ជ្រើសរើសឪឡឹកណាមួយ នឹងបញ្ជាក់ពីអត្តចរិតពិតរបស់អ្នក
១. ជ្រើសរើសរូបភាពទី១
បើអ្នកជ្រើសរើសរូបភាពទី១ នោះមានន័យថា អ្នកជាមនុស្សឆ្លាតវៃ ពូកែសង្កេត និងចូលចិត្តក្នុងការវិភាគ។ ម្យ៉ាងទៀត អ្នកជាមនុស្សដែលមានសន្ដានចិត្តល្អ ចំពោះមនុស្សដែលនៅជុំវិញខ្លួន ប៉ុន្តែអ្នកជាមនុស្សមានការប្រុងប្រយ័ត្នខ្ពស់ មិនងាយទុកចិត្តនរណាម្នាក់ផ្ដេសផ្ដាសឡើយ។ ពេលខ្លះ អ្នកហាក់មានគំនិត គិតច្រើន គិតឃើញភាពអវិជ្ជមានថែមទៀតផង នេះក៏ព្រោះតែអ្នកជាមនុស្សប្រុងប្រយ័ត្នខ្លាំង តែយ៉ាងណា អ្នកក៏មិនដែលបំពាន ឬធ្វើអាក្រក់ដាក់នរណាម្នាក់មុនឡើយ។
ចរិតលក្ខណៈរបស់អ្នកគឺ អ្នកជាមនុស្សដែលខ្វល់ខ្វាយពីអារម្មណ៍របស់អ្នកដទៃ តែងតែព្យាយាមយល់ពីចិត្តរបស់អ្នកជុំវិញខ្លួន ប៉ុន្តែអ្នកមិនងាយបង្ហាញពីភាពល្អ ឬចិត្តគំនិតល្អរបស់អ្នក ទៅឱ្យនរណាម្នាក់បានឃើញឡើយ ព្រោះអ្នកមិនចូលចិត្តចង់បានគុណស្រ័យ។
ទៀតសោត ចំពោះស្នេហា បើអ្នកដាក់ចិត្តស្រឡាញ់នរណាម្នាក់ហើយនោះ អ្នកនឹងស្រឡាញ់ខ្លាំង ស្មោះអស់ពីចិត្ត ថែមទាំងយកចិត្តទុកដាក់ជាមួយគេខ្លាំងទៀតផង ប៉ុន្តែបើអ្នកមិនស្រឡាញ់ទេ អ្នកដាច់ខាតមិនទៅពាក់ព័ន្ធ នាំមានវិបត្តិស្នេហាជាមួយគេទេ គឺអ្នកនឹងដាក់គម្លាតរវាងទំនាក់ទំនង។
២. ជ្រើសរើសរូបភាពទី២
បើអ្នកជ្រើសយករូបទី២ នេះបញ្ជាក់ថា អ្នកជាមនុស្សដែលពោរពេញដោយភាពអាថ៌កំបាំង មិនថាមានរឿងអ្វីទេ គឺអ្នកមិនងាយបង្ហាញឱ្យនរណាម្នាក់បានឃើញឡើយ សុខចិត្តសម្ងំលាក់ទុកតែម្នាក់ឯង។ ដ្បិតថា អ្នកជាមនុស្សពូកែលាក់អារម្មណ៍ តែអ្នកក៏ជាមនុស្សម្នាក់ដែលស្លូតត្រង់បំផុត រហូតធ្វើឱ្យអ្នកខ្លះ មើលមកអ្នកដូចជាមនុស្សល្ងង់អ៊ីចឹងដែរ។
ចំពោះស្នេហា បើអ្នកស្រឡាញ់នរណាម្នាក់ហើយ អ្នកនឹងលះបង់អស់ពីចិត្តពីថ្លើម ដើម្បីមនុស្សដែលអ្នកស្រឡាញ់ អ្នកក៏នឹងតស៊ូដើម្បីស្នេហា មិនថាយូរប៉ុនណា ក៏អ្នកនៅតែអាចបន្តបានមិនងាយផ្លាស់ប្ដូរ ប្រែចិត្តឡើយ។
៣. ជ្រើសរើសរូបភាពទី៣
បើអ្នកជ្រើសរើសយករូបភាពទី៣ នោះមានន័យថាអ្នកជាមនុស្សមានគំនិតវិជ្ជមានច្រើន ហើយអ្នកថែមទាំងមានញាណទី៦ អាចដឹងរឿងដែលនឹងកើតឡើងមុនថែមទៀត។ ហើយអ្នកក៏ជាមនុស្សម្នាក់ដែលមានការគិតល្អិតល្អន់ ជាមនុស្សពូកែដោះស្រាយបញ្ហាបានយ៉ាងឆាប់រហ័ស។ ប៉ុន្តែអ្នកជាមនុស្សសម្ដីត្រង់ពេកហើយ ឃើញបែបណាក៏ថាបែបហ្នឹង ជាហេតុដែលធ្វើឱ្យអ្នកជុំវិញ ពេលខ្លះ លួចខឹង និងស្អប់អ្នកព្រោះតែសម្ដីត្រង់នេះឯង។
ចំពោះស្នេហា អាចនិយាយបានថា ស្រឡាញ់គឺស្រឡាញ់ហើយ តែអ្នកក៏ជាមនុស្សចិត្តដាច់ខ្លាំងបំផុតដែរ ប្រសិនបើដៃគូរបស់អ្នក ហ៊ានតែក្បត់អ្នក អ្នកប្រាកដជាគ្មានការលើកលែង និងអធ្យាស្រ័យឱ្យគេឡើយ គឺមានតែបញ្ចប់ទំនាក់ទំនង ដោយគ្មានការយោគយល់ទេ។
៤. ជ្រើសរើសរូបភាពទី៤
បើអ្នកជ្រើសរើសយករូបភាពទី៤ នោះបញ្ជាក់ថា អ្នកជាមនុស្សមានវិន័យច្បាស់លាស់ សូម្បីតែការគិតក៏មានបែបបទត្រឹមត្រូវ និងតឹងតែងផងដែរ។ មិនថាគិតអ្វី ធ្វើអ្វីទេ អ្នកជាមនុស្សដែលមានគោលដៅច្បាស់ជានិច្ច ហើយក៏មិនចូលចិត្ត ភាពរញ៉េរញ៉ៃណាមួយដែរ និយាយជារួមគឺ អ្នកជាមនុស្សមានវិន័យខ្លាំងបំផុត។
ចំពោះស្នេហាវិញ អាចនិយាយបានថា អ្នគជាមនុស្សមានការលះបង់ខ្ពស់ បើដាក់ចិត្តស្រឡាញ់ គឺស្រឡាញ់ហើយ ដោយមិនខ្វល់នឹងការតបត្រឡប់មកវិញទេ។ អ្នកជាមនុស្សចិត្តធ្ងន់ អាចអត់ធន់បានខ្ពស់បំផុត។ ប៉ុន្តែជីវិតអ្នក ពេលខ្លះអ្នកគិតថា ការដែលសម្រេចចិត្តនៅម្នាក់ឯង វាល្អប្រសើរជាងអ្នកមានដៃគូ ឬមានស្នេហា៕
ប្រែសម្រួល ៖ ភី អេក
ក្នុងស្រុកសូមរក្សាសិទ្ធ
ព័ត៌មានថ្មីៗ
