ស្ត្រីឆ្នាំទាំង ៣ ពូកែរកលុយណាស់ ចេះចាប់យកឱកាស ច្បាស់លាស់ ម៉ឺងម៉ាត់ ក្ដោបក្ដាប់លុយកាក់បានល្អ
យោងតាមក្បួនហោរាទស្សន៍ទាយបានឱ្យដឹងថា ស្ត្រីដែលកើតក្នុងឆ្នាំទាំង ៣ នេះ គឺជាមនុស្សដែលមានភាពប៉ិនប្រសប់រាល់គ្រប់កិច្ចការងារទាំងក្នុងផ្ទះ និងក្រៅផ្ទះ។ ក្រៅពីនេះ ស្ត្រីទាំងនេះក៏ជាមនុស្សដែលរហ័សរហួន ពូកែរកលុយ និងចេះគ្រប់គ្រងផ្នែកហិរញ្ញវត្ថុបានយ៉ាងល្អផងដែរ ដែលជាហេតុធ្វើឱ្យពួកគេមិនដែលខ្វះខាតរឿងលុយកាក់ ឬពិបាកមុខក្រោយនោះឡើយ។
១. ឆ្នាំកុរ ៖ ស្ត្រីដែលកើតឆ្នាំជ្រូក ជានុស្សមានចរិតស្លូតបូត សុភាពរាបសារ និងចេះគិតគូរមត់ចត់។ ក្នុងឆ្នាំ ២០២៤ នេះនឹងក្លាយជាឆ្នាំនៃបញ្ហាប្រឈមជាច្រើន ក៏ជាឱកាសដ៏អស្ចារ្យសម្រាប់ពួកគេផងដែរ។ ពួកគេនឹងសម្រេចបាននូវរបកគំហើញធំៗ និងការរីកចម្រើនក្នុងអាជីពការងារ ហើយអាចទទួលបានឱកាសដែលមិននឹកស្មានដល់។ អ្វីដែលសំខាន់នោះគឺពួកគេត្រូវប្រឹងប្រែងជាមុនសិន អ្វីៗនឹងដំណើរការទៅដោយរលូន។ បើនិយាយពីលាភសំណាង អ្នកឆ្នាំជ្រូកនឹងឈានទៅរកភាពសម្បូរហូរហៀរ តាមរយៈការវិនិយោគ ការសហការ ឬចំណូលដែលមាប្រភពមកពីគ្រប់ផ្នែកទាំងអស់។
ជាងនេះទៅទៀត អ្នកដែលកើតក្នុងឆ្នាំជ្រូក ក៏នឹងជួបមនុស្សមានឫទ្ធានុភាពខ្លាំងពូកែ ដែលនឹងជួយឱ្យសម្រេចបាននូវសមិទ្ធិផលកាន់តែច្រើនក្នុងការងារ និងទ្រព្យសម្បត្តិ។ អ្នកដែលកើតក្នុងឆ្នាំជ្រូកគួរតែរក្សាអាកប្បកិរិយាវិជ្ជមានក្នុងឆ្នាំ ២០២៤ ចាប់យកឱកាស និងប្រើប្រាស់ធនធានជុំវិញខ្លួនឱ្យបានល្អ។ ជាមួយគ្នានេះ អ្នកក៏គួរតែរៀបចំផែនការហិរញ្ញវត្ថុឱ្យបានល្អ ដើម្បីចៀសវាងហានិភ័យណាមួយកើតឡើងដែលយើងមិនបានដឹងមុន។
២. ឆ្នាំរកា ៖ កម្រមានអ្នកណាធ្វើការលំបាកដូចមនុស្សស្រីកើតឆ្នាំរកាណាស់ គឺពួកគេអាចធ្វើការបានទាំងយប់ទាំងថ្ងៃដោយមិននឿយហត់។ ស្មារតីសាទរនេះជួយពួកគេឱ្យមានតម្លៃខ្ពស់ក្នុងក្រុម និងទទួលបានពរជ័យច្រើនពីទេវតា។ ជាមួយនឹងរូបរាងដ៏ប្រណិត និងសុភាពរបស់នាង គ្មាននរណាម្នាក់នឹកស្មានថា ស្ត្រីឆ្នាំនេះមានភាពរឹងមាំ និងក្លាហានមិនគួរឱ្យជឿនោះទេ។ នៅកន្លែងធ្វើការគេធ្វើសកម្មភាពយ៉ាងមោះមុតរហូតដល់ចប់ គ្មានអ្នកណាគិតថាអាចបំបាក់ពួកនាងបានឡើយ។ ថ្វីដ្បិតតែពួកគេមិនចូលចិត្តបញ្ចេញយោបល់ច្រើនក៏ដោយ ប៉ុន្តែភាពស្រស់ស្អាតដែលផុសចេញពីរូបរាង និងចំណេះដឹងបានជួយឱ្យស្ត្រីទាំងនេះមើលទៅកាន់តែលេចធ្លោគ្រប់ទីកន្លែង។
ដើមឡើយស្ត្រីឆ្នាំមាន់ គឺជាមនុស្សដែលមានជោគវាសនាដ៏ថ្លៃថ្នូ បានទទួលជំនួយពីមនុស្សជាច្រើនក្នុងដំណើរជីវិតរបស់នាងដើម្បីអភិវឌ្ឍខ្លួន និងក្លាយជាអ្នកមាន ដូច្នេះហើយនាងតែងតែមានសំណាង ហើយជំនួញបានប្រព្រឹត្តទៅដោយរលូន ជួយឱ្យនាងក្លាយជាអ្នកមានយ៉ាងឆាប់រហ័ស។ មនុស្សស្រីឆ្នាំមាន់ក៏មានភាពម៉ឺងម៉ាត់ខ្លាំងចំពោះហិរញ្ញវត្ថុ និងខិតខំរកលុយដើម្បីក្លាយជាអ្នកមាន។ មិនធ្វើឱ្យព្រះខកបំណងឡើយ ស្ត្រីជាច្រើនកើតឆ្នាំរកា ក្លាយជាអ្នកមានត្រឹមតែមួយរំពេច។ ជីវិតពោរពេញដោយភាពសម្បូរសប្បាយធ្វើឱ្យមនុស្សគ្រប់គ្នាច្រណែន។
៣. ឆ្នាំវក ៖ ភាពក្លាហាន និងមោះមុត គឺជាគុណសម្បត្តិធំរបស់ស្ត្រីដែលកើតក្នុងឆ្នាំស្វា មិនថាជួបបញ្ហា ការលំបាក ព្យុះភ្លៀងយ៉ាងណាទេ ក៏ស្ត្រីទាំងនេះនៅតែពុះពារកាន់តែខ្លាំង ឆន្ទៈរបស់គេកាន់តែរឹងមាំឡើង។ ជាមួយនឹងសមត្ថភាពក្នុងការដោះស្រាយបញ្ហាបានយ៉ាងងាយ និងបត់បែន ស្ត្រីកើតឆ្នាំនេះអាចចុះហត្ថលេខាលើកិច្ចសន្យាដែលរកចំណូលបានច្រើន។ ដោយសារតែនាងរកចំណូលបានច្រើន ហើយត្រូវបានគេស្គាល់ថាជាស្ត្រីមួយរូបដែលមានទ្រព្យសម្បត្តិលឿនបំផុត។
មានភាពរហ័សរហួន និងប៉ិនប្រសប់ដូចស្វានៅក្នុងព្រៃ ស្ត្រីកើតឆ្នាំស្វាអាចបង្កើតទំនាក់ទំនងប្រកបដោយគុណភាពជាច្រើន។ "មានឈាមភាពជាអ្នកដឹកនាំ" ហូរនៅក្នុងខ្លួនពួកគេពួកគេត្រៀមខ្លួនជាស្រេចដើម្បីតាំងជំហរ និងកសាងទ្រព្យសម្បត្តិកសាងអាណាចក្រផ្ទាល់ខ្លួន។ សមត្ថភាពក្នុងការគ្រប់គ្រងលុយរបស់ស្ត្រីទាំងនេះមិនធម្មតាទេ នាងដឹងពីរបៀបវិនិយោគលុយដើម្បីរកលុយ។ ស្ត្រីទាំងនេះនឹងបានក្លាយជាអ្នកមានកាន់តែខ្លាំងឡើង ដោយមានទ្រព្យសម្បត្តិដ៏ច្រើនសន្ធឹកសន្ធាប់ដែលមនុស្សគ្រប់គ្នាកោតសរសើរ៕
ព័ត៌មានថ្មីៗ
