បើតាមការចែករំលែកដោយបងប្រុស ផែង វណ្ណ ជុំវិញលិខិតមួយរបស់ក្រសួងព័ត៌មានដែលចង់ជម្រាបជូនសាធារណៈជន កុំឲ្យមានការភ័ន្តច្រឡំអំពីព្រឹត្តិការណ៍ដែលនឹងធ្វើឡើងនៅអាកាសយានដ្ឋានអន្តរជាតិភ្នំពេញនាព្រឹកថ្ងៃទី ១០ មករានេះ។
បើតាមលិខិតរបស់ក្រសួងព័ត៌មានបានឲ្យដឹងថានៅព្រឹកថ្ងៃទី ១០ មករា ឆ្នាំ ២០២០ នៅអាកាសយានដ្ឋានអន្តរជាតិភ្នំពេញ នឹងមានការធ្វើលំហាត់សមយុទ្ធទ្រង់ទ្រាយធំ (AIRPEX19) ប្រចាំឆ្នាំក្រោមប្រធានបទ "ការសង្រ្គោះចំណាប់ខ្មាំងលើយន្តហោះ"។
ឆ្លៀតឱកាសនេះក៏មានការទទូចជម្រាបជូនឯកឧត្តម្ភ លោកជំទាវ លោកឧកញ៉ា លោកលោកស្រី ម្ចាស់ស្ថានីយវិទ្យុ ទូរទស្សន៍ និងម្ចាស់ប្រព័ន្ធផ្សព្វផ្សាយទាំងអស់ថានៅអាកាសយានដ្ឋានអន្តរជាតិភ្នំពេញនាព្រឹកនេះ នឹងមានការចូលរួមពីស្ថាប័ន កងកម្លាំងប្រដាប់អាវុធ រួមទាំងមានយន្តហោះ រថយន្តពន្លត់អគ្គិភ័យ រថយន្តសង្រ្គោះបន្ទាន់ និងរថយន្តកងកម្លាំងប្រដាប់អាវុធ។ល។
ដូច្នេះដើម្បីបង្កលក្ខណៈងាយស្រួលក្នុងកិច្ចប្រតិបត្តិការឲ្យបានរលូន ទទួលបានជោគជ័យ និងដើម្បីកុំឲ្យសាធារណជនមានការភាន់ច្រឡំ៕
ប្រភព៖ Pheng Vannak News