ជាន់បន្លាជីវិតឆ្អែតហើយ ៣ ឆ្នាំបន្ទាប់ អ្នកកើតឆ្នាំ ៣ នឹងដើរជួបជង្រុកទ្រព្យធំ
ពេលខ្លះជីវិតមនុស្សយើងម្នាក់ៗ ត្រូវការតែឱកាស ១ ទៅ ២ សារប៉ុណ្ណោះ សម្រាប់ផ្លាស់ប្តូរឲ្យក្លាយជាអ្នកមានបាន ប្រសិនជាអ្នកចេះចាប់យកវាឲ្យបានល្អ។ ដោយឡែកងាកមកហោរាសាស្រ្តក្នុងអត្ថបទនេះ យើងប្រមើលមើល ៣ ឆ្នាំទៅមុខ គឺគេបានកត់ឈ្មោះអ្នកកើតឆ្នាំទាំង ៣ ដែលអាចមានឱកាសមាសឱកាសប្រាក់ អាចដើរប៉ះជង្រុកទ្រព្យធំ ហើយបើកាយយកបាន នោះនឹងអាចបត់ជីវភាព ១៨០ ដឺក្រេមិនខាន៖
អ្នកកើតឆ្នាំសេះ - មមី
ជាមនុស្សបុិនប្រសព្វ ឈ្លាសវៃ តែក៏បានជួបការលំបាកច្រើនណាស់ដែរ កាលពីនៅក្មេងខ្ចី។ មនុស្សនេះ មានចរិតធ្វើអ្វីមួយរាងប្រញាប់ប្រញាល់ ហើយជួនខ្លះមិនសូវបានគិតល្អិតល្អន់ទេ ទើបងាយឲ្យការសម្រេចចិត្តខ្លះ ទទួលរងបរាជ័យ។
ទោះជាយ៉ាងណា ពួកគេក៏រៀនសូត្រពីបរាជ័យទាំងអស់នោះ មកក្លាយជាបទពិសោធន៍ជីវិតបានជាច្រើនមកវិញផងដែរ។ ពេលវេលាផ្លាស់ប្តូរអនាគតសម្រាប់ពួកគេ គឺបានចូលមកដល់ហើយ ចាប់ពីឆ្នាំ ២០២៣ ដល់ ២០២៦ នឹងមានឱកាសជួបការផ្លាស់ប្តូរវិជ្ជមានច្រើន ដោយបានរបស់ធំចូលផ្ទះជាប់ ពោលគឺអាចទិញបានផ្ទះ ទិញបានឡាន នៅចន្លោះប៉ុន្មានឆ្នាំនោះឯង។
អ្នកកើតឆ្នាំវក – ស្វា
ម្ចាស់ឆ្នាំវក មិនសូវបានជួបសំណាងប៉ុន្មានទេ ជាហេតុនាំឲ្យពួកគេទោះខំខ្លាំងប៉ុណ្ណា ក៏មិនសូវឃើញផ្លែផ្កាធំដែរក្នុងជីវិត។ ទោះជាយ៉ាងណា កុំបាក់ទឹកចិត្តឲ្យសោះ ព្រោះបើឆន្ទៈនៅមាន ទំនុកចិត្តនៅបន្តរក្សាក្នុងចិត្ត ហើយចាស់ទុំជាងមុនបន្តិច នោះលាភធំ នឹងចូលមកដល់នៅពេលដ៏ខ្លីខាងមុខ។
ចាំមើលចុះ ចន្លោះឆ្នាំ ២០២៣ ដល់ ២០២៦ ដ្បិតបើជួបច្របូកច្របល់បន្តិច តែក៏លាយឡំដោយលាភសំណាងធំជាច្រើន។ ជាពិសេសចាប់ពីឆមាសទី ២ ពាក់កណ្តាលឆ្នាំនេះតទៅ អ្នកនឹងមានឱកាសដ៏អស្ចារ្យ ចូលមកក្នុងជីវិត អាចជួយឲ្យរីកចម្រើនជាងមុន ទាំងជីវិតការងារ ស្នេហា។ រួចតទៅមុខ នឹងជួបតែរឿងល្អ គ្មានការបោះជំហានថយក្រោយឡើយ។
អ្នកកើតឆ្នាំឆ្លូវ – គោ
បុគ្គលកើតឆ្នាំឆ្លូវ មានភាពឧស្សាហ៍ព្យាយាមខ្ពស់ ថ្វីដ្បិតបើជីវិតមិនសូវជារលូន ជួបការលំបាក ឧបសគ្គធំតូចជារឿយៗ តែពួកគេមិនបោះបង់ឡើយ។ មនុស្សនេះ រមែងមានការគិតសុទិដ្ឋិនិយម វិជ្ជមានជាប់ខ្លួនជានិច្ច ហើយតែងតែលួង និងលើកទឹកចិត្តខ្លួនឯង។
ឆ្លងកាត់បន្លាជីវិតច្រើនហើយ ពេលវេលាប្រមូលគុណផលនៃផ្លែផ្កាក៏បានចូលមកដល់។ អាស្រ័យនេះ ទ្រព្យធំតូចទាំងឡាយ ក៏នឹងរីកជុំទិស។ ឋានៈមុខមាត់ក៏រីកធំ មានគេគោរពជាងមុនដែរ នៅចន្លោះឆ្នាំ ២០២៣ ដល់ ២០២៦៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
