ពណ៌ទាំង ៥ ទាក់ទាញសំណាង បង្កើនទ្រព្យ លុយកាក់កើនឡើងទ្វេដង
តើអ្នកដឹងទេថាមានពណ៌អ្វីខ្លះដែលអាចទាក់ទាញលុយ? ប្រហែលជានេះជារឿងថ្មីសម្រាប់អ្នក ប៉ុន្តែពណ៌នីមួយៗមានថាមពល និងអំណាចផ្ទាល់ខ្លួនរបស់វា។ យោងទៅតាមថាមពលនៃពណ៌ទាំងនេះ វាអាចទាក់ទាញរបស់ជាច្រើនដូចជា ស្នេហា លុយ សុខភាព ជាដើម។ ដូច្នេះសូមឱ្យយើងស្វែងយល់ពីពណ៌ដើម្បីទាក់ទាញប្រាក់ចូលមកក្នុងជីវិតរបស់អ្នក? បន្ទាប់មកអ្នកអាចរីករាយនឹងថាមពលដែលពណ៌ទាំងនេះបញ្ចេញដើម្បីកុំឱ្យមានបញ្ហារឿងលុយកាក់។ ទាំងនេះ គឺជាពណ៌ទាំង ៥ ដែលមានថាមពលពិសេស អាចជួយអ្នកទាក់ទាញសំណាងរឿងលុយកាក់ ទ្រព្យសម្បត្តិ។
១. ពណ៌មាស ៖ ពណ៌មាសជាពន្លឺនៃជីវិត ជាការពិតនេះក៏ជាពណ៌ដ៏ល្អបំផុតដើម្បីទាក់ទាញប្រាក់ចូលក្នុងជីវិតរបស់អ្នក ព្រមទាំងជោគជ័យក្នុងមុខជំនួញ និងភាពរុងរឿងនៃអាជីពផងដែរ។ មាសក៏ជាពណ៌នៃកិត្តិនាម និងពន្លឺផងដែរ។ នៅពេលអ្នកពាក់ពណ៌នេះ អ្នកនឹងសុខចិត្តស្វែងរកដំណោះស្រាយដើម្បីបញ្ចប់បំណុល និងបញ្ហារបស់អ្នក។
គន្លឹះខ្លះៗ ៖ ប្រើវត្ថុមួយចំនួនដែលមានពណ៌មាសដើម្បីតុបតែងផ្ទះរបស់អ្នក ហើយដាក់វត្ថុពណ៌មាសមួយចំនួននៅជិតកន្លែងដែលអ្នកទុកលុយ មិនថានៅផ្ទះ ឬសូម្បីតែនៅក្នុងកាបូបរបស់អ្នកក៏ដោយ។ បើប្រសិនបើអ្នកជួបបញ្ហារឿងលុយកាក់ សូមអុជទៀនពណ៌មាស ហើយសុំពរពីទេវតាថែរក្សា នោះបញ្ហាទាំងប៉ុន្មាន នឹងជួយឱ្យអ្នកអាចដោះស្រាយបានដោយរលូន។
២. ពណ៌ត្នោត ៖ ពណ៌ត្នោតគឺជាពណ៌អព្យាក្រឹត ហើយវាជាពណ៌ដ៏ល្អបំផុតមួយដើម្បីទាក់ទាញលុយកាក់។ វាហាក់បីដូចជាមិនមានកម្លាំងខ្លាំងនោះទេ ប៉ុន្តែតាមពិតវាគឺជាពណ៌ដែលមានថាមពលដ៏អស្ចារ្យ ល្អឥតខ្ចោះដើម្បីជម្រុញស្ថិរភាព និងសន្តិសុខសេដ្ឋកិច្ច។ ប្រសិនបើអ្នកមានអ្វីមួយដែលមានពណ៌ត្នោតនៅក្នុងការិយាល័យ ឬស្លៀកសម្លៀកបំពាក់ពណ៌ត្នោត នោះពណ៌នេះនឹងជួយអ្នកឱ្យទទួលបានប្រាក់ចំណូលកាន់តែច្រើន ដូច្នេះអ្នកនឹងអាចមានអារម្មណ៍ថាមានសុវត្ថិភាព។
៣. ពណ៌លឿង ៖ ប្រសិនបើអ្នកចង់ទាក់ទាញលុយ ពណ៌លឿងក៏ជាពណ៌មួយក្នុងចំណោមពណ៌ដែលមានថាមពលល្អផងដែរ។ ពណ៌លឿងគឺជាពណ៌ដែលធ្វើឱ្យចិត្តរបស់អ្នកកាន់តែសកម្ម និងដែលជម្រុញការច្នៃប្រឌិត។ វាគឺជាពណ៌ដែលទាក់ទាញឱកាស ធ្វើឱ្យវាកាន់តែងាយស្រួលក្នុងការសម្រេចគោលដៅរបស់អ្នក។
៤. ពណ៌ក្រហម ៖ ពណ៌ក្រហមគឺជាពណ៌នៃកម្លាំង។ វាក៏ជាជម្រើសដ៏ល្អមួយក្នុងការប្រើប្រាស់នៅពេលដែលអ្នកកំពុងប្រឈមមុខនឹងបញ្ហាលុយកាក់។ ទោះជាយ៉ាងណាក៏ដោយ វាគួរតែត្រូវបានប្រើក្នុងវិធីដែលមានតុល្យភាព។ ជនជាតិចិនជឿថា នេះគឺជាពណ៌នៃភាពសម្បូរបែប និងទ្រព្យសម្បត្តិ។ តាមពិតនេះមិនមែនជារឿងភ្ញាក់ផ្អើលនោះទេ ព្រោះយើងឃើញអាជីវកម្មចិនទាំងអស់ច្រើនតែតុបតែងលម្អដោយពណ៌ក្រហមនេះ។
៥. ពណ៌ទឹកក្រូច ៖ ពណ៌ទឹកក្រូច គឺជាពណ៌មួយក្នុងចំណោមពណ៌ទាំងប្រាំដើម្បីទាក់ទាញប្រាក់កាស។ វារួមបញ្ចូលគ្នានូវថាមពលពីពណ៌លឿងជាមួយនឹងកម្លាំងនៃពណ៌ក្រហម។ នេះនឹងផ្តល់ឱ្យអ្នកនូវភាពរឹងមាំ និងការប្តេជ្ញាចិត្តដែលអ្នកត្រូវការដើម្បីសម្រេចបាននូវគោលដៅរបស់អ្នក។ ពណ៌ទឹកក្រូចក៏ទាក់ទងនឹងភាពរុងរឿងនិងលុយផងដែរ៕
ព័ត៌មានថ្មីៗ
