សេអ៊ូល៖ ប្រទេសកូរ៉េខាងត្បូងបានរាយការណ៍ថាមានករណីឆ្លង Covid-19 ថ្មីចំនួន ៤៧៦ ករណីបន្ថែមទៀតនៅថ្ងៃច័ន្ទ (២ មីនា) ដែលគឺជាប្រទេសទីពីរដែលមានចំនួនអ្នកផ្ទុក Covid-19 សរុបដល់ទៅ ៤.២១២ នាក់ច្រើនជាគេបំផុតនៅលើពិភពលោកបន្ទាប់ពីប្រទេសចិន។
មជ្ឈមណ្ឌលគ្រប់គ្រងនិងបង្ការជំងឺកូរ៉េ (Korea Centers for Disease Control and Prevention) បាននិយាយថាមនុស្ស ៤ នាក់ទៀតបានស្លាប់ដោយចំនួនអ្នកស្លាប់កើនដល់ ២២ នាក់។
ចំនួនអ្នកឆ្លងបានកើនឡើងយ៉ាងរហ័សនៅក្នុងប្រទេសដែលមានសេដ្ឋកិច្ចធំបំផុតទី ១២ របស់ពិភពលោកក្នុងរយៈពេលប៉ុន្មានថ្ងៃថ្មីៗនេះហើយធនាគារកណ្តាលរបស់ប្រទេសនេះបានព្រមានពីកំណើនអវិជ្ជមាននៅក្នុងត្រីមាសទី ១ ដោយបានកត់សម្គាល់ថាការរីករាលដាលនៃវី រុសនេះនឹងផ្តល់ផលប៉ះពាល់ដល់ការប្រើប្រាស់និងការនាំចេញខណៈព្រឹត្តិការណ៍ធំៗជាច្រើនត្រូវបានលុបចោលឬពន្យារពេល។
តួលេខអ្នកឆ្លងនេះត្រូវបានគេរំពឹងថានឹងកើនឡើងបន្ថែមទៀតនៅពេលដែលអាជ្ញាធរធ្វើការត្រួតពិនិត្យលើមនុស្សជាង ២៦០.០០០ នាក់ដែលពាក់ព័ន្ធនឹងវិហារសាសនាគ្រិស្ត Shincheonji ដោយសារមនុស្សដែលឆ្លង Covid-19 ជាងពាក់កណ្តាលគឺមានការពាក់ព័ន្ធនឹងក្រុមសាសនានេះ។
ស្ត្រីអាយុ ៦១ ឆ្នាំម្នាក់ជាសមាជិកសាសនាត្រូវបានរកឃើញជំងឺនេះនៅថ្ងៃទី ១០ ខែកុម្ភះដោយបានចូលរួមក្នុងកម្មវិធីព្រះវិហារនេះយ៉ាងហោចណាស់បួនកន្លែងនៅ Daegu ដែលជាទីក្រុងធំបំផុតទី ៤ របស់ប្រទេសដែលមានប្រជាជន ២,៥ លាននាក់និងជាមជ្ឈមណ្ឌលនៃការផ្ទុះជំងឺនេះមុនពេលធ្វើរោគវិនិច្ឆ័យ។
KCDC បាននិយាយថាក្នុងចំណោមករណីថ្មីដែលបានប្រកាសកាលពីថ្ងៃច័ន្ទជាង ៩០ ភាគរយគឺស្ថិតនៅក្នុងទីក្រុង Daegu និងខេត្តជិតខាង North Gyeongsang ៕
ប្រភព៖ Channel New Asia