សង្គ្រាមលោកលើកទី១៖ ទម្លាក់គ្រាប់ព្រួញពីលើយន្តហោះ មុនពេលរកឃើញវិធីសាស្រ្តទម្លាក់គ្រាប់បែក (មានវីដេអូ)
សង្គ្រាមលោកលើកទី ១ គឺជាពេលវេលាដ៏គួរឱ្យរន្ធត់មួយក្នុងការធ្វើជាទាហាននៅសមរភូមិជួរមុខ។ ប្រជាជាតិនានាបានប្រញាប់ប្រញាល់ក្នុងការអភិវឌ្ឍ និងអនុវត្តយ៉ាងឆាប់រហ័សនូវឧបករណ៍ថ្មី និងមានប្រសិទ្ធភាពបំផុតសម្រាប់បំផ្លាញសត្រូវ។ មុនពេលមានសង្គ្រាមកងទ័ពទាំងអស់ មិនដឹងពីការលទ្ធផលបំផ្លិចបំផ្លាញពិតប្រាកដ អំពីរថក្រោះ អ្នកបើកយន្តហោះចម្បាំង ឬការផ្ទុះធុងហ្គាសផ្សេងៗនោះទេ។ អ្វីដែលទាហានជំនាន់នោះស្គាល់ច្បាស់ជាងគេគឺកាំភ្លើង។
ទេ! វាមិនមែនដូចជាគ្រាប់ព្រួញដែលអ្នកធ្លាប់ឃើញដែលបាញ់ជាមួយធ្នូនោះទេ។ អាវុធទាំងនេះមានប្រវែងដូចខ្មៅដៃ ហើយវាបង្កគ្រោះជាងគ្រាប់ព្រួញធម្មតាទៅទៀត។ ព្រួញឬគ្រាប់ដែកទាំងនេះ បារាំងជាអ្នកបង្កើត ខណៈពួកគេត្រូវបានគេចាត់ទុកថាវាមានគ្រោះថ្នាក់ខ្លាំងបំផុត។អាវុធប្រភេទនេះបានបង្កការភ័យខ្លាចយ៉ាងខ្លាំងនៅក្នុងជួរកងទ័ពសត្រូវ ទោះបីជាគ្រាប់ប្រភេទនេះធ្លាក់កម្រមិនត្រូវមនុស្សក៏ដោយ ដោយសារពួកគេអាចបំផ្លាញគ្រប់យ៉ាងហើយបើត្រូវរបស់នេះធ្លាក់ចំ វិញវាធ្វើរបួស ស្លាប់សាហាវណាស់។
អាវុធនេះត្រូវបានបង្កើតឡើងនៅដំណាក់កាលដំបូងនៃសង្គ្រាមលោកលើកទី១ក្នុងឆ្នាំ ១៩១៥ នៅពេលដែលគ្រាប់បែកទម្លាក់ពីលើយន្តហោះមិនទាន់ត្រូវបានបង្កើតឡើង។ ព្រួញខ្លីនេះមានប្រវែងប្រាំអ៊ីញ និងមុតនៅចុងម្ខាងដោយកន្លះអ៊ីញហើយធ្ងន់គ្រាន់បើ។ ៤ អ៊ីញកន្លះដែលនៅសេសសល់ត្រូវបានគេផលិតដើម្បីឱ្យអាវុធមានផ្នែកឆកដូចអក្សរ“ X” ។ ព្រួញទាំងនោះត្រូវបានគេដាក់ក្នុងមួយប្រអប់ ៥០០ គ្រាប់ហើយដាក់ក្នុងប្រហោងកាប៊ីនយន្ដហោះ។
នៅពេលដែលអ្នកបើកយន្តហោះចង់ទម្លាក់ ពួកគេគាត់គ្រាន់តែទាញខ្សែរមួយពេលនៅពីលើក្រុមទាហានសត្រូវ។ យន្តហោះមួយអាចទម្លាក់បានរាប់លានគ្រាប់ បើគិតជាផ្ទៃដី៥០០ម៉ែត្រការ៉េ។
អ៊ីតាលីបានបង្កើតព្រួញព្រួញប្រភទនេះនៅមុនសង្រ្គាម ប៉ុន្តែមិនយូរប៉ុន្មានបណ្តាប្រទេសទាំងសងខាង បង្កើតហើយទម្លាក់លេណដ្ឋានរបស់ពួកគរទៅវិញទៅមុខ។ វាមានតំលៃថោកហើយងាយស្រួលធ្វើដែលនេះមានន័យថាពួកគេត្រូវបានប្រើប្រាស់ឥតឈប់ឈរ អ្នកបើកយន្តហោះមានអារម្មណ៍ថាធ្លាក់កម្រចំគោលដៅណាស់។
ម៉្យាងវិញទៀត! អាឡឺម៉ង់បានចាប់អារម្មណ៍យ៉ាងខ្លាំងទៅលើការប្រើប្រាស់ព្រួញលើកងទ័ពបារាំង។ ពួកគេផលិតជាច្រើនហើយយកទៅទម្លាក់លើកងទ័ពបារាំងដោយរឿងនេះមានអត្ថបទគេសរសេរថា បារាំងជាអ្នករកឃើញអាវុធប្រភេទនេះហើយអាល្លឺម៉ង់ជាអ្នកផលិត"invention Française, fabrication Allemande." ។
ព្រួញទម្លាក់ពីលើយន្តហោះនេះប្រើប្រាស់បានប៉ុន្មានខែដំបូងក្នុងសង្គ្រាមប៉ុណ្ណោះ នៅពេលការទម្លាក់គ្រាប់បែកត្រូវបានគេចាត់ទុកថាមានប្រសិទ្ធភាពជាង។ ប៉ុន្តែការរចនាព្រួញមុតស្រួចដែលត្រូវបានប្រើសម្រាប់សង្គ្រាមជំនាន់ក្រោយៗ ពិសេសក្នុងសង្គ្រាមវៀតណាមដឬលកងទ័ពយៀកកុងធ្វើជាអន្ទាក់ ឬអង្គប់ក្នុងព្រៃដូជជាចម្រូងក្នុងរណ្ដៅ ជាដើម៕
ព័ត៌មានថ្មីៗ
