ ខ្សែប្រយុទ្ធវ័យ ២៣ ឆ្នាំរូបនេះស៊ុតបញ្ចូលទីបាន១៣គ្រាប់ហើយក្នុងការបង្ហាញខ្លួន២៤ប្រកួតក្នុងពានរង្វាន់La Liga។
Goal.com: -លោក Ole Gunnar Solskjaer បានព្រមានថាក្រុមបិសាចក្រហម Manchester United នឹងត្រូវតែមាន“ ភាពប្រាកដនិយម” នៅក្នុងទីផ្សារដោះដូរកីឡាករនារដូវក្តៅនេះ។ ដោយសារតែបញ្ហាថវិកានៃការរីករាលដាលនៃជំងឺរាតត្បាតកូវីដ១៩ នេះ លោក Solskajer មិនរំពឹងថានឹងមានការចំណាយទិញកីឡាករថ្មីនៅរដូវក្តៅនោះទេ ព្រោះក្រុម Manchester United នឹងប្រជែងគ្នាដណ្តើមជើងឯកនៅរដូវកាលក្រោយ។
ព័ត៌មានថ្មីៗ
