ផ្លូវការ៖ Barcelona ប្រកាសពីការផ្ទេរយក Antoine Griezmann ក្នុងតម្លៃ១២០លានអឺរ៉ូ
Barcelona បានប្រកាសក្នុងបណ្ដាញសង្គម Twitter ផ្លូវការរបស់ខ្លួនថាបានសម្រេចជោគជ័យពីការចុះកុងត្រាយក Antoine Griezmann ពីក្លិប Atlético Madrid ក្នុងតម្លៃ ១២០លានអឺរ៉ូត្រឹមនរយៈពេលតែមួយឆ្នាំបន្ទាប់ពីខ្សែប្រយុទ្ធរូបនេះជ្រើសរើសក្លិបមួយនេះ។
ម្ចាស់ជើងឯក World Cup បានស៊ីញេកុងត្រារយៈពេល៥ឆ្នាំនៅកីឡដ្ឋាន Camp Nou ដែលធ្វើឲ្យតម្លៃខ្លួនផ្ដាច់កុងត្រារបស់គេឡើងដល់៨០០លានអឺរ៉ូ។ មេធាវីរបស់ Antoine Griezmann បានមកដល់ការិយាល័យរបស់ Laliga ក្នុងទីក្រុងម៉ាឌ្រីដដើម្បីបង់លុយផ្ដាច់កុងត្រាទៅឲ្យ Atlético Madrid កាលពីព្រឹកមិញ។
ការមកចូលរួមជាមួយ Barca រូបគេនឹងចាប់ដៃគូជាមួយ Lionel Messi និង Luis Suárez នៅកីឡដ្ឋាន Cam Nou រដូវកាលក្រោយ។តាមពិតទៅ! Griezmann មានទំនាក់ទំនងផ្ទរេរទៅលេងនៅ Barca តាំងតែពីឆ្នាំមុនមកម្ល៉េះប៉ុន្តែរូបគេជ្រើសរើសផ្លូវបន្តស្នាក់នៅ Atletico មួយឆ្នាំសិន។
តម្លៃខ្លួន១២០លានអឺរ៉ូនេះនឹងធ្វើឲ្យ Griezmann ក្លាយជាកីឡាករមានតម្លៃខ្លួនខ្ពស់ជាងគេទី២ក្នុងក្លិប បន្ទាប់ពី Philippe Coutinho និងស្មើជាមួយតម្លៃខ្លួន Ousmane Dembélé៕
ព័ត៌មានថ្មីៗ
