ឆ្នាំនេះលំបាកច្រើនហើយ តែដល់ឆ្នាំក្រោយ ២០២៤ អ្នកកើតឆ្នាំ ៣ ចូលង៉ូវហេង កេណ្ឌលាភ ៨ ទិស
តាមហោរាសាស្រ្តសម្រាប់អ្នកកើតឆ្នាំទាំង ៣ ដូចបង្ហាញខាងក្រោម នៅឆ្នាំក្រោយ ២០២៤ ពួកគេនឹងមានជោគជតារាសីឡើងខ្ពស់ត្រដែត ង៉ូវហេងចូលមកឆឹបៗ ដឹកទ្រព្យធំ មានលទ្ធភាពទិញបានផ្ទះថ្មីឡានថ្មី៖
អ្នកកើតឆ្នាំជូត (កណ្តុរ)
ពួកគេរមែងជាមនុស្សមានភាពច្នៃប្រឌិត ហ៊ាននិយាយហ៊ានធ្វើ មិនសូវចេះរុញរា។ មនុស្សនេះពីធម្មជាតិ អំណោយទាននូវភាពមានស្មារតីល្អ ហើយពូកែគិតខ្លាំងណាស់ មើលឃើញអ្វីយ៉ាងឆាប់រហ័ស សឹងតែពេលខ្លះ រឿងខ្លះ មើលឃើញមុននូវផលចំណេញ ការខាតបង់ ក៏ដូចជាផ្លូវក្រោយទុកបម្រុងដើរ។
យ៉ាងណា ចូលដល់ឆ្នាំ ២០២៤ ខាងមុខ តាមហោរាសាស្រ្ត ម្ចាស់ឆ្នាំកណ្តុរ នឹងមានវិញ្ញាណល្អតាមថែរក្សា ហើយផ្កាយលើកយីអ៊ុននឹងនៅក្បែរពួកគេជានិច្ច។ ប្រសិនបន្តចេះចាប់យកឱកាស ចាំសង្កេតមើល នៅឆ្នាំក្រោយ នឹងអាចកែប្រែជីវិតឲ្យផ្លាស់ទៅទំព័រថ្មីដ៏រុងរឿងមួយទៀត។
រៀបនឹងដល់ផ្លូវជោគជ័យ អ្នកក៏ត្រូវចាំទុក កុំភ្លេចឲ្យសោះ នៅកន្លែងកើត កន្លែងចាប់ផ្តើមពីគ្រាលំបាក ហើយម្យ៉ាងទៀត ក៏ឆ្លៀតសាកថ្មជីវិត ជាការប៉ះប៉ូវលួងដួងចិត្ត ដែលបានខិតខំអស់កាលជាយូរផង។
អ្នកកើតឆ្នាំមមី (សេះ)
នៅឆ្នាំ ២០២៣ នេះ ត្រីមាសដំបូងពួកគេហាក់ជួបរឿងរ៉ាវលំបាកច្រើន បញ្ហាចូលមកគ្រប់ទិស និងប៉ះពាល់ការរស់នៅជាខ្លាំង។ ក៏ប៉ុន្តែព្រះនាំសំណាង មិនឲ្យអ្នករស់ត្រាំក្នុងភាពជូរចត់ ភាពក្រខ្សត់យូរតទៅទៀតឡើយ ដោយឆាប់ៗនេះហើយ ង៉ូវហេង កេណ្ឌលាភ ៨ ទិស នឹងត្រូវចូលមកដល់។
ចាំមើល ចូលដល់ឆ្នាំក្រោយ ២០២៤ ផ្កាយលើកយីអ៊ុននឹងចូលមកដល់ជីវិតរបស់ពួកគេតាំងពីដើមឆ្នាំទៅ ពោលនឹងនាំឲ្យមានការផ្លាស់ប្តូរវិជ្ជមានដ៏ធំមួយ។ អ្នកកើតឆ្នាំមមីនេះសោត ក៏នឹងអាចបោះជំហានថ្មី ទាំងក្នុងអាជីពការងារ ឬជំនួញ ហើយធ្វើឲ្យគ្រប់គ្នាក្បែរខ្លួនមានការច្រណែននឹងជោគជ័យដែលអ្នកសម្រេចបាន។
អ្នកកើតឆ្នាំកុរ (ជ្រូក)
មនុស្សដែលកើតឆ្នាំជ្រូកជាទូទៅច្រើនតែស្វាហាប់ និងរហ័ស ហើយមានចរិតល្អ ពូកែខាងទំនាក់ទំនង រួចបើមានកូនមិនថាកូនប្រុសកូនស្រី ក្នុងនាមម្ចាស់ឆ្នាំកុរ ជាឪពុកម្តាយ ក៏តែងចេះប្រដៅ ណែនាំអប់រំ ឲ្យដើរតាមគន្លងយ៉ាងត្រឹមត្រូវ។
ចូលដល់ឆ្នាំក្រោយ ២០២៤ ពួកគេនឹងមានទ្រព្យធំចូលមកដល់ ហើយអាចមានលទ្ធភាពទិញផ្ទះ ទិញឡាន ដែលពួកគេស្រមៃចង់បានអស់កាលជាយូរ។ មនុស្សនេះខិតខំខ្លាំងណាស់ មិនដែលគិតដេកសំកុក រង់ចាំសំណាងនោះទេ ម្ល៉េះតេឡេចុចហៅសំណាងពីឋានលើ ក៏ដល់ពេលត្រូវបញ្ជា ហៀរតែមាសតែប្រាក់ លុយកាក់យ៉ាងសន្ធឹក មកក្នុងជីវិតអ្នកកើតឆ្នាំទី ១២ នៅឆ្នាំបន្ទាប់នោះឯង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
