ដាក់របស់ ៥ នេះក្នុងផ្ទះ និងមាត់ទ្វារចូលផ្ទះ អាចបណ្ដេញគ្រោះចង្រៃហើយនាំតែលាភសំណាង
យោងតាមដំណាលតៗគ្នាពីចាស់បុរាណ និងក្បួនហុងស៊ុយ ការដាក់របស់ ៥ នេះនៅខាងក្នុងផ្ទះ និងមាត់ទ្វារចូលផ្ទះ គឺអាចបណ្ដេញគ្រោះចង្រៃ អំពើអាបធ្មប់ ហើយនាំមកវិញនូវលាភសំណាងនិងភាពរុងរឿងចូលផ្ទះ៖
៥) ខ្ទឹមស
ខ្ទឹមសត្រូវបានគេជឿថា ជារបស់សក្ដិសិទ្ធិដែលអាចប្រឆាំងនឹងអំពើអាក្រក់ និងទង្វើចង់យាយីពីមជ្ឈដ្ឋានខាងក្រៅមិនឲ្យចូលមកក្នុងផ្ទះរបស់យើងបាន។ ទម្លាប់ចាស់ៗពីដើម គេឲ្យព្យួរខ្ទឹមសចំនួន ៨១ ដែលតំណាងឲ្យព្រះចំនួន ៨១ អង្គដែលអាចបញ្ចៀសខ្យល់នៃបិសាចមិនឲ្យចូលមកក្នុងផ្ទះរបស់យើង។
ជាងនេះតាមការណែនាំអ្នកគួរតែពិនិត្យមើលវាជាប្រចាំ នៅពេលដែលវាស្ងួត គួរតែរកខ្ទឹមថ្មីមកជំនួស ហើយបើអាចគួរទម្លាប់ពេលដើរទៅក្រៅ ឧស្សាហ៍មានខ្ទឹមសជាប់ខ្លួនជាប្រចាំផងដើម្បីបញ្ចៀសមិនឲ្យមានខ្មោចបិសាចមកយាយី ឬសំណាងអាក្រក់មកក្នុងជីវិតរបស់យើង។
៤) ផ្កាឈូក
នៅក្នុងបន្ទប់ទទួលភ្ញៀវ គឺប្រៀបបាននឹងទីកន្លែងដែលទទួលឥទ្ធិពលពីខាងក្រៅ ឬទទួលហុងស៊ុយមកចូលផ្ទះ។ អ្នកគួរតែមានផ្កាឈូក ដាក់តម្កល់ក្នុងថូណាមួយ នៅខាងក្នុងបន្ទប់ទទួលភ្ញៀវ វាជារបស់ដែលព្រះ ប្រើដើម្បីកម្ចាត់រឿងអាក្រក់។
៣) ដាក់រូបសំណាកគួនយូ
នៅក្នុងប្រវត្តិសាស្រ្តចិន គួនយូ (Guan Yu) គឺជាអ្នកចេះក្បាច់គុណដ៏ល្បីល្បាញមួយ ហើយគេជឿថារូបសំណាករបស់អ្នកតាគួនយូ មិនថាតូចក្តីធំក្តី បើអាចដាក់នៅខាងក្នុងផ្ទះ គឺតំណាងឲ្យភាពរុងរឿង និងសុវត្ថិភាព។ ជាភាពក្លាហានដែលបញ្ចៀសអស់មាសត្រូវ ការពារនូវរាល់បញ្ហានានាទាំងឡាយបាន។
២) ដាក់ឆ្កែថ្ម ឬខ្លាថ្មមួយគូខាងមុខផ្ទះ
បើមានលទ្ធភាពគួរទិញនូវរូបឆ្កែថ្ម ឬខ្លាថ្មមួយគូ ដាក់នៅខាងមុខខ្លោងទ្វារចូលផ្ទះ ព្រោះវាតំណាងឲ្យ របស់ដែលអាចការពារគ្រួសារយើងមិនឲ្យមានគេញាំញី និងជួយបញ្ចៀសនូវសំណាងអាក្រក់ផ្សេងៗចេញឆ្ងាយពីរបងផ្ទះយើង។
១) ដាក់អំបិលនៅជ្រុងសំខាន់ៗ
ប្រហែលនឹងខ្ទឹមសដែរ អំបិលក៏ត្រូវបានគេរាប់ជារបស់ហុងស៊ុយមួយដែលអាចបញ្ចៀសភាពអវិជ្ជមានចេញពីជីវិតរបស់យើង។ តាមទម្លាប់គឺគេយកអំបិលមួយកូនចានតូចៗទៅដាក់តាមជ្រុងនៃផ្ទះ ដើម្បីប្រឆាំងនឹងវិញ្ញាណអាក្រក់ ហើយនាំតែភាពរុងរឿងចូលក្រុមគ្រួសារ។
ជាងនេះអ្នកក៏អាចរោយអំបិលនៅលើស្មាផ្នែកខាងឆ្វេង ឬងូតទឹកអំបិល ដែលគេជឿថានេះជាមធ្យោបាយរបស់ចាស់បុរាណក្នុងការបណ្តេញភាពអាក្រក់ចេញពីខ្លួន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
