គួរឱ្យសរសើរ តារាល្បី និងជាថៅកែវ័យក្មេង កញ្ញា ស៊ីន យូប៊ីន នាំយកថវិកា ៣៣លានរៀល ដែលបានដក ៥០០រៀល ពីការលក់ភេសជ្ជៈ Fire Tiger ក្នុង១កែវ ទៅជូនមន្ទីរពេទ្យគន្ធបុប្ផា
ដូចយើងបានដឹងហើយថា កញ្ញា ស៊ីន យូប៊ីន មិនត្រឹមតែជាតារាល្បីដែលមានសម្រស់ស្រស់ស្អាត មានសមត្ថភាព និងមានកេរ្តិ៍ឈ្មោះរន្ទឺក្នុងពិភពសិល្បៈ កញ្ញា ក៏ទទួលបានជោគជ័យមិនធម្មតាក្លាយជាស្ត្រីអ្នកជំនួញទាំងវ័យក្មេង ក្លាយជាម្ចាស់ប្រេនដែលនាំផ្តាច់មុខតែគុជលំដាប់ Premium Fire Tiger មកកាន់ប្រទេសកម្ពុជា ដែលល្បីថាមានរសជាតិឆ្ងាញ់ពិសេសជាប់មាត់ ថែមទាំងបានចាប់ដៃគូសហការ រវាងប្រ៊េន NACECA និង SHIN YUBIN សម្រេចបានជាផលិតផលសាប៊ូកក់សក់ថ្មី មានឈ្មោះថា SUPPLE ជាប្រេនផ្ទាល់ខ្លួនផងដែរ។
បើទោះបីមមាញឹកនឹកការងារសិល្បៈ និងមុខជំនួញ យ៉ាងណាក្តី តែតារាស្រីដែលល្បីថាតែងតែធ្វើកិច្ចការសង្គម និងកម្មវិធីសប្បុរសធម៌ កញ្ញា ស៊ីន យូប៊ីន មិនដែលបំភ្លេចអំពើសប្បុរសធម៌មួយនេះឡើយ ដោយថ្មីៗនេះកញ្ញា ស៊ីន យូប៊ីន និងក្រុមការងារ Fire Tiger Cambodia បាននាំយកទឹកប្រាក់ចំនួន 33,000,000រៀល ដែលបានមកពីការដក ៥00រៀលក្នុង១កែវរបស់ Fire Tiger ក្នុងខែកញ្ញានេះ យកមកជូនដល់មន្ទីពេទ្យគន្ធបុប្ផាទៀតផង ដែលថវិកានេះគឺជាការរួមចំណែករបស់អតិថិជន Fire Tiger Cambodia តែម្តង។
គួរឱ្យដឹងផងដែរថា «យុទ្ធនាការ ៥០០ រៀល ដើម្បីគន្ធបុប្ផា» របស់កញ្ញា ស៊ីន យូប៊ីន សម្រាប់ភេសជ្ជៈប្រេនលំដាប់ Premium Fire TIger មួយនេះ ធ្វើឡើងក្នុងគោលបំណងរំឭកដល់ខួបនៃការទទួលមរណភាព របស់លោកវេជ្ជបណ្ឌិត Beat Richner ស្ថាបនិកនៃមន្ទីរពេទ្យគន្ធបុប្ផា ដែលលោកធ្លាប់បានលះបង់ពេលវេលាសឹងតែពេញមួយជីវិត ដើម្បីស្នាមញញឹមកុមារកម្ពុជា តាមរយៈការបង្កើតឱ្យមានមន្ទីរពេទ្យគន្ធបុប្ផា ហើយផ្ដល់ជូនការព្យាបាលឥតគិតថ្លៃដល់កុមារកម្ពុជាគ្រប់រូប៕
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
