ដល់កហើយ! សំបុត្រយន្តហោះថោកជាងម៉ាស់ទៅទៀត តែពេលវេលាមិនស័ក្តសមឡើយ
ក្រោយការឆ្លងរាលដាលនៃវីរុសកូរ៉ូណា Covid-19 លើប្រទេសជាច្រើនលើពីភពលោក បានធ្វើឱ្យសេដ្ឋកិច្ចប្រទេសចិន និងប្រទេសមួយចំនួនមានការធ្លាក់ចុះជាខ្លាំង ជាពិសេសគឺប្រទេសដែលនាំមុខនូវវិស័យទេសចរណ៍នោះតែម្តង។
ហើយសូម្បីតែការធ្វើដំណើរលើយន្តហោះក៏មានការធ្លាក់ចុះ រហូតបានធ្វើឱ្យក្រុមហ៊ុនទេសចរណ៍មួយចំនួនបានទម្លាក់ថ្លៃសំបុត្រធ្វើដំណើរស្ទើរតែមិនគួរឱ្យជឿ ពោលការធ្វើដំណើរទៅកាន់ប្រទេសខ្លះមានតម្លៃថោកជាងការទិញម៉ាស់មួយដុំទៅទៀត។
តាមរយៈគណនីហ្វេសប៊ុកផេកធ្វើដំណើរ Travelust បានឱ្យដឹងថា៖ « រឿងដែលមិនធ្លាប់គិតថាជួប នៅពេលសំបុត្រយន្តហោះទៅមក ធ្លាក់ថ្លៃថោកជាងម៉ាស់មួយដុំ ខ្លះថោកជាងទឹកអាល់កុលលាងដៃមួយកូនដបទៅទៀត
តម្លៃខ្លះៗ
- ភ្នំពេញ-គូឡាឡាំពួ ទៅមកសល់ 41$
- គូឡាឡាំពួ- ប៉េណាំង ទៅមក ធ្លាក់ដល់5.98$ (ថោកជាងម៉ាស)
- គូឡាឡាំពួ- សេអ៊ូល ទៅមក 42$
-គូឡាឡាំពួ- ចាកាតា ទៅមក 21$
ទាំងនេះដោយសារតែកូរ៉ូណា ថោកយ៉ាងណាក៏មិនហ៊ានដេីរ😒
ពួកយេីងមិនចង់បានអាថោកចឹងទេ សុំតែម៉ាដេីរលេងស្រួលប៉ុណ្ណោះ ឥឡូវបានត្រឹមដេកផ្ទះអង្គុយមេីលតម្លៃសំបុត្រ
Note: តម្លៃបានមកពី AirAsia App #VidVid19 you win us now »។
នេះពិតជាតម្លៃពិសេសដែលមិនធ្លាប់ជួបពីមុនពិតមែន តែពេលវេលាពិតជាមិនស័ក្តសមឡើយសម្រាប់ការធ្វើដំណើរទៅក្រៅប្រទេស ព្រោះអ្នកអាចប្រឈមមុខនឹងវីរុស Covid-19 ខ្ពស់ជាងនៅក្នុងស្រុក៕
ព័ត៌មានថ្មីៗ
