ហេតុអ្វី Sir Alex Ferguson ចង់ឲ្យ Barcelona ចុះកុងត្រាយក CR7ជំនួស Real Madrid
កិច្ចខិតខំប្រឹងប្រែងរបស់Real Madrid ក្នុងការចុះកុងត្រាយក Cristiano Ronaldo កាលពីឆ្នាំ២០០៩មិនមែនជារឿងងាយស្រួលនោះ ខណៈពេលខ្លះបែកញើសប៉ុនគ្រាប់ពោត ហើយរឿងដែលពិបាកជាងគេគឺនិយាយជាមួយលោក Sir Alex Ferguson។
គេដឹងជាទូទៅហើយដែលលោក Sir Alex Ferguson មិនគាំទ្រគំនិតរបស់ Cristiano Ronaldo ដែលចង់ចាកចេញពី Manchester United ។ ប៉ុន្តែតើអ្នកដឹងទេថាអតីតគ្រូបង្វឹករូបនេះបានត្រៀមខ្លួនរួចជាស្រេចដើម្បីឱ្យ CR7 ចូលរួមជាមួយ Barcelona?
ទោះយ៉ាងណាក្ដី! កាសែតអេស្ប៉ាញ Diario AS បានរាយការណ៍ត្រឡប់មកវិញនៅឆ្នាំ ២០១៧ ថា Real Madrid បានចូលជួបលោក Jorge Mendes ជាលើកដំបូងក្នុងឆ្នាំ ២០០៧ ពោលគឺ ៦ ខែបន្ទាប់ពីលោក Ramon Calderon ក្លាយជាប្រធានក្លឹប Real Madrid ។ ក្នុងឆ្នាំ ២០០៨ ម្តាយរបស់ Ronaldo អ្នកស្រី Dolores បាននិយាយជាសាធារណៈថា“ ខ្ញុំមិនចូលចិត្តក្លឹបអង់គ្លេសទេ មុនពេលដែលខ្ញុំស្លាប់ខ្ញុំចង់ឃើញកូនប្រុសរបស់ខ្ញុំលេងនៅ Real Madrid ។"
ជាក់ស្តែង! សម្ដីប៉ុន្មានឃ្លានេះ ធ្វើឲ្យលោក Sir Alex មិនសប្បាយចិត្តទេហើយពេលនោះ Real Madrid យកសំណើទិញ Ronaldo មកដល់អង់គ្លេសទាំងភ្នែកសេក ភ្នែកលកក ដោយអង្គុយនិយាយកិច្ចព្រមព្រៀងទាំងមិនស្រួលចិត្ត។ បូករួមទាំងការមិនសប្បាយចិត្តផងលោកតាបានជិះយន្តហោះទៅព័រទុយហ្កាល់ដើម្បីកាត់ផ្តាច់ការដេញថ្លៃរបស់ Real Madrid ដោយផ្ទាល់។
វាមិនគ្រាន់តែអំពីការបាត់បង់ Ronaldo នោះទេ វានិយាយអំពីលក្ខណៈមួយដែលរឿងទាំងអស់បានកើតឡើង ហើយការពិតន៉ោះគឺថា លោក Sir Alex មិនចង់ចាញ់ក្នុងសមរភូមិមួយនោះទេ។
ជាលទ្ធផល! គាត់បានទាក់ទងក្លិប FC Barcelona ដើម្បីនិយាយអំពីការព្រមព្រៀងផ្ទេរ Ronaldo ទៅទឹកដីកាតាឡាន់ ប៉ុន្តែទីបំផុត Cristiano បានចូលរួមជាមួយ ស្ដេចសទៅហើយ។ ហើយអ្វីដែលនៅសល់មកដល់ពេលនេះគឺជាប្រវត្តិសាស្ត្រ!
ព័ត៌មានថ្មីៗ
