ក្រុមហ៊ុន Riot Games ប្រចាំតំបន់អាស៊ីអាគ្នេយ៍ ប្រកាសកម្មវិធីប្រកួតលេងហ្គេម League of Legends: Wild Rift Pentaboom Showdown ដើម្បីសប្បុរសធម៌
ថ្ងៃទី២៣ ខែវិច្ឆិកា, សឹង្ហបុរី៖ ក្រុមហ៊ុន Riot Games Southeast Asia កំពុងបង្កើនការវិនិយោគ លើសកម្មភាពផ្សេងៗតាមរយៈការបើកដំណើរការ Regional Open Beta ប្រចាំតំបន់របស់ហ្គេម League of Legends: Wild Rift ខណៈដែលក្រុមហ៊ុនដែលផ្ដោតលើអ្នកលេងហ្គេមមួយនេះ បានប្រកាសកម្មវិធីប្រកួតហ្គេម League of Legends: Wild Rift Southeast Asia Pentaboom Showdown ដែលនឹងប្រព្រឹត្តឡើងនៅថ្ងៃទី ១២ ដល់១៣ ខែធ្នូ វេលាម៉ោង ១១ ព្រឹក (GMT +7)។
រៀបចំឡើងដោយក្រុមហ៊ុនរៀបចំព្រឹត្តិការណ៍ប្រកួតផ្លូវការ IO Esports ហ្គេម League of Legends: Wild Rift Southeast Asia Pentaboom Showdown នឹងមានការចូលរួមពីអ្នកលេងហ្គេមល្បីៗដែលលេចធ្លោចំនួនក្រុម ៨ មកពីប្រទេស កម្ពុជា ឥណ្ឌូនេស៊ី ហ្វីលីពីន ម៉ាឡេស៊ី មីយ៉ាន់ម៉ា សឹង្ហបុរី ថៃ និងវៀតណាម។
រាប់ចាប់ពីការលេងដែលពោរពេញដោយតិចនិច ស្នៀតពិសេសក្នុងសមរភូមិដ៏ក្ដៅគគុក ឈុតឆាកប្រយុទ្ធដ៏រន្ធត់ រហូតដល់ការលួចយក Baron ពីគូប្រកួត អ្នកលេងហ្គេមនិងអ្នកគាំទ្រហ្គេម Wild Rift អាចទន្ទឹងរង់ចាំទស្សនាអ្នកលេងហ្គេមដែលពួកគេចូលចិត្ត ដែលបញ្ចេញជំនាញរបស់ខ្លួន និងលើកមេដៃគាំទ្រពួកគេដែលបង្ហាញពីការសាមគ្គីគ្នាជាក្រុមតែមួយ ដើម្បីយកឈ្នះក្រុមផ្សេងទៀត ដែលសកម្មភាពទាំងអស់នេះគឺធ្វើឡើងសម្រាប់បុព្វហេតុសប្បុរសធម៌។
ទាក់ទងទៅនឹងការប្រកួតនេះ ក្រុមហ៊ុន Riot Games Southeast Asia នឹងបរិច្ចាកថវិកាចំនួន ៦០.០០០ដុល្លារអាមេរិកជូនដល់អង្គការនានា ដូចជាអង្គការ Red Cross Singapore (នៅកម្ពុជា ឥណ្ឌូនេស៊ី មីយ៉ាន់ម៉ា វៀតណាម) អង្គការ Openminds Project (នៅប្រទេសថៃ) អង្គការ Beyond Social Services (នៅសឹង្ហបុរី) អង្គការ Passerelles Numeriques (នៅហ្វីលីពីន កម្ពុជា និងវៀតណាម) និងអង្គការ Wing Melaka (នៅម៉ាឡេស៊ី)។ ក្រុមដែលចូលរួមប្រកួតនឹងមានឱកាសឈ្នះរង្វាន់ជាទឹកប្រាក់សរុប ចំនួន ៦៦.៥០០ដុល្លារអាមេរិក ដែលរង្វាន់នេះជាការឧបត្ថម្ភធំដោយ Razer និង Secretlab ព្រមទាំងទទួលបានឈ្មោះជាក្រុមខ្លាំងលំដាប់កំពូលសម្រាប់ហ្គេម WIld Rift នៅក្នុងតំបន់ ផងដែរ។
