ម្ចាស់ស្រីឆ្នាំទាំង ៤ រាងខ្ជិល ស្អប់បំផុតការងារផ្ទះ តែវាសនាចារឲ្យប៉ះប្តីល្អ មាសមួយក្រឡក៏មិនប្តូរ
ស្រ្តីដែលមានចរិតឧស្សាហ៍ព្យាយាម តែងតែត្រូវបានអ្នកជុំវិញខ្លួន ស្រលាញ់ចូលចិត្ត តែយ៉ាងណាសម្រាប់ស្រ្តីកើតឆ្នាំទាំង ៤ ខាងក្រោម បើទោះបីជាមិនសូវឧស្សាហ៍ ពេលខ្លះរាងខ្ជិលបន្តិចក៏ដោយ តែពួកគេនៅតែអាចទទួលបានស្វាមី ដែលតាមថ្នាក់ថ្នមមិនឲ្យទាស់ចិត្ត និងស្រលាញ់គោរពឲ្យតម្លៃនាងខ្ពស់ដដែល ជារួមរាប់បាន ថាជាស្រ្តីសំណាងផុតលេខ៖
ស្រ្តីកើតឆ្នាំជូត – កណ្តុរ
មនុស្សស្រីកើតឆ្នាំជូត មានចរិតស្លូតបូត មិនទន់ខ្សោយឲ្យបុរសគ្រប់គ្រងនាងបានទេ ដោយនេះហើយជារូបមន្តស្នេហ៍អាថ៌កំបាំង។ បុរសណាដែលបានលង់ស្នេហ៍ ឬប្រគល់បេះដូងទៅឲ្យនារីនេះហើយ គឺរមែងតែងតែពិបាករកផ្លូវចេញមកវិញខ្លាំងណាស់។
ពេលនៅលីវ ស្រ្តីកើតឆ្នាំជូត រមែងចូលចិត្តជីវិតដែលភ្លក់រសជាតិថ្មី មិនចូលចិត្តនៅមួយកន្លែង តែក្រោយរៀបការរួច នាងប្រែបែរជាមនុស្សមួយផ្សេងទៀត ដោយនាងមិនសូវចូលចិត្តចេញទៅខាងក្រៅ ឬជួបនរណាទេ ហើយការងារផ្ទះក៏មិនសូវជាសកម្មខ្លាំងដែរ។ ប៉ុន្តែនាងសំណាង សំណាងត្រង់ថា បែរជាបានជួបបុរសដែលពូកែខាងការងារក្នុងផ្ទះ ពូកែមើលទុកដាក់របស់របរ ទើបធ្វើឲ្យនាងមិនសូវនឿយខ្លាំងទៅវិញ។
ស្រ្តីកើតឆ្នាំរោង – នាគ
ជាស្រ្តីមានភាពថ្លៃថ្នូរ ដែលមនុស្សជាច្រើនមិនអាចមើលរំលងបាន។ នាងក៏ពូកែខាងប្រើប្រាស់ពាក្យផ្អែមល្ហែមដែរ តែក៏មានការគិតដ៏ឈ្លាសវៃ ពូកែ ណាស់តែរាងខ្ជិលបន្តិច ហើយមនុស្សស្រីនេះ ស្អប់ការងារផ្ទះខ្លាំងបំផុត។
យ៉ាងណាពរជ័យដែលឆ្នាំរបស់នាងទទួលបាន គឺបានជួបបុរសល្អ បុរសដែលអាចផ្តល់ក្តីសុខសម្រាប់នាង ដោយមិនប្រកាន់ទោសពៃអ្វីឡើយ ដ្បិតបើនាងមិនសូវពូកែខាងការងារក្នុងផ្ទះនោះក៏ដោយ។
ស្រ្តីកើតឆ្នាំថោះ - ទន្សាយ
ជាស្រ្តីដែលមិនសូវឧស្សាហ៍នោះទេ មិនចាប់អារម្មណ៍ខ្លាំងទេលើរឿងការងារផ្ទះ ហើយស៊ូជួលឲ្យគេមកធ្វើជំនួស ឬសុំឲ្យប្តីជាអ្នកជួយរ៉ាប់រងជំនួសនាងទៅវិញ។
តែសំណាងរបស់នាង ក៏បានដូចចិត្តថែមទៀត ស្រ្តីកើតឆ្នាំទន្សាយ និយាយអ្វីក៏ប្តីស្តាប់ និយាយអ្វីក៏អាចបន្ទន់ចិត្តប្តី ដ្បិតបើបុរសនោះរឹងមាំនៅខាងក្រៅប៉ុណ្ណា តែបានជួបនាងកើតឆ្នាំទន្សាយ បែរជាទន់ចិត្ត ព្រមធ្វើតាមគ្រប់រឿងទៅវិញ។ បើទោះបីនាងរាងមានភាពខ្ជិលច្រអូសបន្តិចមែន តែនាងស្រលាញ់គ្រួសារ ហើយការពារគ្រប់បែបយ៉ាងមិនឲ្យខូចកិត្តិយសគ្រួសារឡើយ។
ស្រ្តីកើតឆ្នាំកុរ - ជ្រូក
មិនខុសពីស្រ្តីកើតឆ្នាំទាំង ៣ ឯទៀត ងាកមកម្ចាស់ស្រីឆ្នាំកុរ រវល់តែរឿងការងារ រកស៊ីបង្កើតចំំណូល ហើយនាងមិនសូវចូលចិត្ត ការងារក្នុងចង្រ្កាន ឬរៀបចំរបស់របរជាប្រចាំឡើយ។ តែយ៉ាងណា មិនមានន័យថា នាងជាស្រ្តីកញ្ចើធ្លុះនោះទេ គ្រាន់ថា នាងរមែងផ្តោតលើការខិតខំរកប្រាក់តាំងតែពីនៅខ្លួនមួយ ទើបឆាប់ហត់នឿយ ព្រលប់មិនទាន់ រកតែគ្រែគេងប៉ុណ្ណោះ។
ក៏ប៉ុន្តែក៏មានសៅរ៍ អាទិត្យ ឬថ្ងៃឈប់សម្រាក ដែលម្តងម្កាល នាងតែងយកចិត្តទុកដាក់ មើលទុក្ខធុរៈកូនចៅ ក៏ដូចជាស្វាមី និងរបស់របរប្រើប្រាស់ក្នុងផ្ទះ ហើយទម្លាប់អស់នោះ ក៏មិនត្រូវបានប្តីដ៏ល្អរបស់នាង រាប់ជារឿងធំដុំអ្វីដែរ ព្រោះយល់ពីគ្នាច្បាស់ និងចេះមានការអធ្យាស្រ័យ ហើយជួយគ្នាទៅវិញទៅមក មិនចាំតែមើលបំណាំដៃគូម្ខាងឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
