បើពិតលក់មុខខ្មែរណាស់! ជនបរទេសម្នាក់ខឹងសម្បារដែល ហាងកាត់សក់មួយកន្លែង ដាក់តែ ២ដុល្លារ តែដល់កាត់រួចតម្លៃហួសការស្មាន
ភ្នំពេញ៖ ប្រិយមិត្តច្បាស់ជាជ្រាបហេីយថា សព្វថ្ងៃមុខរបរ ដែលប្រជាជនកម្ពុជា តែងតែប្រកបជារៀងរាល់ថ្ងៃ មានគ្រប់មុខចម្រុះទៅតាមលទ្ធភាព និងជំនាញរៀងៗខ្លួនដើម្បីចិញ្ចឹមជីវិតរៀងៗខ្លួន។
តែជារឿងមួយដ៏ហួសចិត្តមួយ ថ្មីៗនេះមានគណនី ហ្វេសប៊ុករបស់បុរសម្នាក់ជនជាតិ បរទេសមួយរួបបានបង្ហោះសារយ៉ាងខឹងសម្បារជាខ្លាំង ក្រោយដែលគាត់ចូលកាត់សក់នៅហាងមួយកន្លែង ដែលស្ថិតនៅតាមផ្លូវពីភោជនីយដ្ឋាន ខេ ខាងលិច ផ្សារតូច មាន យីហោ « អន ម៉ូដែល កាត់សក់ » បានដាក់ផ្លាកថា កាត់សក់ 2$ តែអ្វីដែលហួសស្មាននោះគឺក្រោយកាត់រួច និងម៉ាស្សាមុខផងនោះ បានទារលុយជនបរទេសនោះដល់ទៅ 30$ ធ្វេីឱ្យ បុរសរូបនោះមានការខឹងសម្បារ និងហួសចិត្តមែនទែន ។
ទោះយ៉ាងណាយេីងក៏មិនទាន់មានការបញ្ជាក់ច្បាស់ពីម្ចាស់ហាងនោះទេ យេីងមានតែរង់ចាំការស្រាយបំភ្លឺ ពីម្ចាស់ហាងផ្ទាល់ហាងថាមានរឿងហេតុអ្វីកើតឡើងពីក្រោយរឿងនេះឬក៏អត់ប៉ុណ្ណោះ៕
ព័ត៌មានថ្មីៗ
