ទស្សន៍ទាយសន្លឹកបៀរ! ព្យាករណ៍ព្រឹត្តិការណ៍ នៃអនាគតរបស់អ្នក
ជ្រើសរើសសន្លឹកបៀរមួយសន្លឹក ដើម្បីដឹងពីព្រឹត្តិការណ៍សង្ខេបនៃអនាគតរបស់អ្នក។
1. កាត - គូរាំ
ព្រឹត្តិការណ៍ស្នេហា និងរីករាយកំពុងរង់ចាំអ្នក។ ប្រហែលមនុស្សជាទីស្រឡាញ់របស់អ្នកនឹងផ្គាប់ចិត្តអ្នកដោយការភ្ញាក់ផ្អើលយ៉ាងខ្លាំង! បរិយាកាសនឹងកាន់តែងប់ងល់ហើយស្នេហារបស់អ្នកនឹងកាន់តែកើនឡើង។
ប្រសិនបើអ្នកនៅលីវ វាគឺជាពេលវេលាដ៏ល្អឥតខ្ចោះ ដើម្បីចូលរួមយ៉ាងខ្លាំងជាមួយនរណាម្នាក់! អ្នកនឹងមានឱកាសបានជួបមនុស្សដែលអ្នកពេញចិត្ត។
2. កាត - ទៀនពណ៌ស
សង្សារពីអតីតកាលរបស់អ្នកកំពុងរង់ចាំអ្នក។ ប្រហែលជានេះគឺជាមនុស្សដែលអ្នកធ្លាប់មានទំនាក់ទំនងជាក់លាក់ ឬព័ត៌មានថ្មីខ្លះអំពីអ្វីដែលបានកើតឡើងពីមុន។
3. កាត - ហិប
ព្រឹត្តិការណ៍ហិរញ្ញវត្ថុកំពុងរង់ចាំអ្នក។ អ្នកនឹងអាចមានឱកាសឈ្នះរង្វាន់ ឬឆ្នោត ដោយទទួលបាននូវលុយកាក់យ៉ាងគាប់ចិត្ត វាក៏ជារឿងដែលអ្នកមិនធ្លាប់នឹងគិតផងដែរ។
4. កាត - ផ្កាកុលាបក្រហម
ព្រឹត្តិការណ៍គួរឱ្យរំភើប និងស្រស់ស្អាតនៅក្នុងជីវិតផ្ទាល់ខ្លួនរបស់អ្នកកំពុងរង់ចាំអ្នក។ ប្រហែលជាអ្នកនឹងលង់ស្រលាញ់ខ្លួនឯង ហើយបង្កើនការគោរពខ្លួនឯងកាន់តែច្រើន។ រីករាយក្នុងការស្រឡាញ់ និងមានអារម្មណ៍ល្អ ហើយមើលថែខ្លួនឯងឱ្យបានច្រើន។
5. កាត - បក្សី
អ្នកនឹងទទួលបានដំណឹងដែលធ្វើឱ្យអ្នកភ្ញាក់ផ្អើល។ វាអាចជាដំណឹងដែលសំដៅទៅលើមនុស្សដែលអ្នកស្គាល់។ ក្នុងករណីណាក៏ដោយដំណឹងនេះនឹងមិននឹកស្មានដល់សម្រាប់អ្នក។
កុំបារម្ភគ្មានអ្វីត្រូវខ្លាចទេ។ ជីវិតរបស់អ្នកនឹងទៅជាល្អប្រសើរ ហើយអ្នកនឹងមានសំណាងតាមរបៀបជាច្រើន!
6. កាត - ព្រិលទឹកកក
អ្នកត្រូវឈប់សម្រាកពីទម្លាប់របស់អ្នក។ អ្នកមានអារម្មណ៍ធុញទ្រាន់ ប្រហែលជាអ្នកមានបញ្ហាក្នុងមុខជំនួញ ឬទំនាក់ទំនងដែលអ្នកមិនពេញចិត្ត។ តាមវិធីណាក៏ដោយវានឹងច្បាស់ចំពោះអ្នកពេលក្រោយ។
7. កាត - ស្ពាន
រំពឹងថានឹងមានការផ្លាស់ប្តូរដ៏ធំនៅក្នុងជីវិតរបស់អ្នក។ នៅពេលអនាគតឆាប់ៗនេះ ការផ្លាស់ប្តូរកំពុងរង់ចាំអ្នក ប៉ុន្តែកុំព្យាយាមចៀសវាង ឬគេចពីវាអី។ វាអាចជាការរីករាយ ឬស្មុគស្មាញបន្តិច ពេលវេលានឹងប្រាប់ ប៉ុន្តែវាមិនទំនងជាការផ្លាស់ប្តូរអាចត្រូវបានចៀសវាងទេ។
8. កាត - ព្រះសង្ឃ
វានឹងមានព្រឹត្តិការណ៍ដែលវានឹងចាំបាច់ដើម្បីបង្ហាញការអត់ធ្មត់។ កុំលោតទៅការសន្និដ្ឋាន និងសកម្មភាព។ នៅពេលមានការលំបាកណាមួយកើតឡើង សូមរក្សាភាពស្ងប់ស្ងាត់ ភាពអស់សង្ឃឹមនឹងមិនអាចដោះស្រាយបានទាល់តែសោះ៕
ប្រភព ៖ Namastest /ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