លោក Justin Hulog ប្រធានគ្រប់គ្រងទូទៅរបស់ក្រុមហ៊ុន RIOT GAME ប្រចាំអាស៊ីអាគ្នេយ៍ ហុងកុង កោះតៃវ៉ាន់ និងទីក្រុងម៉ាកាវ បានថ្លែងថា៖ “ឆ្លងកាត់ពេលវេលាដ៏យូរក្នុងការផលិតហ្គេមនេះ យើងមានសេចក្ដីសោមន្សជម្រាបជូនថា ហ្គេម League of Legends: Wild Rift ឥឡូវនេះបានបើកដំណើរការសម្រាប់អ្នកលេងហ្គេមទាំងអស់នៅក្នុងតំបន់អាស៊ីអាគ្នេយ៍នេះហើយ។ ជាមួយនឹងការប្រកួតដើម្បីសប្បុរសធម៌នេះ ពួកយើងចង់បញ្ចប់ឆ្នាំ២០២០ ដោយរីករាយជាមួយនឹងការផ្តល់ជូនត្រលប់ទៅសង្គមវិញ និងផ្តល់ជូនភាពសប្បាយរីករាយ និងការកម្សាន្តដល់អ្នកលេងហ្គេមរបស់យើង តាមរយៈការប្រកួតរបស់អ្នកលេងហ្គេមដែលពួកគេចូលចិត្តមកពីទូទាំងតំបន់”។
ការប្រកួតលេងហ្គេម The Wild Rift Southeast Asia Pentaboom Showdown នេះ នឹងផ្សាយបន្តផ្ទាល់ជាភាសាបាហាសាឥណ្ឌូនេស៊ី ភាសាបាហាសាម៉ាឡេស៊ី ភាសាភូមា ភាសាអង់គ្លេស ភាសាខ្មែរ ភាសាតាហ្គាឡុករបស់ហ្វីលីពីន ភាសាថៃ និងភាសាវៀតណាម នៅលើបណ្តាញទំនាក់ទំនងសង្គម Facebook, Youtube និង Twitch។ អ្នកលេងហ្គេមលេចធ្លោទាំងនេះរួមមាន៖
Chea Gaming, Henaa Gaming, Prom Official ML និង T26.haha មកពីប្រទេសកម្ពុជា
Cindy Gullla, Dylan PROS, GOGOGOY, Jess No Limit និង VY Gaming មកពីប្រទេសឥណ្ឌូនេស៊ី
Fredo Sameon, Harris Annuar, Ismail Izzani, Soloz និង XK Penjahat មកពីប្រទេសម៉ាឡេស៊ី
Ace Gaming, GuGu, I C E I C E, Original Matt Channel និង NX Live មកពីប្រទេសមីយ៉ាន់ម៉ា
Alodia Gosiengfiao, Ashley Gosiengfiao, Dexie Diaz, James Reid និង Megan Young មកពីប្រទេសហ្វីលីពីន
Danial Ron (TITAN GAMERS), Nathan Hartono, Ryan Tan (Night Owl Cinematics), Sezairi និង Vincent Sin (TITAN GAMERS) មកប្រទេសសឹង្ហបុរី
Basgamer, Dx Channel, Frozenkiss, JAI RAW និង May Pitchanart មកពីប្រទេសថៃ។
ADN Đấng YM, Be Chanh Gaming, Milona, Misthy និង Msuong មកពីប្រទេសវៀតណាម
ហ្គេម League of Legends: WIld Rift គឺជាប្រភេទហ្គេម MOBA ដែលផ្អែកលើជំនាញ និងយុទ្ធសាស្រ្ត បែបលេង ៥នាក់ទល់នឹង ៥នាក់ ដែលមានបទពិសោធន៍ចេញពីហ្គេម League of Legends ដ៏ល្បីល្បាញដែលត្រូវបានផលិតឡើងសម្រាប់លេងជាមួយឧបករណ៍ចល័ត Mobile និងម៉ាស៊ីនលេងហ្គេម Console។ ជាមួយការបញ្ជាបែបថ្មី និងជាហ្គេមងាយស្រួលក្នុងការលេង អ្នកលេងហ្គេមគ្រប់កម្រិត អាចលេងកម្សាន្តជាក្រុមបានជាមួយមិត្តភក្តិ បង្កើតពានរង្វាន់ និងឈានទៅការលេងកម្រិតកំពូល។
សម្រាប់ព័ត៌មានបន្ថែមអំពីអ្នកចូលរួមប្រកួត និងតារាងប្រព័ន្ធផ្សាយបន្តផ្ទាល់ការប្រកួត សូមចូលទៅកាន់គេហទំព័រ http://www.WildRiftPentaboom.com/
ព័ត៌មានថ្មីៗ
