តេស្ត: ស្វែងយល់ពីម៉ូតសក់ប្រចាំថ្ងៃរបស់អ្នក បង្ហាញអំពីចរិតលក្ខណៈរបស់អ្នក
សូមជ្រើសរើសម៉ូតសក់ដែលអ្នកចូលចិត្តធ្វើជារៀងរាល់ថ្ងៃ។ ហេតុអ្វីបានជាអ្នកចូលចិត្តតុបតែងម៉ូតសក់បែបនេះ? តើអ្នកធ្លាប់បានគិតអំពីចំណូលចិត្តរបស់អ្នកផ្តល់ឱ្យរាងកាយរបស់អ្នកដែលនាំឱ្យវាដើរតាមវិធីណាមួយដែរឬទេ? របៀបដែលរាងកាយរបស់អ្នកមានឥរិយាបទនៅក្នុងស្ថានភាពជាក់លាក់ ឬជាទូទៅត្រូវបានគេហៅថាភាសារាងកាយ។ យោងតាមអ្នកជំនាញផ្នែកភាសារាងកាយបានធ្វើការបង្ហាញនៅក្នុងអត្ថបទទនេះស្តីពីចំណូលចិត្តតុបតែងម៉ូតសក់។
ចំណូលចិត្តនៃការធ្វើម៉ូតសក់របស់អ្នកអាចបង្ហាញថាអ្នកជាមនុស្សប្រភេទណា។ ម៉ូតសក់ដែលអ្នកតុបតែងរាល់ថ្ងៃគឺពិតជាកញ្ចក់ដែលអាចឆ្លុះបញ្ជាំងនៃបុគ្គលិកលក្ខណៈរបស់អ្នក។ នេះគឺជាស្ទីលជាក់លាក់ដែលមនុស្សបានតុបតែងសក់ និងអ្វីដែលវាអាចប្រាប់អំពីបុគ្គលិកលក្ខណៈរបស់អ្នក។
១. ម៉ូតសក់ទី១
អ្នកជាមនុស្សដែលគិតប្រយោជន៍អ្នកដទៃសំខាន់ជាងខ្លួនឯង។ អ្នកតែងតែជួយឈឺឆ្អាល និងយកអាសាគេ ទោះបីពេលខ្លះ វាមិនបានផ្ដល់ផលប្រយោជន៍ដល់អ្នក ឬនាំទុក្ខដល់អ្នកខ្លះក៏ដោយ។ ម្យ៉ាងទៀត អ្នកជាមនុស្សដែលចូលចិត្តរៀនសូត្រអ្វីថ្មីៗ និងចង់ចេះចង់ដឹង ជាជាងនៅកំណត់ខ្លួនឯងត្រឹមកម្រិតណាមួយ។
អ្នកជាមនុស្សដែលមានថាមពល តែមិនសូវចេះអត់ធ្មត់។ ពេលខ្លះអ្នកគួរតែមើលមនុស្សឱ្យបានល្អិតល្អន់ជាងនេះបន្តិច ព្រោះអាចមានមនុស្សមួយចំនួនដែលចាំកេងចំណេញពីអ្នក ដោយសារតែសន្ដានចិត្តដ៏ល្អរបស់អ្នកនេះហើយ។
២. ម៉ូតសក់ទី២
អ្នកជាមនុស្សពូកែច្នៃប្រតិដ្ឋខ្ពស់។ អ្នករួសរាយ និងជាទីទាក់ទាញសម្រាប់មនុស្សនៅជុំវិញខ្លួន។ គ្រប់គ្នាដែលបានស្គាល់អ្នក តែងស្រលាញ់អ្នកដោយសារ ភាពស្មោះត្រង់ ដឹងខុសដឹងត្រូវ ដឹងចាស់ដឹងទុំរបស់អ្នក និងជាមនុស្សដែលមានជំនឿចិត្តលើខ្លួនឯង។ ក្រៅពីនេះ អ្នកជាមនុស្សឆ្លាត ប៉ុន្តែពេលខ្លះ ភាពភ័យខ្លាចបរាជ័យបានធ្វើឱ្យអ្នកស្ទាក់ស្ទើរមិនហ៊ានសម្រេចចិត្តការងារមួយចំនួន ដែលអាចបណ្ដាលឱ្យមានវិប្បដិសារីខ្លះដែរ។
