បណ្ដាំទេវតាទ្រព្យ រាប់ឈ្មោះម្ចាស់ឆ្នាំ ៣ អង្គុយស្ងៀមក៏លុយចូល ហូរចេញអស់គ្រោះនៅចុងឆ្នាំ ២០២៤
តាមក្បួនហោរាសាស្រ្តបានទស្សន៍ទាយឃើញជោគវាសនាម្ចាស់ឆ្នាំទាំង ៣ ដែលកំណត់តាមបណ្តាំទេវតាទ្រព្យ រាប់ចូលជាឆ្នាំមានឆ្នាំបាន ជោគជ័យជួបសំណាងនៅចុង ២០២៤ ខាងមុខ។ តុះទៅមើលទាំងអស់គ្នា តើមានឆ្នាំរបស់អ្នកដែរឬទេ?
អ្នកកើតឆ្នាំរកា - មាន់
ជាមនុស្សម៉ឺងម៉ាត់ ឲ្យតម្លៃលើការខិតខំព្យាយាមរបស់ខ្លួនឯង និងតែងតែប្រឹងប្រែងនូវគ្រប់ភារកិច្ចទាំងអស់ចំពោះមុខ។ ពេលវេលាចុងឆ្នាំ ២០២៤ រាសីម្ចាស់ឆ្នាំមាន់ ឡើងខ្ពស់ខ្លាំង ហើយការយាយី ចេតនាមិនល្អទាំងឡាយ ពីជនជិតឆ្ងាយ នឹងត្រូវគេផាត់មិនឲ្យមកជិត។
នៅកំឡុងពេលខាងមុខ មាន់រងាវឡើងដូចហៅទ្រព្យ ហៅសំណាង ប្រមូលផ្តុំសុទ្ធតែចំណូល ប្រាក់ចំណេញចូលមកក្នុងផ្ទះ។ អ្នកនឹងទទួលបានការវិវត្តនៃដំណាក់កាលដ៏ធំមួយក្នុងជីវិត ផ្តើមឲ្យមានការងារល្អ ប្រាក់ចំណូលចូលខ្ពស់ជាងពេលមុនៗ ជារួមកើតតែភាពរុងរឿង លែងខ្វាយខ្វល់អ្វីទាំងអស់។
អ្នកកើតឆ្នាំឆ្លូវ – គោ
រីឯមនុស្សកើតឆ្នាំគោ តែងមានចរិតលក្ខណៈស្មោះត្រង់ មានចិត្តទូលាយ រាប់អានគ្នាដោយចេះយោគយល់អធ្យាស្រ័យ ហើយតែងប្រមូលផ្តុំទំនាក់ទំនងល្អនៅជុំវិញខ្លួនជានិច្ច។ នេះមិនចេះខ្លាចបរាជ័យ បើដួលក៏តែងលើកទឹកចិត្តខ្លួនឯង ឲ្យក្រោកឡើងមកវិញ ពោលមិនចាំនរណាហុចដៃជួយទាញឡើយ។
អ្នកតែងតែជាបុគ្គលល្អក្នុងក្រសែភ្នែកមនុស្សគ្រប់គ្នា ហើយនៅពេលខាងមុខ នឹងមានគេនាំទ្រព្យសម្បត្តិមកឲ្យអ្នក ឬនាំសំណាងចូលមកក្នុងជីវិតអ្នក និងក្រុមគ្រួសារផងដែរ។ នៅចុងឆ្នាំ ២០២៤ នោះឯង នឹងទទួលបានលាភសំណាង ចម្រុងចម្រើន អាចលើកកម្ពស់ជីវភាពឲ្យកាន់តែរីក រស់ស្រួល ផុតអស់ទុក្ខភ័យ។
អ្នកកើតឆ្នាំច – ឆ្កែ
ចុងក្រោយអ្នកកើតឆ្នាំច តែងមានផែនការណ៍ច្បាស់លាស់ក្នុងជីវិត ធ្វើអ្វីដោយមានច្បាប់ក្រមតាមលំដាប់លំដោយ ហើយមានសមត្ថភាពអាចទាក់ទាញចំណាប់អារម្មណ៍មនុស្សយ៉ាងឆាប់រហ័ស តាមរយៈពាក្យសម្តីដ៏ប៉ិនប្រសព្វ។
ផ្នែកទ្រព្យឡើងល្អក្រៃលែងនៅពេលវេលាចុងឆ្នាំ ២០២៤ ខាងមុខ ដូចមានផ្កាយសំណាងរះឡើងខ្ពស់ បើកផ្លូវឲ្យទូលាយ រកលុយទិញផ្ទះទិញឡាន សល់ចំណូលពេញកុងធនាគារថែមទៀតផង។ ទាំងជីវិតផ្ទាល់ខ្លួននិងក្រុមគ្រួសារគឺល្អព្រមគ្នា នាំឲ្យកើតតែវិបុលភាព និងសុភមង្គលមិនថាទៅទីជិតទីឆ្ងាយ។ ទាំងនេះក៏សុទ្ធជារង្វាន់ តបដល់ការខិតខំអស់រយៈកាលជាយូររបស់អ្នកផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
