ឆ្នាំផ្សេងមិនដឹងទេ តែម្ចាស់ឆ្នាំ ៣ នេះ បេះដូងរឹងណាស់ ដាច់ខាតមិនវិលរកស្នេហ៍ចាស់ឡើយ
ស្នេហាពេលខ្លះ មុននិងក្រោយក៏អាចជាវិលទៅរកស្នេហ៍ចាស់ ឬយើងនិយមហៅថា Ex ប្រសិនជាពួកគេទាំងសងខាងនៅមានអារម្មណ៍សល់ឲ្យគ្នា។ យ៉ាងណាសម្រាប់អ្នកកើតឆ្នាំទាំង ៣ ខាងក្រោម ទោះក្នុងលោកខ្សត់ប្រុស ខ្សត់ស្រីប៉ុណ្ណា ក៏ដាច់ខាតពួកគេនឹងមិនវិលទៅរកស្នេហ៍ចាស់ជាដាច់ខាត៖
៣) អ្នកកើតឆ្នាំជ្រូក – កុរ
សម្រាប់អ្នកកើតឆ្នាំជ្រូក ជាមនុស្សដែលរមែងមានភាពម៉ឺងម៉ាត់ និងម៉ត់ចត់ខ្លាំងណាស់ក្នុងការសម្រេចចិត្តណាមួយ។ យ៉ាងណាការប្តេជ្ញាចិត្តលើទំនាក់ទំនងស្នេហារបស់ពួកគេ គឺរឹងដូចថ្ម ពោលបើដកចិត្តពីនរណាម្នាក់ហើយ ពួកគេមិនចេះត្រលប់ទៅវិញទេ បើទោះបីគេព្យាយាមមកធ្វើល្អ ប្រើពាក្យផ្អែមល្ហែមចង់អូសទាញចិត្តអ្នកបែបណាក៏ដោយ។ អស់ធំ ពួកគេត្រឹមរាប់អានជាមិត្ត រួចគ្មានអារម្មណ៍សល់ជាមួយអ្វីទាំងអស់។
ដោះលែង គឺប្រៀបដូចនឹងកែវ នឹងកញ្ចក់ ដែលប្រេះស្រាំទៅលើដី គ្មានថ្ងៃ គិតចង់ត្រូវរ៉ូវ រួចបើចៃដន្យជួបគ្នានៅខាងក្រៅ បើគេមិនហៅមុន ក៏មិនខ្ចីហាមាត់ ទៅហៅគេនោះដែរ ស៊ូដើរចេញ ឬដើរគេចធ្វើមនុស្សមិនស្គាល់។ ជាងនេះ ទោះទាល់ ទោះជួបបញ្ហាធំប៉ុណ្ណា បើថាខ្លួនឯងអាចដោះស្រាយបាន ក៏មិនទៅរកគេជាទីពឹងពាក់ និយាយរួមម្ចាស់ឆ្នាំកុរ ចិត្តដាច់ខ្លាំងណាស់ បើប៉ះជាមនុស្សស្រីផង សឹងរបងផ្ទះ ក៏មិនចង់ដើរកាត់។
២) អ្នកកើតឆ្នាំម្សាញ់ - ពស់
សម្រាប់អ្នកកើតឆ្នាំម្សាញ់ មានហេតុផលច្រើនក្នុងការចាប់ផ្តើមទំនាក់ទំនងស្នេហា ដោយមិនងាយដាក់ចិត្តស្រលាញ់នរណាម្នាក់ឡើយ ហើយបើស្រលាញ់គឺស្រលាញ់ងប់ តែបើឈប់ស្រលាញ់វិញ គឺដកចិត្តអស់ពីខ្លួន ដូចគេដកស្ពៃទាំងឬស។
ដោយឡែក ប្រសិនគេសម្រេចចិត្តបែកពីនរណាម្នាក់ហើយ ខាងភាគីម្ខាងទៀត ក៏នឹងគ្មានឱកាសសូម្បីតែនិយាយពាក្យថា សុំទោស ដោយអ្នកកើតឆ្នាំម្សាញ់ គឺមិនចេះរុញរាទេក្នុងការកាត់ផ្តាច់ទំនាក់ទំនងជាមួយនឹងដៃគូ ដែលពួកគេអស់ចិត្ត។
តែគួរឲ្យអាណិតដែរ មនុស្សនេះ រាងឯកាបន្តិច បន្ទាប់ការបែកបាក់ស្នេហា ព្រោះពួកគេមិនសូវចេះសាងទំនាក់ទំនងនឹងអ្នកថ្មី ឬជាមួយមិត្តភក្តិ ដើរជួបជុំសសប្បាយ មកលាងទុក្ខសោកដូចមនុស្សឯទៀតនោះទេ ជារួមពេលទំនេរ ច្រើនតែសម្ងំនៅម្នាក់ឯង ក៏គិតថា វាជាសេចក្តីសុខ ការដែលអាចនៅស្ងប់ ដោយគ្មានអ្នកមករំខាន។
១) អ្នកកើតឆ្នាំខាល – ខ្លា
ជាមនុស្សដែលរមែងមានចិត្តស្មោះត្រង់ មិនចេះមានកលល្បិច ក្បត់ដៃគូនោះទេ ហើយចូលចិត្តបង្កើតពេលវេលាល្អៗ ជារួមបើស្រលាញ់នរណាម្នាក់ គឺអ្នកកើតឆ្នាំខាល ដាក់មនោសញ្ចេតនាខ្ពស់ខ្លាំងណាស់។
យ៉ាងណាបន្ទាប់ពីកាន់ដៃគ្នារយៈពេលយូរ ប្រសិននៅមានចិត្តស្រលាញ់ទាំងសងខាង គឺស្រលាញ់ងប់ មិនងាយដកចិត្តរួច ហើយគ្មានទេ ពាក្យដែលអ្នកកើតឆ្នាំខាល និយាយថា បែកមុន ប៉ុន្តែបើការទ្រាំដល់ព្រំដែនកំណត់ គេនឹងចាត់ទុកម្នាក់នោះដូចអ្នកដទៃ គ្មានស្តាយស្រណោះឡើយ។
អ្វីដែលគេធ្លាប់ទទួលរង ការឈឺចាប់ទាំងឡាយដែលបានជួប នឹងធ្វើឲ្យអ្នកកើតឆ្នាំខាលចងចាំមួយជីវិត ហើយជាមួយរឿងស្នេហា គឺមិនងាយចេះអត់ឱន ឬលើកលែងឲ្យបានឡើយ ដូច្នេះទៅពេលខាងមុខ ទោះជួបស៊ូធ្វើមិនស្គាល់គ្នាក៏មាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