ជាទូទៅ អ្នកតែងចង់បានការលើកទឹកចិត្ត និងការសរសើរដើម្បីបន្តការសម្រេចចិត្ត និងការធ្វើអ្វីមួយឱ្យបានល្អប្រសើរជាងនេះ ហើយវាក៏អាចទៅរួចដែរ ដែលនៅជុំវិញខ្លួនអ្នក អាចមានមនុស្សច្រណែន ឈ្នានីសនឹងជោគជ័យដែលអ្នកទទួលបាន។
៣. ម៉ូតសក់ទី៣
អ្នកជាមនុស្សដែលអ្នកណាក៏លង់ស្រឡាញ់ ព្រោះមន្តស្នេហ៍ពីធម្មជាតិរបស់អ្នក។ ការពិតអ្នកជាមនុស្សឆ្លាត និងពូកែនិយាយ ប៉ុន្តែភាគច្រើនចូលចិត្តអៀនប្រៀន ដែលធ្វើឱ្យអ្នកមិនសូវស្គាល់អ្នក គិតថា អ្នកជាមនុស្សឆ្មើងឆ្មៃ និងមិនសូវហ៊ានមកលេងសើចជាមួយ។
អ្នកជាមនុស្សដែលមានទស្សនវិស័យច្បាស់លាស់ ហើយមនុស្សជំនិតនឹងអ្នកតែងមានអារម្មណ៍កក់ក្ដៅ ពេលនៅក្បែរអ្នក។ ប៉ុន្តែពេលខ្លះ អ្នកក៏អាចមានអារម្មណ៍គ្មានទំនុកចិត្តក្នុងការចាប់ផ្ដើមទំនាក់ទំនងជាមួយអ្នកថ្មី ឬចូលរួមក្រុមថ្មីជាមួយគេជាដើម។
៤. ម៉ូតសក់ទី៤
អ្នកគឺជាមនុស្សដែលមានឫកពាល្អនិងស្អាតហើយខណៈដែលអ្នកយកចិត្តទុកដាក់អំពីទ្រព្យសម្បត្តិរបស់អ្នក អ្នកក៏យកចិត្តទុកដាក់ចំពោះអ្នកដែលនៅជុំវិញអ្នកផងដែរ។ អ្នកមិនចូលចិត្តចំណាយពេលឱ្យអត់ប្រយោជន៍ ហើយបើអ្នកមានមិនប្រើអ្វីឱ្យខ្ជះខ្ជាយនោះទេ។
អ្នកជាមនុស្សខិតខំធ្វើការ ហើយអ្នកធ្វើការបានយ៉ាងល្អ ទាំងនេះមានន័យថាមនុស្សដទៃទៀតអាចពឹងពាក់លើអ្នកបាន។ លើសពីនេះទៀតអ្នកចូលចិត្តរៀបចំផ្ទះរបស់អ្នកឱ្យស្អាតជានិច្ច ហើយជីវិតរបស់អ្នកក៏មានការរៀបចំបានល្អដែរ។
តើម៉ូតសក់ដែលអ្នកតុបតែងរាល់ថ្ងៃបានបង្ហាញត្រឹមត្រូវចំពោះអ្នកឬទេ? ទុកមតិរបស់អ្នកនៅក្នុងមតិយោបល់ខាងក្រោម និងស៊ែរចែករំលែកផង៕
ប្រែសម្រួល៖ ក្នុងស្រុក
ប្រភព៖ BetterMe
ព័ត៌មានថ្មីៗ
