យោងតាមការសិក្សាបង្ហាញថា អ្នកពាក់អាវខ្មៅ គឺជាមនុស្សឆ្លាតវៃ ទាក់ទាញ និងមានទំនុកចិត្ត!

2020-06-24

ប្រសិនបើអ្នកពាក់ពណ៌ខ្មៅមើលទៅស្គម អ្នកនឹងភ្ញាក់ផ្អើលនៅពេលដឹងថាវាមានគុណប្រយោជន៍កាន់តែច្រើន! យោងតាម អ្នកស្រាវជ្រាវ ដែលបានសាកសួរមនុស្សជាង ១.០០០ នាក់ទាក់ទងទៅនឹងការស្លៀកពាក់ប្រភេទពណ៌របស់ពួកគេដែលមានពណ៌ខុសៗគ្នា ហើយការស្លៀកពាក់ពណ៌ខ្មៅអាចបន្ថែមនូវទំនុកចិត្ត ភាពទាក់ទាញ និងភាពវៃឆ្លាត។

ពណ៌ខ្មៅត្រូវបានផ្សារភ្ជាប់ជាមួយនឹងភាពវៃឆ្លាត

ការស្ទង់មតិនេះធ្វើឡើងដោយក្រុមហ៊ុន Buytshirtsonline ដែលជាក្រុមហ៊ុនផ្គត់ផ្គង់ដែលមានមូលដ្ឋាននៅប្រទេសអង់គ្លេស។ ក្រុមអ្នកស្រាវជ្រាវបានបង្ហាញថាអ្នកចូលរួមក្នុងការស្ទង់មតិដែលមានរូបថតប្រហាក់ប្រហែលនឹងមនុស្សភេទផ្ទុយគ្នា រឿងតែមួយត្រូវបានផ្លាស់ប្តូរគឺអាវខ្មៅរបស់ពួកគេ។

ការសិក្សា“ ការចូលចិត្តពណ៌” បានស្នើឱ្យអ្នកចូលរួមចែកចាយនូវពណ៌អ្វីដែលទាក់ទងនឹងចរិតលក្ខណៈជាក់លាក់នៅក្នុងគំនិតរបស់ពួកគេ។ ពណ៌ខ្មៅបាននាំមុខគេ (ឬចំណាត់ថ្នាក់ទីពីរក្នុងករណីតិចតួចបំផុត) ក្នុងគ្រប់ប្រភេទវិជ្ជមានដូចជាភាពស៊ិចស៊ី គួរឱ្យទុកចិត្ត និងភាពវៃឆ្លាត។

យោងទៅតាមការស្រាវជ្រាវ បានបង្ហាញថាពណ៌ផ្កាឈូកត្រូវបានផ្សារភ្ជាប់នឹងន័យអវិជ្ជមាន។ មានតែអ្នកចូលរួម ៥% ប៉ុណ្ណោះដែលនិយាយថាមនុស្សឆ្លាតនឹងពាក់អាវពណ៌ផ្កាឈូក។ បន្ទាប់ពីពណ៌ខ្មៅមនុស្សក៏បានជ្រើសយកពណ៌ខៀវ ស និងបៃតង ជាសញ្ញាសម្គាល់នៃភាពវៃឆ្លាត។

ពណ៌ខ្មៅគឺល្អឥតខ្ចោះចំពោះការបង្កើតចំណាប់អារម្មណ៍លើកដំបូង

វាក៏ត្រូវបានគេសិក្សាឃើញថាពណ៌ខ្មៅគឺជាពណ៌ដ៏ល្អឥតខ្ចោះក្នុងការស្លៀកពាក់នៅពេលដែលអ្នកព្យាយាមធ្វើឱ្យអ្នកណាម្នាក់ចាប់អារម្មណ៍លើអ្នក។ លើសពីនេះទៀតស្ត្រីចំនួន ៦៦% គិតថាខ្មៅគឺជាពណ៌ដែលទាក់ទាញបំផុតសម្រាប់បុរសហើយ បុរស ៤៨% ចូលចិត្តស្រ្តីស្លៀកពាក់ពណ៌ខ្មៅ។

ពណ៌ទឹកក្រូច និងពណ៌លឿងជាពណ៌មិនជំរុញទំនុកចិត្ត

ម៉្យាងទៀតពណ៌ដែលស្ទើរតែមិនទាក់ទងនឹងទំនុកចិត្ត ភាពទាក់ទាញ និងភាពវៃឆ្លាត គឺពណ៌ទឹកក្រូច លឿង បៃតង និងពណ៌ត្នោត។ តាមពិតពណ៌ទឹកក្រូចគឺជាពណ៌ចុងក្រោយគេដែលមនុស្សបានកំណត់ថាជាពណ៌ដែលមានទំនុកចិត្ត ដូចជាពណ៌ផ្កាឈូកត្រូវបានគេចាត់ទុកថាមិនមានភាពវៃឆ្លាត។

ពណ៌ខ្មៅនិងពណ៌ក្រហមគឺជាពណ៌ ២ ដែលសិចស៊ីបំផុត

ពណ៌ក្រហមនិងពណ៌ខ្មៅត្រូវបានគេចាត់ទុកថាជាពណ៌ដែលសិចស៊ីប៉ុន្តែពីមុនឡើយក៏ត្រូវបានគេសម្គាល់ជាសញ្ញានៃភាពក្រអឺតក្រទមផងដែរ។ នៅក្នុងការសន្និដ្ឋានពណ៌ខ្មៅតំណាងឱ្យលក្ខណៈវិជ្ជមាន (លើកលែងតែចិត្តទូលាយ) ហើយត្រូវបានគេលើកឡើងនៅពេលនិយាយអំពីលក្ខណៈអវិជ្ជមានដូចជាភាពក្រអឺតក្រទម។។ ដូច្នេះមនុស្សពាក់ពណ៌ខ្មៅមានទំនោរគិតវិជ្ជមានជាងមនុស្សពាក់ពណ៌ផ្សេងទៀត។

ម៉ូតដែលពេញនិយមល្បីល្បាញរបស់ Coco Chanel និយាយអំពីរ៉ូបពណ៌ខ្មៅដែលធ្វើឱ្យទូរព្យួរខោអាវរបស់ស្ត្រីគ្រប់រូបមានអត្ថន័យថ្មី បន្ទាប់ពីបានសិក្សាអំពីពណ៌នេះ!

ដូច្នេះប្រសិនបើអ្នកមិនមានសម្លៀកបំពាក់ពណ៌ខ្មៅនៅឡើយទេនៅក្នុងទូរព្យួរខោអាវរបស់អ្នក អ្នកប្រហែលជាចង់ពិចារណាទិញពាក់មិនខាន!

តើអ្នកចូលចិត្តពាក់ខោអាវពណ៌អ្វីដើម្បីឱ្យមានអារម្មណ៍ជឿជាក់លើខ្លួនឯងជាងមុន? តើអ្នកមានសម្លៀកបំពាក់ពណ៌ខ្មៅច្រើននៅក្នុងទូរខោអាវរបស់អ្នកទេ?

ប្រភព ៖ Brightside | អត្ថបទដោយ ៖ វីរៈ