ជ្រើសរើសតុក្កតាមួយ ដើម្បីដឹងថាគេចាប់អារម្មណ៍អ្នកត្រង់ចំណុចអ្វី?
មនុស្សយើងម្នាក់ៗជាការពិត តែងតែមានអំណោយផលពីធម្មជាតិលើចំណុចណាមួយផ្សេងៗគ្នា។ យ៉ាងណាពេលខ្លះ យើងក៏មិនបានចាប់អារម្មណ៍នូវចំណុចទាំងអស់ហ្នឹងដោយខ្លួនឯងដែរ ដល់តែគេនិយាយទើបយើងនឹកគិត ហើយមើលឃើញថាវាអ៊ីចឹងមែន។
តាមរយៈការតេស្តបែបវិទ្យាសាស្រ្តក្នុងអត្ថបទនេះ Knongsrok សូមឲ្យអ្នកអានជ្រើសរើសនូវរូបភាពតុក្កតាមួយ ក្នុងចំណោមតុក្កតាទាំង ៤ ផ្សេងគ្នា ហើយចម្លើយនឹងបង្ហាញដូចខាងក្រោម៖
តុក្កតាទី ១
ការជ្រើសរើសរបស់អ្នកបង្ហាញមកថា អ្នកជាមនុស្សដែលពោរពេញដោយភាពច្នៃប្រឌិត។ អ្នកតែងតែបំផុសមើលឃើញចក្ខុវិស័យថ្មី គំនិតថ្មីជារៀងរាល់ថ្ងៃក្នុងជីវិត។
ពេលខ្លះរបស់តូចមួយទេ តែក្នុងកែវភ្នែករបស់អ្នកបានមើលឃើញពីតម្លៃពិតប្រាកដរបស់វា ហើយចេះកែច្នៃរបស់នោះ ឲ្យមានតម្លៃជាងអ្វីដែលមនុស្សទូទៅមើលឃើញ។ នេះហើយជាចំណុចខ្លាំងរបស់អ្នកដែលបានជ្រើសរើសរូបភាពទី ១។
តុក្កតាទី ២
អ្នកត្រូវបានគេចាត់ទុក ថាជាមនុស្សដែលរមែងមានសកម្មភាព និងការគិតវិជ្ជមាន ហើយតែងតែទទួលបានអារម្មណ៍កក់ក្តៅ សុវត្ថិភាព និងគិតថាអ្នកជាមនុស្សរួសរាយរាក់ទាក់។
ដូច្នេះហើយ ធ្វើឲ្យមនុស្សជាច្រើនចូលចិត្តនៅក្បែរអ្នក ពោលចំណុចខ្លាំងរបស់អ្នក គឺទាក់ទាញមនុស្ស ទាក់ទាញការគិតអវិជ្ជមាន ឲ្យប្រែក្លាយជាវិជ្ជមាន។ គ្រប់កិច្ចការពារពាក់ព័ន្ធនឹងប្រាស្រ័យទាក់ទងជាធំ គឺអ្នករមែងមានប្រៀបជាងមនុស្សដទៃ។
តុក្កតាទី ៣
អ្នកគឺជាមនុស្សដែលមានភាពរឹងមាំទាំងផ្លូវកាយ និងផ្លូវចិត្ត អ្នកមានការតស៊ូ ការអត់ធន់ខ្ពស់ ហើយតែងតែមិនរុញរាក្នុងការឆ្លងកាត់ឧបសគ្គអ្វីមួយ ព្រោះអ្នកជឿថា បញ្ហាជាកត្តាដែលនាំឲ្យអ្នកអាចសម្រេចគោលដៅពិតក្នុងជីវិត។
ភាពអត់ធ្មត់ខ្ពស់នេះហើយ ជាចំណុចលេចធ្លោរបស់អ្នកពីធម្មតា ដោយគ្មាននរណាអាចមកកាត់ផ្តាច់វាបានឡើយ។
តុក្កតាទី ៤
អ្នកជាមនុស្សមានការខិតខំប្រឹងប្រែងខ្ពស់ បើគេឲ្យអ្នកធ្វើការ ៨ ម៉ោង អ្នកខំធ្វើដល់ ១០ ម៉ោង ដោយមិនខ្លាចការនឿយហត់អ្វីនោះទេ សំខាន់ឲ្យតែបានផល បានផ្លែផ្កាឆាប់រហ័ស។ ពេលខ្លះអ្នកដើរហួស Target ឬគោលដៅបានកំណត់ទៅទៀត តែវាក៏នឹងតបជាផលសងទៅអ្នកពេលបន្ទាប់ផងដែរ។
បើពេលនេះមិនទាន់មាននរណាបានឃើញពីការលះបង់របស់អ្នក ចូរកុំតូចចិត្តអី មិនយូរទេ ពេលខាងមុខ នឹងមានអ្នកបានឃើញ ព្រមទទួលយក ហើយផ្តល់ប្រយោជន៍ជាច្រើនត្រលប់មកអ្នកវិញមិនខាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
