របៀបនៃអ្នករុំកន្សែងបង់ក នឹងបង្ហាញពីបញ្ហាដែលបណ្ដាលឱ្យអ្នកមានអារម្មណ៍មិនស្រណុកចិត្ត
តើរបៀបមួយណាដែលជាទម្លាប់ដែលអ្នករុំកកន្សែង ឬក្រមា នឹងបង្ហាញពីបញ្ហាដែលបណ្ដាលឱ្យអ្នកមានអារម្មណ៍អសន្តិសុខនៅក្នុងចិត្ត?
1. អារម្មណ៍ព្រួយបារម្ភគ្មាននរណាស្រឡាញ់
អ្នកគឺជាមនុស្សងាយរងគ្រោះខាងផ្លូវចិត្តណាស់។ នៅពេលដែលអ្នកឯកកោដោយគ្មាននរណាម្នាក់ពឹងផ្អែក ឬយកចិត្តទុកដាក់ អ្នកនឹងមានអារម្មណ៍ថាពិភពលោកកំពុងតែត្រូវបំផ្លាញ។ អ្នកពិតជាទន់ខ្សោយ និងផុយស្រួយ តែងតែត្រូវការការគាំទ្រខាងផ្លូវចិត្តពីនរណាម្នាក់ អ្នកចង់ឱ្យគេជាមួយអ្នកដើម្បីលើកទឹកចិត្ត ផ្ដល់កម្លាំងចិត្ត និងលួងលោម។ ដើម្បីធ្វើឱ្យអារម្មណ៍ និងអសន្តិសុខរបស់អ្នកប្រសើរឡើង អ្នកគួរតែប្រើសម្លៀកបំពាក់ម៉ាត់ម៉ោលភ្លឺដូចជាការសង្កត់សំឡេង នេះក៏នឹងជួយអ្នកបង្កើនការអាណិតអាសូរចំពោះមនុស្សម្នាក់ទៀតនៅពេលអ្នកជួប និងជួយអ្នកឱ្យមានចំណាប់អារម្មណ៍ខ្លាំងលើពួកគេ និងជួយសម្រួលដល់ទំនាក់ទំនងផ្ទាល់ខ្លួនផងដែរ។ អ្នកក៏គួរប្រើសំឡេងធ្ងន់ តែបែបស្រទន់ដើម្បីរម្ងាប់អារម្មណ៍ និងស្មារតីរបស់អ្នក។
2. អសន្តិសុខនៅកន្លែងធ្វើការ
អ្នកគឺជាអ្នកធ្វើការម្នាក់តែងតែចង់ទទួលបានការបញ្ជាក់ពីអ្នកដទៃ។ អ្នកប្រាថ្នាចង់បញ្ចាំងពន្លឺជោគជ័យ និងក្លាយជាអ្នកឈ្នះលើការប្រណាំងប្រជែងផ្សេងៗ។ មិនថាអ្នកហត់នឿយយ៉ាងណាក៏ដោយ អ្នកមិនសោកសៅនៅតែត្រៀមខ្លួនបន្តមហិច្ឆតារបស់អ្នក។ អ្នកអាចទ្រាំទ្របាននូវបន្ទុកជាច្រើន បន្ទុកការងារគ្រាន់តែត្រូវប្តេជ្ញាបង្ហាញសមត្ថភាពរបស់អ្នកតែប៉ុណ្ណោះ។ ទោះយ៉ាងណា វិថីអាជីពរបស់អ្នកពិតជាលំបាក និងតានតឹងខ្លាំង។ លើសពីនេះទៅទៀត អ្នកក៏ជួបប្រទះនឹងគូប្រជែង និង“ មនុស្សអាក្រក់” រាប់មិនអស់នៅក្នុងជំហានរបស់អ្នកផងដែរ។ នេះធ្វើឱ្យអសន្តិសុខរបស់អ្នកកើនឡើងច្រើនដងវាមិនអាចលុបចោលបានទេ។
3. មិនមានសុវត្ថិភាពអំពីទំនាក់ទំនងផ្ទាល់ខ្លួន
អ្នកជាមនុស្សម្នាក់ដែលចូលចិត្តធ្វើជាចំណុចកណ្តាលនៃការយកចិត្តទុកដាក់ ចូលចិត្តទទួលបានការកោតសរសើរ និងអះអាងខ្លួនឯងនៅក្នុងហ្វូងមនុស្ស។ អ្នកចង់មានមនុស្សជាច្រើនដែលស្រឡាញ់អ្នក ខ្វាយខ្វល់ចំពោះអ្នក។ ប៉ុន្តែអ្នកខ្លួនអ្នកមានស្មុគស្មាញខ្លាំង ហើយអ្នកក៏មិនជឿលើភាពទាក់ទាញរបស់ខ្លួនឯងដែរ។ ហេតុដូច្នេះហើយអ្នកតែងតែស្ថិតក្នុងស្ថានភាពអសន្តិសុខនៅពេលប្រាស្រ័យទាក់ទង ព្រោះអ្នកតែងតែចង់ឱ្យអ្នកផ្សេងយកចិត្តទុកដាក់ជាពិសេសចំពោះអ្នក តែអ្នកខ្លួនឯងមិនដឹងពីរបៀបបញ្ចេញពន្លឺតាមបែបធម្មជាតិទេតែបែរជាតែងតែបង្ហាញនូវអារម្មណ៍នៃភាពមិនស្មោះត្រង់ និងការបង្ខំអ្នកជុំវិញខ្លួនទៅវិញ។
4. អសន្ដិសុខរឿងលុយ / ចង់គ្រប់គ្រងអ្វីៗគ្រប់យ៉ាង
អ្នកមានអារម្មណ៍ថាគ្មានលុយគឺជាសំណាងអាក្រក់ដ៏ធំមួយនៅក្នុងពិភពលោកនេះ។ បើគ្មានលុយអ្នកមិនអាចធ្វើអ្វីបានទេ ព្រោះសម្រាប់អ្នកលុយគឺជារឿងសំខាន់បំផុត។ ដូច្នេះអ្នកតែងតែស្ថិតក្នុងស្ថានភាពអសន្តិសុខ ការថប់បារម្ភផ្នែកហិរញ្ញវត្ថុ។ អ្នកប្រញាប់រកលុយយ៉ាងខ្លាំង ប៉ុន្តែមិនដឹងពីរបៀបចំណាយ និងគ្រប់គ្រងលុយរបស់អ្នកឱ្យបានត្រឹមត្រូវ។ ជីវិតរបស់អ្នកក៏មានសម្ពាធ និងធ្លាក់ទឹកចិត្តច្រើនដែរ ដែលបង្ខំឱ្យអ្នកគិតពីរបៀបរកលុយឱ្យបានច្រើន។ អ្នកចង់រកលុយតែថាមពលរបស់អ្នកនៅមានកម្រិតនៅឡើយ។ ដូច្នេះអ្នកពិតជាធុញថប់ ស្មុគស្មាញនឹងបញ្ហានេះមិនអាចរកដំណោះស្រាយបានទេ៕
ប្រភព ៖ iOne / ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
